中學中文老師係Beyond 歌迷，有一次作文堂，要我地用Beyond 的歌詞嚟作一篇文章。我最後被罰重作，因為我以「背棄了理想，誰人都可以」呢句歌詞，寫了一篇關於一個結他手背棄了理想最後走去做保險的故事。 至於重作，我寫了一篇關於「媽媽她說爸爸真失敗」的loser 故事。結果唔合格，因為記L錯咗歌詞。
第一段如果只是故事是不需要重作，但如果係講beyond真人真事就需要重作，因為錯誤，beyond係當年唱歌唔夠生活，係一路做保險一路唱作，唔係背棄理想最後走去做保險
中二英文堂老師花名“姑婆”。有次作文題目係志願工作。同兩個同學夾埋一齊係間叫“姑婆垃圾公司”做垃圾收集工人。我同其中一個同學寫到自己5個Masters 6個PhD但係為理想為興趣為友情寧願一齊做垃圾工，兩篇都俾先生肥咗；反而另外果個同學寫自己家境清貧迫不得已要做垃圾，就攞勁高分… 先生擺明想分化我哋…
哈哈，咁樓主嘅老師真係冇尊重創作自由，實情喺香港真係唔可以怪玩音樂結他手放棄你想追求現實，莫講話玩音樂搵食，直頭想搵個似樣少少嘅舞台表演下都唔容易
家駒同世榮組成beyond 之前係做過保險的。你試吓改寫你嘅原文：一個保險經紀，勇敢追尋理想無做保險，走去夾band, 但最終因現實或各種問題「背棄了理想」，最終再返返去做保險。咁樣又會點呢？
Anyways, 覺得你嘅老師無咩理由罰你重作？你本身個故事有咩問題呢？
原來《再見理想》中"拋開那現實沒有顧慮" 可以係指做保險發了達擺脫了現實然後重拾理想。