【波友噩夢 😱 篤魚蛋唔止係腫咗咁簡單！】

你有冇試過接波嗰陣，手指傳嚟「啪」一聲，跟住就變咗粒紅腫嘅「魚蛋」？🍡🏀

好多波友（包括以前嘅我）第一反應都係：「捽下佢、拉返直佢，過兩日就冇事啦。」但作為物理治療學生，我要話你知：呢個動作隨時令你隻手指成世伸唔直！ 🛑

今日同大家拆解「篤魚蛋」之後嘅注意事項：

1️⃣ 唔係淨係「扭親」咁簡單 當個波正面撞擊指尖，力量會沿住骨頭直撞關節。除咗韌帶拉傷，仲好容易傷到 Volar Plate (掌側板) 或者造成 Avulsion Fracture (剝離性骨折)。

2️⃣ Mallet Finger (槌狀指) 警告 🔨 如果你發現指尖垂低咗，自己用力都伸唔直，好可能係伸肌腱斷裂！處理得唔好，隻手指就會永久變形，連洗臉、扣鈕都會受影響。

3️⃣ 千祈唔好「拉手指」！ ❌ 如果你有骨裂，夾硬拉只會令骨碎片移位得更犀利。急性期最重要係 Protection (保護) 同埋 Buddy Taping (連指膠布)。

4️⃣ 幾時先打得返波？ 唔係「唔痛就打得」。如果關節仲係好鬆、或者握力未回復，返場只會傷上加傷。Physio 嘅介入可以幫你透過 Isometric (等長收縮) 練習強化手指穩定性，由「驚住打」變返「放心射波」。

💡 Athletephysiomind 友情提示： 魚蛋腫超過兩星期都唔退？或者手指關節位好似「卡住左」咁？唔好硬撐，盡快搵睇專業人士檢查清楚，早處理 = 早日打番波

🏀 你最深刻嗰次「篤魚蛋」係點發生？留言話我知，或者 Tag 嗰個成日篤魚蛋嘅隊友！