📌 之前見到有個post
共 55 條紀錄
之前見到有個post ，有個00後話散水餅文化係啲老野搞出黎嘅。
我85年，就快41，就係00後眼中嘅老野。但我想講，我地後生果陣係無散水餅呢樣野。我20幾歲果陣，我經歷過嘅都係員工last day果日上司會請佢食飯，總之主角並唔需要買野送俾人，至多寫感謝卡俾同事。
散水餅呢樣野係近10年8年先出現，我都想知道點解會有呢個咁得意嘅規矩，last day唔派餅會俾人話，真係好有趣。
其實散水餅是散水飯的回禮。如果一個職員離職不是不歡而散，一般老細同事響佢last day 都會請佢食lunch ，這個三十年前我啱啱出社會做嘢已經做緊。人情世故嘅嘢，老細同事請離職員工食散水飯，臨走仲白食人哋一餐唔係咁好，所以唔少離職同事都會買番西餅請番老細同事食，呢個就係散水餅嘅由來。但宜家好奇怪，好多人剩係記得走嘅同事一定要請散水餅，而唔提老細同事要請走嘅同事食餐散水飯，令00後覺得散水餅文化係班老海鮮對後生的一種職場欺凌行為。
我比你更老野🤣🤣🤣🤣初出社會果陣係散水飯,大家夾$請散水果位食個lunch或dinner
開始有散水餅食，印象中係D summer intern請先嘅，叫做多謝我地D老鬼教佢地野，時間大約是200x年左右
然後散水派餅文化就慢慢流行，由茶餐廳蛋撻食到文華蛋糕都有，愈玩愈大
相反,少左老鬼會搞散水飯了
以前我認知既”散水餅”都係蛋撻或者附近餅店既西餅 (可能都關行業事)，係而家先玩到咁fancy同埋多左班嫌人件餅cheap既人
散水餅有咗幾十年，以前的人是比較有心去預備，現在人對職場太多抗拒，什麼也反才變成大issue
我個人嘅經歷係，80年代我初初工作已經有散水餅，散水日同事請食散水飯，羅漢請觀音，當年回禮係買幾打美心超群西餅分一分。
90年代，散水餅升級到高級水果蛋糕，又因各種原因，社會整體職位音樂椅，好多時月尾嗰日好多人一齊派散水餅，食都食唔切，有啲就改派鮮果杯鮮果汁。
再後來就變成現在咁，做幾個月 intern 都有派幾十蚊件散水餅嘅壓力。
雪糕嗰啲都有人派，只係而家先多ig shop專賣散水餅
散水餅以前都有嘅
但通常都係頹嘢
真係西餅一打嗰種
係近呢10零年啲人搞到勁浮誇
然後又衍生咗好多ig shop賣散水餅
然後啲人就開始鬥刁鑽
買嘅又要煩去揀訂乜好
收嘅又麻鳩煩煩有又屌無又屌
觀察所得係咁
你睇返tvb 20年前啲時裝劇已經有散水餅劇情，同請新人食welcome lunch一樣，其實都係辦公室文化啫
邊個話架，
至少三四十年，
有「散水飯」，
然後「散水餅」係回禮🤷🏻
「江湖」上多個朋友比多個仇人好，
你係好同事，
做「前同事」AKA「新客仔」&「新供應商」，
少好多溝通時間，
呢樣都係人脈
大你啲啲
相比程序或文化
自己反而覺得係「最後一次可以表達謝意」
人生暫時派過兩次散水餅
一次係廿年前一次係幾年前
兩次都係派幾層樓夾埋幾十人
淨係派餅都派半日
或者對我嚟講
因為返過唔同類型嘅工
所以更明白嗰種難能可貴
有時職場氣氛同環境真係可遇不可求
所以先會更珍惜同更想表達謝意
或者就好似你講「至多寫感謝卡俾同事」
而我只係選擇咗用「散水餅」呢個方式
記得第一份就好似你講咁
上司同同事都請咗自己去酒店食自助餐
至於第二份
同事夾咗千八蚊利是比我
至於西人西工
個人偏向離開不留痕
如果最後一日仲要請西人食散水餅
不如請病假
細你1年, F.7/讀U 做part time 走都會買蛋撻/下午茶做散水餅啦
出黎做正職, d intern/正職都會買+寫卡比我地呢d 帶佢既同事
係以前冇咁多貴野, 大家last day 簡單買輕鬆吹下水多
身邊d 朋友都會買~~ 父母都有問我有冇買, 會叫我同d 舊同事打好關係, 將來有咩事邊個幫邊個都冇人知.....
不過買就人情, 都係一番謝意啫, 唔會諗咁多
唔買又冇乜所謂, 可能人地做得唔開心, 或者好等錢使~ 大家有好路數, 過得ok 咪算lor
以前好景嗰陣，唔升職都加10%人工，跳槽更加不得了，仲要又跳槽又升，派個零頭出去，好易揾得返。
而且以前啲人，人情味濃啲。
散水餅就如結婚擺酒，個人選擇。人人結婚都擺，你一樣可以唔擺。選擇派散水餅嘅，就唔好好似俾人迫咁。
至於咩檔次亦好個人。擺酒都可以喺酒樓或酒店啦。擺酒要人哋做返人情，散水餅唔洗人哋回禮。食人件餅嗰個就唔好嫌三嫌四。
如果公司有farewell 我先會買餅。
所以基本上只買過一兩次😅
我覺得呢啲係睇公司文化，睇工種類型，唔關係啲咩老餅嘢
無需要散水餅,,散水餅是多鳩餘,前同事永遠不再相見,不用什麼人情世故
如果前同事再相見,已經變成朋友,朋友聚餐,AA制！
永遠不相見？我第一份工嘅同事係我而家嘅朋友，有啲而家喺第二間公司做返同事。
以前嘅工都遇過舊同事做返同事，有啲做過我老世！
呢啲睇你行業有幾寬定窄
個人經驗,前同事不會在後來公司再遇到,就算街上見到,也可以當見唔到🤷
以前係同事請食散水飯，自己執兩打餅請返同事，唔係鬥貴的，純好來好去。
有人走我會送嘢 但係我走從來唔派餅 只會請重要嘅人食飯
其實係選擇問題，有人選擇日後留一線
有人覺得唔做就唔會要見，冇對錯的
好似我預過d老細咁
On9的，知你唔做就住死你打
有腦個d老細，你打佢工屌你，你比左信就當你係business partner，好聲好氣
分別係，on9個d得罪左人，人地第日唔攪你都好，但有生意都唔會推薦你
識做個d起碼冇仇，第日可以有朋友問，介紹下比你
你可以話打算一世工呀，但你點知過左廿年，會唔會預返個同事
如果你明咩叫識人好過識字就會明
散水餅某程度上可以叫做，如果之前工作有咩得罪，請多多包涵
不是放心啦，鍵盤戰士，永遠唔會錯，唔會得罪人，受萬人景仰，咁又真係唔做派餅，做多左😂😂😂
我同你同年，但我當年第一份已有散水餅，但同時同事係有請我食飯。
到我之後在其他公司，我都保持住請離職同事食飯的習慣。
我做過大公司&小企業，其實睇人
幾百人公司hi bye關係就只限自己部門或叫fd啲嘅過來食件餅吹吓水，因為多數close嘅同事會請自己食飯所以當回禮
小公司就睇情形，隨心啦唔係多人
如果自己係高層就點請都得，調返轉我請曬所有人食飯都試過
如果一般staff就冇必要太破財請人食嘢
其實散水餅真係多鬼餘，咁虛偽嘅嘢通常都係以前啲屎忽鬼諗出嚟，所謂小人多規矩。
同你差唔多年紀，畢業後中環返工，啲同事已經興送cova、文華啲cake；後來調咗去九龍office，冇人派餅，反而係大家夾錢請走嗰個食飯。所以係睇公司文化。
散水餅越黎越高級先麻煩姐，聽上一代講純粹一件西餅十蚊8蚊邊有人計較呀，同手信一樣本身細細地一蚊糖都開心變越買越多變應份咁
同你同一個年代，退休/辭職有散水餅食，升職都有餅派。舊時就普通西餅，然後慢慢演化靚啲嘅西餅，（尤其是升職派餅）而家一係酒店西餅，一係就「懶特別」嘅ig bakery 。
以前有，但都係換兩打西餅，唔會要買幾十蚊一個牛角包
其實會唔會呢個係不嬲都有嘅文化，例如好來好去請下大家食餅、大家夾份請走果個食餐飯
只係後來賦予左個名字｢散水餅｣俾呢件事咁呢？
大你幾年嘅姐姐路過，我出黎做野嘅年代已經有散水餅e 樣野，人地請你食餐飯，你請返人地食散水餅，有來有回係基本常識。除非你同公司嘅人關係好差，咁大家當唔知亦都可以。
以前離職請食飯係關係好同埋走得好先會（所以要關係好先知），唔係規矩來.而家要咩儀式感
散水飯睇人緣，人緣好果d，真係可以排滿一星期，一餐都冇既，你係間公司都冇value。散水餅睇下走得幾風光，有好路咪俾好d，仲特別派俾公司d衰人添，裸辭就唔好派。
我4 字中間，2001 年開始做野，個時有同事last day 已經派散水餅， 一定唔係呢十年八年的事
我大你幾年，第一份工做左兩年，走時都有派餅，廿年前唔止啦
我近一年轉兩三次公司，都有請散水餅，每次三四舊水，貴嘅我都唔捨得買
當係對舊同事一個心意囉，對方領唔領情就控制唔到，但我問心無愧就算喇
Fully agree. 我呢啲喺 Gen Z 眼中係出土文物，當年都係大家請要走嗰位食餐飯，散水餅都可似係近十幾年前先見
呢d餐依家要有面有功勞係teamplayer先食到la，得罪人多做事少嘅人走，點食到呢d祝福送行餐。
通常老細請，不過出席人數的確反映離職同事人際關係😅
我HA做時部門主管無請過我食飯，但同team head就食得多，抽離d睇，都好反映到呢位同事係辦事多定食死貓多定需要被輔導多的。
我後生果陣，講緊十幾卄年前，派唔派都係個人選擇，唔派冇人覺得有問題，唔似後來變成好似形式一定要咁，very stupid!
無錯，想當年辭職走嘅時候，係完全唔使請同事食嘢，係佢哋請返你食嘢。
所以都唔係好明，點解會有散水餅呢樣嘢出現！
路過，50幾歲，打過十幾份工，未派過、收過散水餅、飯
其實我公司.. 主管會私約老伙計出去吃飯，而他最後一天會買咖啡和小食給大家員工。而我們這些還在工作的就給一些心意錢.. 不用買什麼他不喜歡的東西，給予錢就最好。
最後老闆會出來說兩句，講一下他的年資、撞咗幾多次車.. 還有今後的打算.. 先去一次久違的旅行？還是平凡的和兒子孩子玩？
然後他可以直接回家，也可以做好最後的一天工作。
其實想派咪派 唔想咪唔派 你有權唔care人地點諗 人地有權覺得你應該點做 成日覺得d人老野好介意 有無諗過其實其他人根本完全唔介意 最介意個個係你自己
20年前已經有派過 肯定唔係呢10年先有
我20年前離職第一份工已經派散水餅，點會係呢10年8年？
派唔派散水餅都係睇公司習俗，人派你咪派囉，冇人派就唔派，要派只派自己條team。記得做得耐會有散水飯食，通常公司請，做得唔耐多數冇。
係喎，對上已經05年散水，都冇派餅😂只記得默默等緊HR出張票俾我
嗰時通常係自己部門夾份請走嗰個人食餐lunch
我反而覺得有趣嘅地方係
因為怕俾人話所以先迫自己做
好似俾人講完真係會少忽肉咁
老實講
呢啲被迫請嘅餅
我就真係唔太想食喇