一個拍過10次拖嘅女仔，先敢講嘅戀愛真相。
1. 越易得到嘅女仔，越易被辜負。男人好簡單：太快到手，唔會珍惜。你太主動，深情變廉價；你太黐，佢只會想逃。
2. 男人可以唔成熟，但唔可以唔上進。再幼稚嘅男仔，真心想同你一齊，都會逼自己大。
3. 女人真正要防嘅，唔係小三，係自己「怕失去」嘅慣性。你一怕，佢就敢；你一軟，佢就曳。
4. 男人唔覆你message，唔係唔睇電話，係唔想覆你。螢幕着咗，佢都會揀嘢覆，只係你唔喺priority 入面。
5. 你咩都識、咩都自己做，佢反而覺得你冇神秘感。高質嘅女人，永遠留三分不確定，七分清醒。
6. 你越識自己過生活，佢越想成為你生活嘅一部分。真正嘅吸引，從來唔係「我需要你」，而係「我唔需要你，但我揀你」。
7. 對你要求高嘅人，通常唔會為你做太多。因為佢只在乎你「配唔配」，冇諗過自己「配唔配得起」。
8. 對你冷暴力、失蹤、情緒消失嘅人，唔係性格問題，係人品問題。冷暴力，係連基本尊重都冇。
9. 最易令你誤判嘅，係「好識照顧你情緒」嘅男仔。佢話「寶貝我明」，唔代表真係企你嗰邊。佢只係想快啲平息件事，唔想花力氣處理。
10. 「唔合適」唔係分手理由，係「佢唔想繼續」嘅禮貌版。真愛你，三觀唔合都可以一齊磨；想走，咩都係理由。
11. 好男人唔係唔嬲，係吵架仲識收。嗰啲掟門走、動不動封鎖你嘅，唔係愛得深，係情緒大過責任。
12. 想長久，靠嘅唔係感動，係「規則」同回報機制。你付出，佢回應；你退，佢慌。循環先有平衡。
13. 冇話鍾意你，但做咗好多嘢？邏輯錯晒。真鍾意你嘅，一定係口講、手做、態度明，三管齊下。
14. 成日話忙嘅男人，忙住覆人哋 message 嗰陣，從來唔話自己忙。你從來唔係佢嘅忙，你只係唔重要。
15. 真係對你好嘅人，細節唔會錯。記得你鍾意食咩，唔會喺你唔開心嘅時候扮冇嘢。細節，呃唔到人。
16. 「佢只係未準備好」——冇意義嘅自我安慰。成年人未準備好，唔會埋嚟。埋嚟又唔負責，嗰叫唔想對你負責。
建議每2小時Repost一次以防各大女性睇唔到呢個高汁post🙏🏻
唔好玩咁多手段，先搵到啱自己的。唔係要贏每一次，只需要贏最後一次。
我唔玩呢嘅套路同心理博弈了，好L攰，我搵錢好過，次次都要帶臉具做人，訓教錫埋都咁，真心：「愛情不過是一場逢場作戲的玩意，有什麼了不起」。
令錫你嘅男人/女人「輸」嘅人，唔該自己反思下！係「自身問題，反映自身」不信人、自己都玩心理戰/現實/唔信愛情等等，因為「怕輸」，所以「勇氣」「結果」都輸埋！ 真心唔好話點解女仔現實左，係女仔/有啲男仔怕黑了🙂
仲有唔好聽對方9up嘅廢話
要睇對方實質做左啲咩。
簡單啲 其實一個女仔要有自己養得起自己同愛自己嘅能力
先至唔會擔心人哋離唔離開
因為有另一半只係錦上添花 你對我唔好嘅 我走囉😂反正我養得起我自己 而且自己本身一個已經過得夠開心 搵你返嚟淨係想更開心
個人看法，請斟酌觀看，只當參考：你簡得落手嘅，總會係有返咁上下樣或咁上下成就。
唔係個個男仔都係以上十點，只係你遇個十個都係咁姐。
而你自己點都有啲地方做得唔好先會咁，同埋快平息件事有機會係人地真係有野忙先至咁做。
相處從來都係睇雙向，咁啱你遇到嘅全部可能都唔夾你生活，或者唔符合你嘅行事為人你先會咁睇姐。
所以講到底，都要諗吓究竟有時係自己問題，定人地問題，定係就係咁啱天時地利人和唔啱。
畢竟真正在乎嘅，總唔會咁輕易就丟低，當人好似物品咁。
唔知你咦家咩狀態，但祝您能幸福，或變得幸福。
鬧交第一時間會妥協嘅男人唔係代表佢覺得件事你啱哂 係相對件事既對錯 佢會覺得你更重要🫶🏻
女人要有財力， 就會有底氣，有主動權有選擇權，甚至話事權。
寫得依個post既人係咪拍拖拍到PTSD？
Btw都唔明，啲男人容易俾啲好主動嘅綠茶吸引左，明既，新鮮感呀嘛。走得出就唔好返轉頭，老娘唔使佢(地)都可以生存到。
經歷過感情創傷，始終都係想搵返個可以包容破碎嘅自己，甚至用愛重組返自己嘅人過世💁🏼♀️ 諗吓好喇，畢竟是男人💁🏼♀️
簡單嚟講就係將重心房係自己>伴侶，提高配得感，關係中地位保持平衡⋯真係唔怪得依家咁多situationship😴
要有底線，你愈對佢好，處處迎合佢，就晒佢，佢愈唔珍惜你🙈
……. 其實拍10次都冇辦法走到最後⋯⋯有問題嗰個，會唔會係你？
咁大費周章先睇得清一個人 咁不如一開始就慳返啲時間
頂你個肺sis 雖然睇到彪眼水心口痛 but好L啱聽
16個point差唔多全部經歷晒
已save + repost
真。。
要知道自己先係自己世界裏面嘅全部
唔好比其他人成為自己嘅世界
如果男朋友出軌 我會聯合小三騙曬佢滴錢 之後我同小三一齊