📌 【尋目擊者｜馬鞍山運
共 71 條紀錄
【尋目擊者｜馬鞍山運動場意外】
希望尋找昨日2026年3月12日下午6時
在馬鞍山運動場目擊事件的朋友。
我56歲的媽媽患有類風濕關節炎有骨質疏鬆的問題，昨日下午6點期間在馬鞍山運動場慢跑期間，被正在起跑訓練的中學生從後方撞倒在地，媽媽當場受傷伏在地上1分鐘才能被扶起身，牙齒崩裂，左眼腫脹手腳擦損。
事發在場的中學生教練表示需要叫救護車入急症檢查有報告後可以索償，但卻沒有提供個人姓名並只提供學校聯絡電話，爸爸其後已到場並即時報警處理，媽媽最後需要由救護車送急症室，受傷後身心受損足足等待12小時後才見醫生照x光拿報告。
我們已經聯絡相關學校，但校方只回覆難學校無辦法協助，未能處理，只叫我們透過警方跟進。由於爸爸當時最擔心母親身體情況想盡快送院而未有追究相關人士的資料。為人師表逃避責任，希望可以透過我媽媽受傷的事件引起校方正視問題，保障大家有一個良好的運動環境，不會再有下一個受害者。
因此希望當時在場的跑步人士或目擊者，如果有看到事件經過，可以私訊聯絡我們提供資料，非常感謝。
同時亦想請教大家，如果曾遇到類似情況，可以如何跟進事件及追討醫療費用或相關賠償？十分感謝大家幫忙轉發。
十分謝謝你嘅提議我會嘗試，最傷我心真係已經畀咗聯絡方式個負責教練，但事發後從沒聯絡我，媽媽在意外後頭昏腦脹不懂得要領取教練的聯絡方式只有學校電話，而校方再聯絡教練後得出嘅結果只係冇嘢做到叫我自己搵警察,媽媽撞傷完後係急症室留咗12個鐘冇得沖涼冇得休息得出呢個處理結論真係好委屈。
慢跑線道本應係一二線 但因為啲人唔睇場地規則 通常慢跑嘅人都會喺場外（繞八線外）或者78線跑
weekday六點係練習嘅高峰期，馬鞍山仲熱鬧過旺角，不時都會發生意外，特別係唔熟悉運動場同運動場潛規則嘅人（跑直線道/準備要入直線道要睇係有冇人準備起跑，因為dub底頭冇可能睇到你）起緊跑係直線，唔好跑圈嘅時候cut入去，好容易發生意外或者整傷人
例如無啦啦cut線嘅人，如果後面有人做緊短距離衝刺訓練，好難避到，更有可能因為要避開突然間走出黎嘅人而整親。呢啲情況甚或者唔會掂到你，但係cut線嘅人一定唔會負責任，因為佢冇損失。
但你呢個情況係所有人都有遵守緊規則（唔知你媽媽當時有冇睇後面或者做其他野），學生一定唔會特登撞你媽媽。
見你上面講話爆校名，好多學生都係出面跟教練，所以唔一定關學校事。第二個學生都唔想撞到你媽媽，你未搵到證據之前就話叫佢賠償同要投訴，未免係太霸道？
作為跑步者表示，1 2線外任你玩任你行，反正依家運動場免費無王管，成班老野鐘意人地衝緊尻行，又鐘意放細路亂走，只可以講，你行入1 2 線咁唔小心無辦法啦，記得告一定要告，我想睇你點告🖕🏻
撞倒在地都要睇係唔係唔望後面 亂切線 打斜跑 隻手打圈畫過隔離線等等 希望有人可以有片證明中學生畜意撞落你媽咪度 保返你地清白 整傷左果個又唔聯絡你地係衰啲 事後無片無證明 好難claim
你要搵證人最簡單的方法，當日你什麼時間去跑步，就第二天同一時間去找，因為跑者多數係同一時間出現在同一地方！
可能你第二個星期，同一個日子+時間，已經可以找到那間學校的學生正在上堂。
可以開學校名嗎？或提示下。
我女女即將要升中，揀緊學校，又係沙田區，仲要玩開田徑，想避雷🙏🏻🙏🏻thx🙏🏻
祝你媽媽早日康復、事情得到公正處理🦾🙏🏻🙏🏻
報左警，康文署有record架，1823再CC特首辦要求跟進
同埋去教育局投訴學校
祝早日康復🙏🏼
其實可以點？田徑場本身就好易有碰撞，你好難怪哂人哋中學生
其實呢件意外事件，引伸出嚟既問題係，啲學校/跑會，點解可以係公眾緩跑時間，使用公共資源嚟去進行田徑訓練？真心康文署要正視問題，呢啲田徑訓練，要強制相關團體付費租場，在指定可租用時段內(建議星期一至五17:00-19:30，星期六日及公眾假期10:00-14:00)可以容納不多於三個團體共同使用跑線。
已經嘗試同校方講如果唔處理會報東張，佢仲要回應我呢個係我嘅自由選擇，完全dont give a shit
你將你呀媽係公立醫院等12個鐘呢條數都入落人地道，等得耐呢個係醫院問題唔關佢事喎😅
分流完要你等得12個鐘即係佢情況一啲都唔緊急，我撞車係即刻入即刻照x光。
報左警你咪等警方攞cctv睇下邊個有問題，撞車都唔會24小時內有專人覆你啦，攞cctv人證物證唔洗時間？你要索償都要跟足程序做掛
想問你呀媽一直跑4線，個學生又跑4線，見到你呀媽都唔收從後撞落去？咁佢自己都好傷喎，唔係好make senses
學校訓練係咪個個星期四都會出現？
如果係嘅話你下星期同樣時間，應該會搵得返嗰班人。佢係運動場教班嘅話，係咩教練？邊個機構發牌畀佢？
同埋要救護車嘅話，場地冇人跟進嘅咩？馬鞍山運動場啲人好嚴格㗎喎，租locker都要出示身份證，係咪要寫信去康文署 /1823 問吓呢？希望幫到你🤔
嘗試聯絡過場地負責人，但佢今天放假，謝謝你的提議我會向運動場跟進🥹🙏🏻
佢哋好似有經理職位，就算個主持人放假，救護車出入運動場應該有紀錄，你寫電郵去，政府就要跟進，唔好畀佢hea咗你🙏🏻
學校嗰度，如果倒返轉，下次啲學生係畀人撞到，係咪個教練都唔使負責任？最後搞唔掂就搵東張西望啦
謝謝你十分有同理心，我也嘗試跟校方說如果是他們的媽媽被撞到會唔會不追討，他們只是回覆我學校沒有可以處理的地方，諗起我媽媽喺受害者一個人喺急症室等候治療但他們不需要負責就十分委屈。我一定會持續跟進的謝謝你的建議，有好消息一定會感謝你哋呢班智囊團的🙏🏻
已經向警方同教練聯絡交低咗我聯絡方法，事發24小時後仍然沒有主動跟進我媽媽受傷的情況，校風主動跟教練了解後只叫受害人自己和警方處理，為人師表逃避責任
謝謝你的關心,這是慢性疾病，她的病情已經受控制，只是骨頭會被一般人脆弱，但她這個年紀不做運動長胖了很多，醫生也建議間中也要做運動防止骨質繼續退化🥹她每次都是跑幾圈就回家
唔係叫你唔好做運動 如果體胖 更加唔適合跑步 會傷埋膝蓋
咁嘅身體狀況自己知自己事，應該去公園緩跑徑呢類地方跑，下次唔好去田徑場
其實好多時候起跑訓練嘅人睇唔到前面嘅人 其實點都係前面cut入嚟嗰個人要望清楚返後面有冇人訓練緊
其實好多時候啲阿叔阿婆小朋友，佢哋喺度慢跑嗰陣可能咁啱入咗嚟我哋起碼都係即刻減速 其實我哋受傷風險仲大啲 啲阿叔同啲小朋友又唔會去觀察後面有冇人
其實田徑場無論做咩你都要望清楚有冇人做緊訓練 你唔可以因為佢撞到你就話佢全責
大家求下你哋了解情況先😭🙏 一下就話爆人間學挍.. 太衝動啦！
如果是你媽媽被撞到，入咗急症室等候12小時在冷冰冰的椅子渡過了一個凌晨才有得見醫生，負責教練一開頭說檢查報告後可以聯絡他，但是他只提供了學校電話，而學校回覆是沒有可以處理，你會認為是小事一樁嗎？
本身唔喺慢跑嘅線道進行慢跑已經係一個問題，同埋佢又冇喺一個唔適合嘅地方快跑同時亦都冇證據顯示佢係特登撞，最後有目擊證人但係佢哋嘅陳述都表示個中學生起跑嘅時候冇留意到唔係有意，人哋更加唔會賠償俾你 投訴學生/學校都要合理 更何況有可能個學生係跟出面教練，你叫學校點處理？
好多人主觀覺得運動場就可以快跑，其實香港運動場開放比公眾，八條線都係緩跑徑。
聽落好慘 但望真啲應該又誇大咗
等得12個鐘即係唔緊
郁啲就身心受損即係玻璃心
搵目擊不如要求check CCTV
我媽媽受傷當時有問教練是什麼名字，教練只留下學校的名稱及電話，暫時要向警方申請
十分謝謝你嘅提議我會嘗試，最傷我心真係已經畀咗聯絡方式個負責教練，但事發後從沒聯絡我，媽媽在意外後頭昏腦脹不懂得要領取教練的聯絡方式只有學校電話，而校方再聯絡教練後得出嘅結果只係冇嘢做到叫我自己搵警察,媽媽撞傷完後係急症室留咗12個鐘冇得沖涼冇得休息得出呢個處理結論真係好委屈。
要有心理準備多方面投訴先有少少回應，你同你媽媽辛苦了。
十分謝謝你的提議，真係心力交瘁，如果教練可以睇清楚跑步嘅環境先為學生進行訓練可能就可以避免呢個意外發生，最不滿係校方係安排課外活動但可以一句沒有事可以處理，會嘗試聯絡教育局
不過慢跑線係1，2線 你係四線跑比人撞到 果個人係可以告返你轉頭 要坐監 @hofungkg 試過搞到個90歲呀婆坐監
已經向警方同教練聯絡交低咗我聯絡方法，事發24小時後仍然沒有主動跟進我媽媽受傷的情況，校風主動跟教練了解後只叫受害人自己和警方處理，為人師表逃避責任
我覺得係一個意外但你要執意去追究都黑計
散步可以去附近公園唔一定要去運動場
香港地唯一一招大絕
報東張開學校名開校長名搞大佢
你一日唔搞大佢間學校都係當你臭四
希望伯母盡快康复。首先要確定受傷情度，如是重傷或喪失工作能力，一定要揾律師搞，唔好想省錢。如幸運地是輕傷，可以考慮上小額庭索償。要咬實學校責任。學校唔想揹，就會督個學生出來。埸地可能有CCTV，要求警察協助攞。
其實康文署d 場地，真係好易有意外。有足球場使用當日就話1至3號賽道就封左，但去到一百米個區，最後幾條又會俾一排學生用左黎訓練。咁其他人去到一百米既時間又點跑？踢足球既又有時過份度坐在賽道，仲要好惡。有時會見到老人家同小朋友在一，二號線行，勸戒唔好用快線又唔聽。大家唯有小心d, 唔好一路聽歌一路跑，留意附近係唔係進行速度訓練，因我跑完有時失去專注都差點俾人撞到。
學校跟我說沒有事情可以處理，要我自己聯絡警察，我跟校方說報東張，他說這是我的自由選擇
起跑睇唔到前面，我之前成日差d撞到人，過馬路睇車跑道睇人，有人起跑你地將就下去隔離線啦，唔睇人起跑去到運動員專場練一行出去就比人教練問候，慢跑嘅見到去隔離線就好，報東張其實不建議，運動場就下啦，起跑前20米都望地下，撞到冇得怪邊個
見其他運動場情況，學校係運動場練習，正常要同運動場卜直線練，運動場會安排帶或繩欄住條線，如果冇帶或繩欄咁係運動場問題，如果個教練冇卜線練習，咁係學校同教練問題，但有時啲學生會係彎路練起跑。
其實教練同校方都無嘢可以做。
學校活動多數有買保險。發生意外有人受傷，一定只能夠報警交俾警方調查。
保險公司只會喺警方調查完成，交咗俾律政司會控告需要負責任嘅人士，並喺法庭由法官判罪名成立後才會跟進任何賠償。期間絕對唔可以向當事人 / 任何等三方有任何形式嘅道歉/承認責任等等嘅行為。否則保險公司可能會拒絕賠償。
有骨質疏鬆 跌低左
點解會要求即刻扶起身
我理解唔到
媽媽本身話撞到在地頭昏腦脹起唔到身，但個教練同佢講附近仲有其他跑步嘅人士，扶我媽媽出辦事處call白車
想問你媽媽當時是在第幾條線?
是在散步定緩步跑?
當時為什麼只有你媽媽一個人呢?
正常練起跑唔會見到前面有人照開始...而且要咁大力撞到一定係起動果下....🤔
有目擊者有片的話對件事好有幫助
真的覺得教練這個專業沒有好好指導學生，沒有觀察附近環境是否適合練跑，仲要逃避責任，真係希望多啲人關注事件保障返一個安全健康嘅運動環境
意外撞倒就真係難啲去索償，因為練短跑起步頭十幾廿米個視線好多時都重係望緊地下唔係望前面。可能妳媽媽咁啱就係灣位入直路，啲學生就啱啱起跑，啱啱遇著剛剛就炒埋一碟。
推
跑得慢咪同佢講返要跑外線
跑錯線就應該要比人撞到跌低咩
我去跑步都好撚怕啲學生響度所謂做
Training,亂鳩咁衝同鳩叫.....遲早出事....
已經報了警，而且有記錄事發經過，警察有教練的個人資料，但因為私隱問題要申請😭當初教練留低學校嘅電話號碼，聯絡咗學校話冇嘢可以處理，我媽媽在急症室等候12小時還不知道撞到他的學生名字及教練的資料
馬鞍山下午好多校隊訓練，條條線都有學生。學校田徑隊好多都係外判教練，佢唔係學校職員。而佢事後唔認/或冇通報俾學校體育主任，所以學校可能唔受理。你要搵體育科主任/校長直接對質
你都將會進入法律程序
唔係咁適合帶風向話對方逃避責任
保障自己
有时你要明白滴机构，越大越系，真系宁愿你去法庭告距地，判赔偿几多就几多反而好地地，同你商量赔偿既代表番去机构内部永远有人讲使吴使赔甘多吖？ 尤其有保险覆盖责任。所以点解滴钱要被律师赚就系甘原因。总之搵律师距会指导你如何收集资料证据架啦！