上個月有日，無啦啦有人分別入左$2000 $5000去我地戶口，睇返我地網站又無人落單，原來有個客(幾日前幫襯完) 話唔小心轉數快轉錯左，要求我立即過返俾佢！ 咁錢唔係我嘅又點會要，但都要check下架，點知係咪騙案。

我話要銀行check下先，星期一覆你(當日星期日)。跟住佢就發爛，話即時轉數快返佢就可以，唔好玩野，仲話：我係做法律相關工作，你唔俾返我我可以告你偷竊！

其實我無話過唔俾返佢，但咁樣轉數快俾返佢，我唔知有無問題，所以要搵銀行搞。即時打俾銀行，話填返份表交去分行申請就得，ok咁星期日銀行唔開，咪星期一搞。對方不停爆粗鬧+炸我dm話我唔俾返錢佢。其實佢自己問題sorry或唔該都無一聲，仲話自己做法律工作可以令我好麻煩。

我覺得佢太煩，同佢講左星期一就去銀行搞，唔好再send黎炸我，佢話ok. 到第二日銀行一開門就去交左表，銀行職員話正常都經銀行俾返錢佢好D，應該佢申請添！是但啦佢太煩，想快D搞掂件事。 去銀行交左表後，佢keep住炸我。(留言續）

佢太煩，所以我block左佢ig,我要做嘅已經做晒，唔想聽佢鬧我。哈！到我返到舖頭，果然，佢炸我地whatsapp，話我係乞兒唔俾返d錢佢，大佬呀！銀行已經做緊野，仲想我點呀？ 我whatsapp都block埋佢。 跟住就有無數個無來電嘅電話打黎，因為太多次喇，我聽左！佢話：我係xxx律師樓打黎嘅，銅鑼灣果間，我個客人委託我幫佢處理，佢過錯錢你地唔俾返佢，衣家佢唔係我身邊，佢話你地block左佢ig。我就一句：點知你係邊個，有咩email搵我地啦，問佢律師樓幾號電話，佢講返喺我地網站落單果個電話號碼......咩料呀？ 律師樓留自己手提？ 原來佢自己扮律師，痴線架！！！

笑死 話轉錯咗$7000係成份糧嚟
邊間律師樓得$7000人工咁慘

一定要經銀行搞，我19年試過有人聲乖稱入錯咗數俾我，我check咗係到左咁自己冇諗咁多，直接轉返俾人。結果搞到好大件事，戶口仲凍結埋

順便長知識。

甘佢去報警la

叫左架喇，我又唔係唔俾返佢

到最後佢有冇上舖親身追數？

呢啲要bank 搞，否則銀行一陣告你洗黑$

呢啲係騙案，通知銀行等銀行攪

做法正確👍 如果錢佢呃返嚟 你會好麻煩

退佢老味咩即日退，就算報警佢都輸撚晒
佢真係過錯咗嘅話就要搵銀行搞
同埋都係係佢去申請，而唔係你去申請
你大可以乜都唔做
因為佢向銀行申請，銀行會處理，有需要就聯絡你㗎啦
佢都戇鳩鳩要人即日退
你同佢講你都懷疑佢係詐騙洗黑錢㖭啊
報返警都仲得

做法律都唔知法例係點退錢，傻仔一名

所以佢似係做法律......演員

叫佢通知銀行，再由銀行聯絡你地就最好，因為唔知有無涉及古惑野，都係小心啲好

千期唔好私自退 , 如果錢來歷有問題 , 到時有機會被人凍結account

使𨶙理佢，話佢聽銀行叫你去銀行處理，我冇乜嘢可以做，一陣去差館備案，因為我好驚

任何情況你對手係銀行。唔入都入了叫佢以貨換幣

😂😂😂 我都想😂😂😂

你要冷靜，睇你言詞已經俾佢帶住，佢咁急90%以上係騙案，反而你係要報警，肯定去到警局係阿sir勸你唔好自己轉錢俾佢

我做 bank 嫁， 呢D要銀行處理，！！

係囉，希望睇到嘅人都要知！

咁

之後點樣呀？

老奉架？仲要唔該都無句
正常程序一定要佢自己本人落銀行申請，然後銀行寄信俾你，你再填同意

仲話自己做法律相關行業，喺律師樓做掃地同清潔個姐姐都係做法律相關行業添，有嘅常識分分鐘都多過佢🙂‍↔️

過錯仲咁惡sorry/ 唔好意思都無句 你都搞完block左佢啦

根本唔駛理
銀行唔會理
律師樓亦唔會打俾你

銀行會理架，唔係我錢唔俾返佢我係犯法架。

好好睇😆😆

等銀行處理先係上策

叫佢報警啦，自己入錯重要態度勁差，睬佢都傻！

我覺得你應該報警

去左警署問，但佢地唔受，叫我經返銀行搞就ok

呢D都係洗黑錢的技倆,睇下點報告比銀行查下,你報警會好D

我琴晚真係fps轉錯左俾人。唉

既然讀PCLL即係讀法律啦，點會唔知程序點做啊？兇人就叻！為咗$7000咁唔冷靜仲大人讀PCLL！

可能讀完考唔到個牌😌😌

佢自己轉錯（仲唔止一次），唔搵銀行搞，反而係咁煩你，明顯有鬼啦，仲扮律師，告返佢轉頭都仲得，俾我就po佢兇你嘅對話，遮半名，咁就唔會算起底啦，又可以俾其他人小心呢個ac

唔敢呀，一陣真係告起底就煩，請件事出黎希望大家知就算。

好奇怪，天星銀行好少聽，你戶口真係多左呢2筆轉帳？講緊係個存款真係多咗7000，而唔係多左2筆入帳紀錄。

係分別多左兩筆數，真係錢，$2000+$5000. 間銀行好似係虛擬銀行果d黎.

問過金管局hotline話入錯係佢問題，系統有同佢確認先過到數嘛，就算佢搞大件事佢都做唔到啲乜

佢就係要我即時過返俾佢囉，經銀行搞話我玩野。

無用，銀行都係話收款人同意先做到

應該凶返佢轉頭：講唔該先！😏 唔講捐晒出去。

所以佢全副身家得7000。。。？

講到係囉

係應該佢去銀行攪，跟住銀行就會聯絡你。你唔駛理佢！

但上面有人講得岩，想我轉左俾佢佢再同銀行申請！

梗係唔係啦！

佢又講到自己咁熟d程序
但又緊張到怕拎唔翻🙄

吳彥祖教過 遇到尼d情況
唔好急 唔好亂

加上我地有間舖頭，無得走。

入錯尼d情況 一定客氣問拎翻
你有門市 又肯溝通 唔洗又拉又鎖
律師個part 我笑埋右🙂

主要取決於個人性格
佢緊張大師 同睇錢太重 未必做到

做法律相關工作，7000 蚊成份糧
笑到仆街
垃撚圾到咁

你同佢講，你無啦啦 send 錢俾我然後又要我即時過返俾你，我有理由相信你 money laundering 囉

除左詐騙，都驚係洗🖤$$$

好多都係呃錢

但諗唔到佢想呃咩，因為佢真係入左錢俾我。

7000之麻，咁大間店唔會走你啦，人地要做生意架

所以佢好怪，一定有d問題。

從事法律工作 可能係法院洗廁所

😂😂😂

那自稱律師的太瘋癲了吧🤦🏻‍♀️

你轉返比佢，佢再銀行追轉返？🤔或者又係支票黨😅
其實咪洗理佢，劈頭我就會話我報警先（網上報都得），講「因為收到不明來歷嘅錢，所以報左警，我唔會就咁轉走啲錢，有咩等銀行同警方跟進，閣下亦可以聯絡銀行處理」

佢咁惡應該要咁！