之前請咗位contract，唔知此人是否GenZ但至少90後。正正常常返咗兩日，第三日直接消失，全世界唔知佢病定有意外定咩事，下晝先斯斯然WhatsApp上水：我今日有啲事返唔到。
然後！就沒有然後了！再都冇返過了！連搭喺凳上面嘅外套，枱面上嘅牌子水樽，自己嘅文具，都冇帶走！
點解我突然記起係因為見到袋嘢仲擺喺office某個角落頭。其實未夠7日suppose可以即走，但灑脫到連個人財物都放棄埋嘅師兄真係第一次見。😂

我公司試過上午返工，叫個新人睇下文件了解吓公司架構，就放佢食午飯。到下午三點，都唔見人，打電話冇人聽，大家擔心佢係咪出意外要報警或者打去醫院搵人，之後先收到一個自稱係佢阿媽個短訊，話佢唔做。

試過有炒散同事食完lunch之後消失咗，個袋擺喺公司，電話通又唔接，廁所又搵唔到佢，完全唔知發生咩事。
Turn out原來佢確診腦退化無幾耐，lunch完唔記得要返公司、直接行返咗屋企。

我試過有個仔返咗兩個鐘，突然話去locker拎嘢之後就消失咗。睇CCTV發現佢換咗衫笑住走，但再過一個鐘同我哋講屋企人死咗唔做。

😂😂😂😂心諗死人死到你笑笑口。廿幾歲喇仔，唔啱做咪講誠實啲。唔使又消失又死人嘅。

所以返新工帶咁多嘢返去做乜鬼😆

真係，仲要執好佢個位俾下手，又唔敢掉佢啲嘢😂

其實係性格問題 同年齡無關 純粹嗰個人做人無交帶唔負責任

唔係年齡問題呀😂本身lead佢嗰個係00後妹添。

好多都係咁，上午返工，下午失蹤
終於Super 叫我哋要叫新人一齊出去食飯，一齊返公司🤣

笑死😂😂😂主席係咪要點人數

90後都超過30歲，都唔係第一份工，係人嘅問題

我70後, 想講我後生嗰時都試過一次係咁

chill bro！

學歷雖然好重要
見學歷到位(90尾00後人均讀大學比例更高)
反而見真人同佢傾吓計(唔係審犯!)
公司請個HR返嚟反而真係要認真啲請個「識傾計/溝通」嘅
話之佢有晒Bachelor / Degree HRM做好多年
如果佢文件處理冇問題
同人溝通有問題
咁經佢手都係易請到kam /奇怪人
因為佢只係一個人形版Ai
*排除公司其實最kam嘅情況下😆

我讀u 個陣試過。。。
個陣係返parttime
之後返左一個月 就冇人問我交更 之後隔左幾個月 就有封信話我冇左份工
之後幾個月就叫我拎personal belongings
但個陣我返緊第二份了 (佢地冇問我交更個刻我已經搵左第二份） 加上份工個地方有d kick 所以冇咩時間特登去拎返d 衫

但如果而家既我應該會拎返 好歹都係自己衫褲 而家可以既話唔想咁哂錢🤣🤣🤣

oh咁有可能覺得我哋地方kick😂😂😂
但佢勁尷尬，又唔係直接話唔做，係逐日請leave，請多幾日我哋覺得佢應該唔打算返，先當佢term咗😂

好多年前仲喺舊公司時，請左個admin, 上司叫我教佢嘢，教左佢兩日，第三日no show, 打俾佢冇人聽，咁搵佢張application form 搵到緊急聯絡人係佢媽媽，就打過去...
阿媽媽「哦，係呀，佢唔返架啦，唔洗再打嚟」

Ummmm...其實唔做咪開句聲囉，仲要我打俾你阿媽先知你唔做

阿媽被擺上枱again😂😭😂😭

其實唔關年紀事，好多上年紀嘅/80後都會係咁
朋友做會所，有個80後阿太嚟返工，返咗3日後失蹤，打電話俾佢先講唔做

係唔關事😂單純係我已經唔記得佢生咩樣，係見佢唔拎返自己嘢好chill

記住唔關年齡事

係唔關啊😂我有好多00後好同事

有朝一日條友失驚無神無端端返嚟話攞返自己啲嘢，如果幫佢掉晒就肯定發爛渣攪亂檔收場🙄

realll係驚呢樣😭

有啲親戚工作嘅地方都試過有咁嘅人所以先講下

我都遇過！
又係第3日消失咗
搵咗佢成朝到下晝先覆HR話唔做
我仲擔心咗成朝🥲

其實我第一反應都係驚佢有事🥲因為之前有另一個同事又係突然唔見咗，下晝打電話先知佢自己暈咗喺屋企…大佬真係驚㗎😩

即係唔做未唔做囉
同人講聲有幾難🚬
嚇親人㗎

我80後,好多年前返第一份工有個新同事黎我部門做,同佢介紹完一輪嘢,叫佢試下做嘢,食完個午飯返黎唔見咗人,所以應該唔關咩年代既人事,係關本身個人既事

我都自己試過份工返咗唔駛1個鐘都知唔啱想即走都會同人交代聲我唔做

係唔關事呀😂單純係第一次見連自己嘢都唔拎走好得意

可能佢錢多唔志在,或者驚返咗去走唔甩

好好笑😂又唔係傳銷
錢多maybe

我公司有個妹都係咁

大家好有錢🥹我唔做起碼會帶走件衫！

我辭職唔做想拎返件外套
反而被唔見咗 ...
窮呀 凍呀 🥲

覺得唔岩咪走，通常講得啲啲都係一份工做好耐，或者冇點遇過呢種人，其實好普遍啫。之但係，可以返工前講聲既~

我會同定所有黎interview / 新返工既人講，唔啱唔緊要嘅，係interview或者返工前，send個message 或者打電話同我講聲，等我知道就得，大家好嚟好去啫。

即走冇問題，但我會拎返自己個人物品😂

我諗係咁啱呢位仁兄唔care d 物品，可能覺得再返去個間公司，都影響到自己氣場 😆

唔明白點解講一句「覺得唔適合 唔做」都唔肯

交代一句真係咁困難咩？

見完工，通知佢返工日子
準備定個人資料
都係仲答你ok明白

最後 返工當日 無出現

約好見工 放飛機是常態

一係就工作時間要me time
唔返工留響屋企咪24小時都me time囉

大癲

我都好想做到佢地咁瀟灑😂😂😂

我以前公司試過有個年輕女仔第一日嚟返工，當時老闆同sales 未返，叫佢坐低自己位等一陣。轉頭佢同我講話落街買藥，之後就無再返來了😂

以前返part time成日請左人，編哂更，啲野都未識用，做左一日就話吾做，結果就搞著個阿頭又編過啲更，又搞著我哋做細又返工

咁灑脫，我做唔到囉😂😂😂

今年有個後生仔返工，返左唔夠一星期，突然lunch time 後失踪左，打佢電話唔通，HR call佢填果個緊急聯絡人既時候（即係佢媽媽），先至被知會佢quit工。

果陣全場都好震驚，睇完呢個post先知我唔係一個窿🤣（有後生同事話呢d 係"ghost"，我話我聽過，但以為呢d只是交友app先會出現）