【5大必睇音樂會推介🌟】
要聽音樂，當然就要聽現場演奏嘅音樂會！要聽音樂會，就當然要聽由全球歷史最悠久民間交響樂團演奏嘅音樂會啦🎶！「音樂盛會2026」6月正式登場，門票現在於城市售票網發售，早鳥優惠只係去到4月12日，立即睇下今年嘅重磅名單～

「音樂盛會2026」咁吸引，即睇詳情兼準備搶飛啦👉🏻
https://www.lcsd.gov.hk/CE/CulturalService/Programme/tc/music/groups_1946.html

⭐ 萊比錫布業大廳樂團（6月2及3日）⭐
全球歷史最悠久民間交響樂團，樂團喺貝多芬生前已經演出過晒佢所有嘅交響曲，加上由全球炙手可熱嘅指揮兼格林美獎得主尼爾森斯擔任指揮、人氣鋼琴家亞夫迪娃作鋼琴演奏，絕對有睇頭！

⭐ 拉法爾．布雷查茲與金本索里鋼琴及小提琴演奏會（6月22日）⭐
韓國小提琴家金本索里聯同知名波蘭鋼琴家拉法爾．布雷查茲一齊演出，兩位年輕音樂家活躍於國際舞台，足跡遍及歐洲與亞洲多座重要音樂廳。今次將演奏貝多芬、帕德列夫斯基、法朗克及史曼諾夫斯基嘅作品，音樂情感豐富，而且演奏難度極高，現場演奏令人期待！

⭐ 雷諾．卡普松小提琴演奏會（10月11日）⭐
法國小提琴家兼指揮家雷諾．卡普松，身兼普羅旺斯復活節音樂節藝術總監、格斯塔德音樂節藝術總監、洛桑室樂團藝術總監、埃維昂音樂節藝術總監，相當活躍於國際樂壇！佢將會為大家演奏3首布拉姆斯小提琴奏鳴曲，「布拉姆斯之夜」等住大家～

⭐ 嘉貝蒂與科帕欽卡雅大提琴及小提琴演奏會（11月2日）⭐
當大提琴遇上小提琴，就係樂迷嘅雙重享受！大提琴家嘉貝蒂係多個國際頂尖音樂節爭住邀請嘅當紅名家，而小提琴家科帕欽卡雅亦多次憑藉專輯成為各大頒獎禮嘅贏家。兩人今次再度聯手演奏多首不同年代嘅作品，樂迷點只得一個入場嘅理由！

⭐ 利謝茲基鋼琴演奏會（12月6日）⭐
利謝茲基15歲時已獲德國留聲機唱片公司邀請簽訂獨家錄音合約，係國際樂壇上備受注目嘅年輕鋼琴家。今次將會一晚為大家演奏15首以舞蹈為主題嘅作品，包括蕭邦《降A大調波蘭舞曲》、巴托《羅馬尼亞民間舞曲》及皮亞梭拉《自由探戈》等等，為「音樂盛會2026」壓軸登場！