乜原來四大天王嘅fans，從90年代鬥到今時今日都仲有得鬥👻
我都有見到🤣
原來偶像已經上晒神檯與世無爭都好，fans嘅護主心態都係唔會改變。
見到個討論唱功嘅post
心諗呢個年齡仲未可以各自安好
寶珠vs芳芳
凌波vs樂蒂/李菁
鄧麗君vs姚蘇蓉/鳳飛飛/甄妮
。。。。。🫣👻
最顛係之前陳寶珠返出來做大戲個排，見過班大陸龍劍笙fans同寶珠fans鬧交
而家都仲有凌波啲「仇人」喺邵氏個飛士卜度鬧。。。。。。
以前睇住佢哋兩幫人鬥來鬥去，而家睇住同一team 人嘅fans 喺度狗咬狗骨，好睇過台上面嘅表演多多聲啦吓話！
btw 某部份人追星追到做隻狗咁日日夜夜去吠啲「非我族類」，真係優秀至極！
利申：本人並非、亦不會成為任何人嘅fans，純粹路過睇吓你哋嘅「表演」。
我聽我婆婆講佢個間日間護老院仲有。勁好笑，我婆婆嫌煩，轉咗去第二度玩。
而家mirror某兩個隊員嘅粉都成日鬥啦！何況四大天王咁多年來都各有各做