【3月26日 晴天 第四場的記錄2】
今日下半場幾位居民同工人作供，聽到真係心情再次一沉，阮先生喺呢場大火痛失雙親..佢本身係從事食肆牌照申請，知道消防要求，佢話後樓梯防火窗被改造成用木板造嘅「生口」肯定唔防火...屋企窗都長期比發泡膠封死，知道有街坊已經投訴過..文先生就話當日窗外面至小有2至3層係有建築物料燒緊，想用消防喉但係無水..警鐘冇反應，佢由30樓逃生，層層都嗌火警，層層都扑警鐘，但都冇反應..真係想像唔到佢當時有幾無助..

王女士就話自己單位隔離嘅後樓梯門咁多年都開唔到，但清潔工人竟然可以打開！what!後樓梯要嚟走火竟然住戶係開唔到？保安日日都要巡樓無理由唔知啊？壞咗唔整定有心鎖住！！呢啲係咩管理公司？王女士仲喊住講招標過程黑暗，費用極高，街坊永遠都係失敗..羅小姐喺呢場火痛失媽媽，當日只有媽媽一個人喺屋企，最後一句說話係叫佢同哥哥好好生活，當時背景完全聽唔到有警鐘聲..講度呢度羅小姐有小小激動，話佢真係好想搵到真相..其實唔單止羅小姐呢幾日聽證我都見到有好多宏福居民日日都有嚟，大家都好想知道點解！

之後兩位外牆清潔工人講到火災當日被困喺天台一晚先獲救，安全堂只係講安全帶安全帽，完全冇教火警應變，火警個陣都睇唔到任何消防設施。每次聽證會完我都會好嬲，睇到係好多嘢造成今次大火，圍標問題更加係黑暗到極點，街坊早就反對間公司，但最後依然中標，到底點解？法團同承建商根本直頭係吸血鬼，錢比人命更重要！？

蒼天有眼 壞人全部下半世無好日子過

真係唔知講乜嘢好，多謝你連日嚟嘅記錄🙏🏻🙏🏻真係越睇越心傷❤️‍🩹，何止建築商要嚴懲，管理處都要，邊棟大廈用緊宏福苑嘅管理公司真係要小心

😭😭😭

辛苦晒🫂🫂🫂
多謝你幫手

感謝撮要🙏🏾

我睇文字都激動…
祝福🙏🏻

😔😔😔