「青春一去不返，但回憶永遠爆笑」

細個唔識追星，想體驗下
有日睇論壇話 甘四味有簽名會就去湊熱鬧。
記憶開始模糊，只記得現場有好多靚姐姐派野，
係個陣資訊無以家流通得咁勁既年代，我醒唔起點解我會清楚個排隊流程
我就好奇又興奮咁排隊，覺得自己好似參加咗一場大冒險。

今日 Facebook 提醒我「當年今日」，
原來已經係 15 年前。
望返嗰啲相，牙仲未箍好嘅自己，
真係望多兩秒都想自己閃人，
但又好掛住嗰陣滿面骨膠原嘅青春。

嗰陣青春到爆，
依家只係爆晒腩。
HMV 冇咗，商場仲喺度，
但我嗰份追星嘅心，
早就俾生活沖淡咗。

不過心底仲有個小小願望：
希望將來個女大咗，
到佢去追星嘅時候，
會搵埋我陪，
咁我又可以再青春一次。

@phat24herbs @djkeepintouch @jbs8five2 送返d回憶比你地～