📌 一間公司要幾唔識尊重
共 62 條紀錄
一間公司要幾唔識尊重人，先會係夜晚10點幾，直接用wts通知個員工被解僱？
樓主都做左10年嘢，但係呢間公司做左2年幾，擔任小文員，已係第二多年資嘅人🙂呢兩年幾，見證流水線般嘅人手變動，走左10幾個同事，包括大經理，中層，其實我都準備遞信🫢
我想走，主因係個濕9經理🙂見證佢上位後，做左一堆無理事：唔返工；唔做嘢卸俾我做；同事一早同佢請病假唔覆，到我打電話過去，佢先瞓醒，所以無任何人手安排；帶男人返公司…佢而家直接under老細，但老細唔會返公司。
我對住佢塊面好西，公事上有唔合理都會直接質問，但嘢全部做足晒。
前兩日深夜wts收到封信，一句因工作態度有問題，公司會炒我，做到今月中🤬被炒當日佢有係公司，我仲有同佢交代工作進度，都唔面對面講要炒我。
問佢係要即時解僱我？從無收過警告信🤬提出合約通知期係2個月，佢直接一句老細話縮短，就已讀不回…問代通知金安排唔覆…
我2/4開始放假，而家成個假期心情猶如💩
放心，佢如唔賠足糧，勞記見🙂
為大眾著想，希望閣下完成整個離職程序後，提供公司業務性質及公司全名，以免其他人踏屎！
先去熟讀勞工法例，記得所有野冇得單方面修改。咩老細？唔洗理，唔係佢話點就點！照坐喺公司，last date對好數先簽收，唔好妥協。
謝謝你～會照返工，最好笑係而家經理依然係已讀不回，然後我放完復活節後，要返去同人交接工作
last day,我相信無人會同我簽任何嘢，因爲經理放假
知道，濕9公司請開fresh grad，以為我都易敷衍🚬
勞工處見就指定動作，呢d 19經理要俾全宇宙人知道先得
唔駛同佢講感覺 唔係嚴重過失/犯法 一律都要賠足 企硬齊(返公司) take野
開開心心過埋個假期佢
多謝你呀😭姨姨雖然都做左10年嘢，但係人生第一次俾人兜，原本係我炒佢，點知俾佢搶閘先，都喊左好一陣
我都係ee黎 😂 出黎職場做左廿幾年
而我係呢間公司做左十幾年啦
我都就黎比人兜 宏福苑災民都兜喎
因為公司轉晒管理層
轉到一啲人性都冇 淨識炒人
搵大陸人做埋佢 睇佢幾時出事啦
大陸人完全唔知咩叫食安 亂咁黎
香港牌子喎 哈哈
記住 唔駛唔開心
教唔識下一手都唔係你責任
你一走左就咩都會瀨死人做得唔好架啦
佢地覺得你係垃圾
放完假交接時記得做一件垃圾比佢睇 :)
多數假傳聖旨，睇你想唔想clarify, 到時可能係佢走唔係你比人炒
多謝你，睇左.
份約係寫2個月通知期，我唔知點解佢覺得係可以自己安排.
你反正都想唔做
你做左咁耐，佢炒你賠多D，好架喎😂
謝謝你😀其實都問左勞記初步建議,第7日無收足錢，要第8日先可以開file
炒你唔係問題 最重要補足人工 唔係求其講兩句就可以唔做 要白紙黑字 合約簽名就冇問題
最重要呢段時間即刻去搵另外一份工
到時公司點解問你冇做呢份工
你同佢講自己離職
千祈唔好同佢哋講話畀人炒
好一間公司想知道公司畀人炒
直接打電話問清楚勞工處
自己屬於邊區 講返咁嘅情形畀人炒咗
千祈唔好激氣鬧啲勞工處嘅人
因為佢係幫你嘅
你就扮嘢扮到底 好慘呀失業唔知點呀
有屋企人要養呀 冇屋企人養都要作個故仔呀
總之自己講到有咁慘得咁慘
叫佢哋幫幫手 佢哋就會做嘢速度快好多
另外一段時間要留意多啲唔同嘅工
千祈唔好休息陣 到時又搵唔到工
咁就麻煩啦
謝謝你熱心嘅建議😭
我一早已計劃好5月遞信啦，只係而家打亂晒我計劃，同埋覺得好激氣
你本身都諗住辭職，e家賺左喎😎
記得計好晒啲數，唔好蝕俾佢
你唔洗提佢出糧。你要玩死佢係只要追問佢係咪即時炒。佢清楚表明係既話。七日後拎埋合約去勞工處玩死佢。完。
What 咩app呀
炒都要公司admin白紙黑字寫清楚啦
無就照返工😏
唔好執著做刷d細節
仲知唔跟法律就叫勞工處攪
其實野唔好認，直接搵新公司做算
一定係公司老SEAFOOD孽種搞是非，你就算之後搵到份工都要卜卦象，我之前做過間垃圾公司三井造船技術工程，連網站都冇，搞小圈子、人工低，千祈唔好中招！
而家老seafood就係個經理，3.5年貨仔
我就係眼頂釘，2年貨仔
希望係經理自己on 9，HR係清醒，7日內出齊糧+代通知金+AL錢
唔係，到時難睇嘅係佢，唔係我
知道，我都有問佢～問多兩句只係不斷重複類似意思即時解僱無通知期，但又要我返到月中，其實咪自打嘴巴得幾日通知期🙃
對呢啲公司，唔使客氣。
記得千祈唔好玩野 做full body checking，有咩病 千祈唔好 放長有薪病假🤭。
認真 唔係鍾意玩嘢嘅人 但屬於自己嘅權益 一定會捍衛💪🏻