📌 一個11歲小孩默書
共 56 條紀錄
一個11歲小孩默書
第一次有85分，老師同學都贊
回家開心同阿媽講「我今日85分！ 老師都贊」
阿媽「點解會扣15分，你又唔系100分！有咩好贊！ 等你100分先講啦。」
孩子黑面，撕爛本薄！
唔再講野
連續1個月唔再講野。
只同學校 老師 同學 其他人講野，就是唔同阿媽講野。
默書測驗交白卷。
直到見家長
父母老師主任在場
主任問到
孩子才說「阿媽話等我100分先講！我唔會有亦唔想有100分！ 所以唔講。」
這個兒子從小就懂得對瘋子適當發瘋的重要性，是個人才
我仔考試默書100分
佢好開心咁同我講佢100分
當然我都好開心，我同佢講‘你100分媽咪好開心，但媽咪開心唔係因為你100分，係你有進步，有小心留意啲大細階同標點符號，加油，要keep住’
我細個有次測完返黎係B- 我老母都鬧
我老母係唔知份野係咩，淨係知B- 唔夠好
母：「點解唔係A?」
我：「我。。。盡力了。。。」
母：「唔夠好，我返咁多工，供你讀書xyz xyz xyz。快啲溫習！！！！」
我：「血型測試我唔識溫」
個位阿媽有病 咁樣同自己小朋友講野，打擊小朋友自信心
第一次有85，即之前好難都攞唔到/都係只攞到低分，咁小朋友都真係好努力終於攞到，唔明個阿媽點解咁講野
佢都從來冇了解過小朋友囉
嘗試係小朋友角度出發，比着我都嬲，其實小朋友盡咗力就 👌🏻，何必咁執着幾多分呢？有冇欣賞過人哋嘅努力呀？
我小學試過一次99分我老豆都話點解唔係一百，爭一分喺邊？ 上一輩嗰d 係咁，唔興讚下鼓勵下
終於明白點解做長者服務會面對咁多恐怖家屬
好多阿公阿婆唔肯做復康運動，啲仔女會鬧：一星期做得嗰一次都懶
之後會安排自己父母一星期有4-5日要做運動，其他時間叫工人姐姐同佢再做
而家一切都變得合理😆
子女本身都係白紙嚟嘅，父母填咩色，子女咪出咩色囉，家家有本難唸的經
小朋友好期待媽媽一個小小讚揚 但係換來無情冷待！其實只要簡單一句 「85分已經好叻 如果下次再努力可能會更加高分喎！媽媽信你下次一定可以更高分 俾心機溫書！今次叻仔啦！」 情況一定唔會攪到咁差！
其實響聽既人心目中，第一句同最尾果句就已經好夠，其他果啲都係多餘既廢話。
我個仔11歲
我都會咁講
但佢唔會care
因為佢有佢自己個宇宙
佢老母自己讀書時默書都唔係次次100分啦，點解佢會覺得基因會突變，生個仔出黎變天才次次100分？又係啲N卡覺得會合到出SSR
作得好假，通常呢D老母已經打左仔，點會俾個仔唔同佢講嘢
其實點解要迫佢哋
我媽係60後，我係00後
我小時候默書還好，考試經常唔合格
但我媽從來唔鬧我，每次合格我媽都會話：咁咪好，有進步。
我媽成日話：我自己仔咩料唔知咩，冇讀書天份唔會迫你。
唔知好事定壞事？我考DSE個時，一科都冇溫過，裸考合共6分😂（我媽仲話冇補習嚟講好叻）
不過有讀返基礎同高級文憑，大學知自己唔掂😂，所以高級文憑就完
假如開始培養課外興和改善社交, 例如:
收集周凱亮剪報
多買解剖學參考書
與開五金行的鄰居打好關係
怪獸父母會唔會對孩子改觀?
就算考100分，都會醒你一句，100分好叻咩，呢啲係應該
又或者會講， 你次次都100分先講啦！ 跟住到下次冇100分， 又會話：點解你上次100分， 今次拎唔到？
我每收到女兒們那慘不忍睹的成績單，都沒有罵，就告訴他們看看今次有哪裡出錯，吸取經驗，下次不要重犯
我個女三年班成績都唔好，有時都係4x-5x分。我今次考試同佢講：不如試下俾多2分佢，等佢(份卷)唔好咁慘慘豬😂結果我個女考多咗5-8分返嚟，即刻獎佢食壽司買小禮物
小學時候考9x 分，我媽都係咁講
「點解人地考到100，你考唔到，我生得你蠢過人咩？你唔應該錯呢啲問題架喎！！！你嘅能力唔應該咁㗎喎。」我記到宜家
因為同樣地我細佬讀唔成書，考試合格有禮物收
嬲到我有段時間完全唔想返學（當然又去咗另一個壞循環）
不過宜家人大咗，阿媽唔識用新野既時候，我都會用返呢句話佢🤫
「更新app 都唔識？無理由架喎，阿婆生得你蠢過人咩。你到底有冇記低我哋點教你㗎。」
我坐車有個小朋友六年班，數學考97.50，全班最高，都比佢媽問嗰2.5分去左邊！
好心啲人黐線既咪生仔！
當年過咗學能測驗，到最後學校既畢業試，人生第一次考第一，結果我媽話因為人哋知道個考試唔計升中分數，所以其他人唔盡力我先考到。
我只係知道佢用大人既心理去諗，我唔相信班入面經常考第頭幾名既同學，而且都係12歲既小朋友會咁諗。結果以後既日子我心理上都係覺得夠合格就算，做得好都會俾人雞蛋裡挑骨頭。
我都係畢業試無啦啦考15名， 平時係考廿幾到三十。
曾經有個鄰居，有一仔兩女
管教好嚴
阿媽好著重啲仔女成績
測驗考試唔夠90分都要打
個大仔好叻仔上咗大學
之後嚮大學做講師
但未夠廿五、六歲就癌症走咗
呢位阿媽咁同個仔講固然有問題，但係有無人深入啲去諗點解會有咁既家長？係個別例子定社會一直存在咁既風氣？當我哋批評香港既教育制度，同時每年放榜又要標榜有幾多狀元？
好多人都咁講野
我細個屋企都是咁講野
長大後
身邊好多人咁講
「等你... 先護啦..」
例如「又唔是中六合彩 等你中頭奬先講」
「等你有錢先講」
「等你賺先講」
「等你結婚先講.」
「等你升左先講..」
難聽過粗口
前半段係我童年，但後半段我無撕爛份卷，係撕爛左段關係
小學有段時期默書其實我係識晒
但我唔知點解就係唔想攞100分
所以我每次都要特登錯一字，連續攞左好多次97分，當時仲好滿意自己嘅傑作。
俾啲鼓勵都唔得既，你又試下問個仔，你做啊媽有幾多分？冇100分，唔通又同你講做到100分先講咩？
Haha 我都係咁硬頸嘅小朋友
老豆都同我講過「你以後咩事都唔好同我講」and i do the same😂
我細個嗰陣時都係，阿媽阿爸都係度話「你做咩失分？」比理吧啦講一大堆，嗰陣時就係好委屈