文言文可以令你用字變得精煉。
例如你講「一直都唔明」，省略咗主語謂語，某程度上都係學過一定基礎文言文先會咁講。
你睇文言文教育唔多注重嘅台灣，佢地嘅中文字就會有架床疊屋嘅感覺。
學文言文係對自己語言文化嘅一種最起碼嘅尊重，亦可以閱讀所有歴史上重要嘅資料；令自己知道咩係準確，咩係「鳩噏」。
所有中文書籍或大部份綱上訊息，不論繁或籣體，都係絕大部分時候應用文言文。
提升文化修養,學下點樣鬧人都可以鬧得文雅d同隱晦d
文言文有用
同學好英文 學拉丁語差唔多
係源頭 好多字詞出處 典故 一清二楚
幾個字 表達到一句文字 甚至一段文字意思 就係咁博大精深
「面斥不雅」四字詞，睇上去都文雅及簡潔過「要去到鬧你先停就唔係幾好睇啦」
當你想用粗口鬧人但又唔想講粗口嘅時候
你可以講:君之儀容陰物也！唔插汝家慈之下口！望君嚐糞!
可以言簡意賅而又優雅脫俗咁講嘢/寫野
別來無恙
一日不見、如隔三秋
不敢苟同、恕難從命
是但攞幾個出嚟拋下，成個氣質昇華左
數學可以證明智商
文言文真係冇9用
語言係黎溝通的 唔係考試的
我識講普通話咪得
文言文真係反人類 仲唔淘汰😅😓
呢個問題我都想問人，原來有人都有好似咁同樣諗法。 文言文無用到癈，都唔知有嘜Q用
其實香港好多人連點樣表達自己都做唔到，好心咪睇唔起中文啦
我都好想知唔做工程師讀sin cos tan有咩用
學文言文係愛嚟學識睇以前啲人寫乜，而當中包含中文本身嘅一啲語理邏輯。
而至於係道理又好歷史又好，你睇唔明就唔知啲古人噏乜。
但如果你問：咁做乜要知佢哋噏乜先得㗎？除咗考試，趣味乃至文化傳承之外，對個人嚟講有用冇用，在於你吸收到幾多消化到幾多啦...
哩個世界絕大多數嘅知識，你學咗都係得個知字嘅唧
但點樣建構到你個人，好大程度就係睇你知幾多嘢囉
講咁大堆嘢，又其實兩個字講曬：內涵
但現代人就係要多廢話先溝通到...
初从文，三年不中；
后习武，校场发一矢，中鼓吏，逐之出；
遂学医，有所成。自撰一良方，服之，
卒。
因为有趣咯。。。
要學好中文，讀文言文就係基本，中文點樣寫得簡而雅，讀起來音韻和諧，除非連覺得中文都無需要學，唔識文言文真係好難話自己識中文
腹有詩書氣自華呀～我係公司間唔中都用，方便文雅地講是非或開玩笑，拋吓書包應用所學，證明無白讀古文。例如：醉翁之意不在酒、司馬超之心，人皆見之、子非魚焉知魚之樂？ 夏蟲不可語冰、君子坦蕩蕩，小人長戚戚、五十步笑百步、只許周官放火，不許百姓點燈、有朋自遠方來，不亦樂乎？ 欲之後事如何，且聽下回分解、六月飛霜、完璧歸趙、七國咁亂、天將降大任於斯人也等等...... 通常同事上司如果中文水平一般聽完會覺得你中文好厲害，好似識吟詩作對咁，然後慢慢覺得你個人氣質文雅，少咗用粗口同你溝通。有d 咩關於中文嘅嘢有時會去請教你。。當然如果你職業係中文老師當然好有用啦，不過一般職場你肯用人哋會知你有學識有啲文化水平咁啦。禮多人不怪，講嘢文雅應該有助提升自身優雅氣質，客人對你印象都好啲。
我覺得不必強分文言、白話：大家所講所寫所讀的，是「中文」，是「漢語」。難得我們可以明白幾千年前古人的文章，這種一脈相承的聯繫，世所罕見，應當珍惜。而且保護、弘揚自己的語言文化，實乃天經地義。文言是中文，白話是中文，都要學好。
等你可以係唔方便講粗口嘅場合下
用文言文講粗口
:「吾欲擊汝肺！」
開會用，當年黃毓民响立法會啲發言有時無人夠膽接都係因為咁😂
因為中文係一種綜合能，文言好，現代中文會更好，文言就好似一枝濃縮果汁咁，貴在簡潔，字少義多，學好文言，唔止香港，大中華區嘅文化底蘊將更容易掌握。
一個人嘅內在修養，其實係要將一啲學過嘅知識內化，如果淨係停留喺將佢作為一個功能咁樣去用，其實學好多嘢都係冇用嘅。內在修養同埋氣質係一種冇得模仿冇得學嘅嘢，亦都係人類獨有嘅。其實中國傳統文化都好着重人禽之別，我諗你可以參考一下。
其實呢，是五四運動之後先我手寫我口。
先普及用白話文。推動以「白話文」取代「文言文」，讓知識普及至平民階層。但是文言文其實用左幾千年架啦。點解有文言文，因為
ai:
1. 「手跟不上口」：口語變化太快
語言（口語）是會隨時間不斷演變的，但文字（書面語）通常比較保守、演變緩慢。
文言文其實是保留了上古漢語（先秦時期）的口語形式。隨著時間流逝，人們說話的方式變了，但讀書人寫字時仍堅持模仿先秦經典的風格，導致「言」與「文」逐漸脫節。
2. 書寫成本昂貴：追求極簡
在紙張普及之前，古人要在竹簡、帛或甲骨上刻字，成本極高且非常吃力。
為了節省空間和力氣，書寫必須極度簡練，能用一個字表達絕不用兩個字。這種追求「精煉」的書寫習慣，讓文言文演變成一種與日常生活隨意說話完全不同的「精煉版」語言。
3. 統一溝通：跨越方言的「普通話」
中國地域遼闊，方言極多且彼此難以聽懂。
文言文作為一種純粹的書面語言，不依賴發音，只看字義。這讓不同地區、甚至不同國家（如古代日本、韓國、越南）的讀書人，只要學過文言文，就能透過文字跨越語言障礙進行交流
所以佢唔係無用呀，親。可以理解成官方話和日常口語的分別
1. 實際作用：考試。
2. 文言文係一種極美麗及有效率嘅語言，文言文一兩句，其他語言例如英文需要一大段來翻譯。
3. 呢條問題，其實經常見，好多學生都問學XX黎做乜，而XX可以係歷史，化學，宗教等等。中學其實係畀學生多元化學習，乜嘢都識啲，等學生發掘自己喜愛嘅科目。
4.最後，我想講，其實學「朗誦」真係唔知為乜，誇張嘅表達方式對學生都唔知有乜幫助，好在「朗誦」唔係一個科目。
自願參加朗誦，但要背書，lunch 要練習。現在係童年回憶，在學嘅活動，練膽量，在千位同學面前練習，令我注意談吐咬字聲量，一門藝術，最後幾喜歡中文堂。
中文其實係好美麗嘅語言，學習文言文就係打破時間嘅限制，穿越幾百年前細閱唔同嘅時空嘅人用嘅文字，感受最精華文字嘅美麗。
現今一啲林夕寫嘅歌詞過咗幾百年之後，我相信都值得被人欣賞，亦都希望未來嘅人有同我哋同樣嘅感受。
細想一下，其實文字就係奇蹟。