📌 一早起身收到東亞銀行
共 45 條紀錄
一早起身收到東亞銀行嘅sms，話有海外簽賬，張卡係佢地夾硬質俾我，明明我成年都冇activate過佢張卡，於是打上hotline問，佢地同事竟然話張卡雖然未activate(佢哋confirm係冇Activate過）但係仲存在（明明一年前佢哋同事講60日內唔activate就會自動取消，叫我唔使處理）。
細問之下佢哋仲話有人嘗試用唔同卡號碼去碌卡兩三次，明明唔係呢張卡號，但係銀行都可以入我數，send message講我有海外簽賬？
最後我話我正式提出取消所有卡（其實得一張），佢哋同事話，「不如你activate啦，我哋可以送$200回贈俾你」。
一張從來都冇activated嘅信用卡都可以被成功盜用，咁嘅保安程度你仲好意思sell我keep card? 你哋都得㗎喇。 你估我會再信你咩？
原來大家都有咁嘅經歷，睇嚟都可以考慮叫金管局管一管佢了。
尼張咭真係CUT都CUT唔切。裡面既人只會屈你簽左咭，攪左我2、3個月，連MASTER嗰邊SEND過黎既信都話個ACCOUNT係假既，冇過到數，銀行淨係見到取消唔到就繼續想屈我，又唔睇清楚封信，要我打返去話佢知，又唔主動同我聯絡跟進。張咭都差不多冇用過放係度起碼一年，有SMS話我使左錢我都唔夠十分鐘已經打返上去，MASTER個封信地址同收件人一睇就知冇可能係我簽，咁都想要客食，好垃圾。
佢哋真係會屈你要卡。
我好多年前HKU有張金卡，因為啱啱畢業就有，好多時自動繳費、分期付款，都用嗰張卡。
然後有一日收到佢哋電話，話幫我upgrade 白金，我話唔駛啦。佢繼續sell, 到最後我話張卡有紀念價值先至收到線。
過咗一兩個月之後，佢哋忽然間寄咗張新咭過嚟，然後話舊卡已經停用。我打返上去客戶服務，佢哋仲話我一定係confirm咗，我話我記得好清楚，如果話我confirm咗嘅，你搵返個錄音記錄出嚟⋯⋯之後佢先至死死氣道歉，然後話所有自動轉賬同埋分期付款要我自己去聯絡返所有嘅商戶，舊嗰張卡已經停用咗冇得再用⋯⋯🤬🤬🤬🤬🤬
大佬，連緩衝時間都冇，我係臨時臨急，搞掂晒之後，仲要花我時間親身去櫃位取消張白金咭。
我覺得如果你係會停我所有嘅自動轉賬同埋分期付款，係應該要事先得到我同意個喎，如果我到時俾商戶罰款，係咪佢哋負責先？同埋都睇清楚人哋有咁多嘢連繫住喺張卡度，突然間cut card ?
無activate嘅卡都扣到數，咁仲activate嚟做乜？咁出色嘅銀行都有？
完全係已經接受簽賬嘅status. If not in doubt, 咁會點呀？
東亞講錯，冇activate張卡，唔等同取消左張卡，system 依然有記錄存在。
但我唔明，張卡冇activated, 仲可以比個賊網上撞卡number, 有效日期，撞咁多次，銀行系統都可以比佢過到數，唔合理。
樓主，千奇唔好確認這張卡，因為個信用卡户口已經成功被人盗用，會陸續有來。
所以信用卡我只信匯豐 中銀 AE。 試過聽過City Bank都會被盜用 要個客食條數
早兩年申請咗張東亞信用卡，但批咗另一張。寄到黎我唔要就無 activate。查返 tu 頂佢個 account active 咗。最 pk 係 cut 卡要落分行
cls 永不錄用
但唔太明，話唔同卡號碼但點解係你account? ending 個卡號唔係你？
佢就係咁講 「有人用唔同卡號碼嘗試簽賬」
我爭啲想問佢 唔同卡號碼 即係唔係我個account啦 就算佢簽卡買咗隻長頸鹿你都唔應該掛入我account 亦無需要sms我 （aka關我撚事）
我都唔明 但係廢事同佢糾纏 反正都係hea我嘅
東亞張信用卡隔幾年就會被盜用，收到sms即係打上cs 當報失就hold返條數唔洗找。張卡唔係大學特別版我早就cut左佢
就算係大學版我都必定cut
咁嘅保安程度 就算有錢都唔會放去呢間銀行
猩剪都試過比人盜用海外碌幾千蚊港紙酒店，原本諗住順便取消埋張卡，但驚唔再係佢客戶要我硬食筆錢，唯有補發張新。新卡一樣無 activate 過，幾個月後有日突然收到 sms 通知比人碌左幾蚊美金。
佢呢間我試過俾人盜咭，仲要分兩日唔同時間，一個短訊email同app通知都無，我平時簽帳係會有通知嘅，當我發現已經係十幾日後，我打去問我話俾人盜咭俾佢分咗8次look爆我張咭點解一d訊息都無有無咁離譜，佢解釋幾句就話會幫我跟進，雖則最後條數搞掂返，但都係cut咭啦
一定係佢洩漏咗你d資料出去，一張信用卡要對名，卡號，日期，同個保安碼先可以過到數，無啦啦點可能被人撞得到咁多野
佢問我資料時 我每一句之前都問佢
我點知你係咪真hotline
你點證明
你哋係邊間銀行
問到佢有少少破防 🤭
我琴日都有一樣既事發生
不過係中銀
我一直以為我張卡冇activate 佢cancel 左 (都係佢地建議 我唔喺香港我冇點理到
然後佢琴日sms 話有transaction🤡
我: ????? 乜未activate 都碌到?
我打上去hotline cut 卡， hotline 話一定要落分行填form, 勁麻煩，咁落完填晒form以為成功cut 卡啦，點知過左兩年後仲可以收到佢張renewal卡話舊卡已經到期
東亞既卡不嬲都保安差, 我幾個朋友都試過比人盜用
但依家cut卡cut到好似當年有線咁, 咁就真係……..
@squarelifeindisney 你上次匯豐張卡都係咁！未啟動就比人盗用！！！！
我以前張東亞卡都試過明明冇activate 都比人盜簽
即刻打去屌7佢
打上去信用咭中心永世都無人聽，唔係演唱會有優先我cut咗九年🥱🥱