一人一個搬左出去自己住之後，先發覺屋企兩老真系超乎常人既生活盲點

我先：
1. 廁所浴屏啲水漬原來唔系開花灑沖下就會自己走，要用玻璃刮逐塊慢慢刮。但我喺屋企住左廿幾年，從來未見過塊玻璃系濛既
2. 洗衣機個隔塵網原來會積埋成餅好似紫菜咁既黑色物體，阿媽到底點做到每次洗黑衫都無白色毛毛痴住
3. 煲完老火湯啲豬骨同個立痴痴既大湯煲，根本系全世界最難洗既地獄級大佬

自己住左半年，發覺以前覺得「阿媽成日喺屋企好得閒」依個想法真系荒謬到極點 lol

你地又有無經歷過依啲震撼教育

塊廁所板幾日唔洗，沖廁水就彈到污糟邋遢，地板一日唔吸就成地塵，以前屋企有人做就唔覺，自己住之後 就發覺好多濕濕碎碎家務，做唔完根本做唔完

唔明自己點解會有咁多頭髮可以甩
幾日唔掃地一定一地頭髮

仲有抽氣扇同抽油煙機呢啲都係好難清潔

隱形家務唔係個個會留意到

震撼教育就係：

原來底褲唔係就咁放入洗衣機洗就乾淨… 原來我媽每次都有幫我洗底底，甚至幫全家洗😥😥 thank you mom

其實屋企真係有好多隱形家務要做

以前發覺廚房一塵不染，到自己搬左出嚟住之後，就發覺幾日唔洗d階磚己經係晒油，抽油煙機好污糟等等

我調返轉
住娘家同自己住，地方唔點打掃都乾爽（係多頭髮同貓毛）
同咗老人家住，發現個裝修咗一年嘅廚房開始痴立立（未裝修前係比個度尺姐姐問我無清潔㗎咩周圍都係油喎）

自己一個人住咗差唔多一年，終於發現原來同父母一齊住係好幸福

以前我丫媽6點放工，買埋餸返黎，跟手煮好，7:30前一家四口坐定開飯，至少都三個餸，有時加個滾湯!
自己煮之後，每煮一餐飯都係一條數學題!

伯母好本事，簡直係 super mum 💪🏻💪🏻

洗衣機個隔塵網喺邊架？😨

上置就咁一眼望到，前置通常喺右下角

家庭主婦應該係24小時on call

呢啲一早知，所以唔想搬出去同覺得俾多啲家用好應份

原來價值一百蚊一個鐘嘅嘢咁震撼，嚇死我

漱口盅要成日洗，大門房門耐唔耐都要抹，好多年後發現我啊媽係連天花板同牆身都會抹！

我自己住之後先知原來浴缸係要用個擦認真用力省嘅，兩三個禮拜冇做係會有水垢，有護髮素沖涼液，或者男人gel頭個泥積係到，個浴缸唔係令立立，久而久之會黃，我仲以為成日沖涼沖到水佢係最乾淨😂

原來沖廁所嘅咸水唔駛額外有單要比錢

仲有係 浴室浴間牆磚磚隙要定時洗/漂白水配棉花/廁紙消毒
唔係就生晒紅印的發霉菌

請個家務助理就可以解決晒

有啊 屋企住左20幾年 回南天時出面走廊會有倒汗水但屋內牆身一d發霉都無 阿媽話要常開抽濕+揀向西既樓 等陽光入屋曬一曬

Respect 🫡