【你太好人? 唔好意思，你只係懶好人!】
今次係我自己朋友來
佢：「XX，我知我蠢。屋企人借錢，我又幫；屋企人闖禍，我又執；屋企人情緒勒索，我又受。我成日話要放手，但每一次都返轉頭。」
我記得佢個盤：
「記唔記得我同你睇你個盤，係喺家庭入面學到嘅生存模式：你覺得要做個好人，就要滿足所有人。但問題係，你懶。」
佢呆一呆：「懶？」
「懶得去思考乜嘢係真正嘅對人好。人哋講乜你信乜，心又軟，你唔係壞人，但係你養殘緊你屋企，養殘緊你自己，仲害慘你男朋友，放過你條仔。」
佢冇出聲。
我繼續：「你成日重複同一種痛。屋企人唔識愛你，當你提款機。連你自己都唔識愛自己，呢個世界上，唔會有人識得愛你。我有印象你個盤，你冇改過既話，上兩個月應該同你男朋友因為同一個問題嘈左鑊大既，我冇講錯吧」
佢眼紅紅：「係......我男條仔之前話我成日為屋企人委屈自己，委屈埋佢，鬧我唔識保護自己。我哋嗰時分過手。」
「你睇，連愛你嘅人，都俾你趕走埋。你咁樣，邊個仲會珍惜你。你自己諗」
佢俾我插到係咁喊。
我只係講左一句:「你唔好再信自己啦，你 – 信唔過!」
「你自己諗方法鎖死你自己啲錢啦。」
「吓？」
「月供股票、基金、保險，總之係難拎返出嚟嘅嘢，鎖晒入去。出糧即轉走一半，唔好手動，用自動轉帳既。屋企人問借錢，你話冇，想心軟都冇得心軟。你個盤你自己返去睇返，你包心軟」
「你唔對自己狠，人就同你狠。」
過左冇幾耐，佢Inbox我: 「師傅，好撚癲! 班友癲撚線」
我緊係八卦啦，就問咩事
佢話:「我開咗個戶口，月供緊基金，鎖死咗一半糧。屋企人嚟借錢，我話冇，佢哋屌到我反艇，又話我親生細佬又唔幫，話佢啲錢同樓一早留哂俾細佬，聽到呢度我先知自己一直以來幾On9。」
「我喊咗幾晚。我先知你講既懶係咩，係我懶孝順，懶好人，懶係覺得自己重要」
「我話癲果度係琴日佢哋見借唔到錢，竟然走去我公司搞事，想我老闆炒我。好彩我嗰陣已經偷偷轉咗工，新工冇話俾屋企人知。佢哋扑個空，搞唔成。」
我望住佢：「咁你而家明未？」
佢點頭：
「啲愛都係留返俾啲真係對我好既人啦! 」
你條命，你話事。
屋企人唔識愛你，你要識愛自己。
連你都唔愛自己，冇人會識得愛你。
留言「DM」睇下自己點對自己係最好