得啖笑。畀啲無狗人玩，陣間佢餵啲狗唔食得嘅野就大獲
就係見好多狗主留言好似覺得冇問題咁
覺得理解唔到🧐
我諗主人係前設以為自己會喺現場可以睇住隻狗，但係我覺得開po 嗰個人應該係直程想拎咗人哋隻狗2個人可能去狗公園/散步，如果唔係佢就唔使同人哋借用啦，直接去狗公園玩人哋啲狗咪得囉。
俾一個冇養開狗仔嘅人拎去玩，真係分分鐘會餵佢食朱古力，或者隻狗唔合作然後俾人打🥲
我上次係儒林臺影相，有人見到話咁樣影相好靚，跟住走埋嚟話我哋啲狗好得意，我原本以為佢想我哋幫佢影相，但係跟住點知佢下一句係問我可唔可以借隻狗俾佢影相，咁我即刻就話唔得，因為嗰個位都幾高。
我相信對大部份嘅狗主嚟講，呢個要求都係有啲過分。好簡單一個問題：如果中間出現咗意外，咁點算？
去返你嗰條問題，佢講就係同隻狗玩一個鐘，咁但係佢點樣玩？ 而中間如果有任何嘅意外？ 咁點算？
寵物係一個生命，唔係話你覺得開心嘅時候拎嚟玩樂嘅物品，人係要對佢負責任。你問我借隻狗去玩我都會話唔得，所以都唔好話用錢租隻狗，一定會俾人鬧
原post好多狗主留言玩埋一份
所以我想知貓狗係咪唔同
如果個主人在場確保安全，咁咪好似朋友出黎玩咁，不過要收錢
但我自己就唔會，因為我都I，唔想同唔熟嘅人玩