不經不覺創業5年，
依家每一日都係垂死掙扎。
今個月個市差到唔識形容，個個月都話差，但今個月應該係經歷過最恐怖嘅一個月。不論係自己定係行家抑或其他行業，見到嘅係不斷做折、做低價、頂手轉讓、結業……
儘管我遇到一個好業主肯減租，但個市差到減完租都仍然係咁難做😔。
自疫情之後，每年都同自己講捱多年，下年可能會更好，但根本無好過。我唔想就咁執，明知蝕緊錢都仲吊住間嘢，好難接受自己嘅心血就咁無咗。
李嘉誠話的，唔好同生意談感情，蝕$一定要結束，唔好望前面，要望將來
所以咁多人考公務員
返工訓覺都高人工過創業人士
你咁辛苦創業都係幫業主交租
基本上做小生意一輸錢就要即刻執咗佢，你唔係捱富豪有幾廿壇生意對沖。
我從來冇聽過人守住一個輸緊錢超過一年嘅生意係會翻生，只有聽過輸到破產跳樓，反而聽過好多一輸錢就即刻執咗佢，休息一兩年之後再東山再起幾日反而大有人在
做生意做咗2X年既路過，真心建議你放幾日假放空自己，你會發覺所謂心血未必比錢重要。
另外，呢個地方同呢幾年，已經100%無得救，除非你係富三代，唔係真係咪響呢度搞生意。
冇計，大機構裁員潮正式開始
大家都好想消費但真係冇錢
5年都未有起色不如放手，計埋時間成本，前後都冇咗幾百萬，末來10年local market只會更差🫠
我都試過垂死掙扎，唔肯放手，認為會否極泰來。同你一樣所有心血都放哂落去！
不過咁，你捱嘅同時亦犧性左一d 野，例如同屋企人相處嘅時間，自我增值嘅進修啦。。年紀亦一年年咁大。
做生意叻嘅人會識得收，亦識得點放。我自問唔叻，所以捱左十年先識得收手。但到頭來只有債項同唏噓。老土講句留得青山在，哪怕沒柴燒～
最緊要識轉彎😊唔好死鑽牛角尖～
如果想出國行下建議黎日本呢到大把機會。加油。
哩種其實係人類天生自帶嘅「賭性」，一盤生意只要你投入嘅時間同埋成本越大你就越認為投資同回報會成正比，但係事實往往就係越有機會輸鑊更加金。
我認識過啲朋友去join 連鎖加盟，就係因為全心全意quit工去run ...最後慘過打工重要多咗幾個Loan，所以其他師兄提你斬纜止血嘅絕對係真心話，睇路呀😎
每年都話挨多年，其實就是不懂止蝕。或是不懂看前景。
客觀地，有什麼因素會好轉？如果找不到，是沒有挨的理由。
股票同經濟下行 係一個緊箍咒。 放手唔係最壞嘅打算。