事情係咁嘅，小弟我呢今日喺carousell約咗人交收，我係賣嘢嗰個，賣一隻古拿比加的Figure，本身隻Figure呢喺玩具天地或者玩具站都要140蚊先買到，而我就係公仔機入邊夾到出嚟嘅，我賣70，然後交收地點時間就晒佢，咁於是乎呢我就由大埔去坑口同佢交收啦，結果到咗之後條友係咁check貨check咗5分鐘，然之後以「呢盒嘢係夾出物，個盒有夾痕我唔要」為由，然後走咗。。。我心諗大佬你如果想要冇夾痕嗰啲你咪去玩具站買咯，你唔係諗住有人會喺玩具站使140蚊買返嚟跟住sell$70蚊益俾你呀嘛😅😅cls勁嬲囉
其實件貨只係$70 ，你唔應該就佢，應該係佢就你地點
基本上我一定會要求喺我自己屋企樓下交收。早期賣嘢太多奇怪經驗。而家做咗三百幾單都冇離開過屋企樓下，受少好多氣。
都係，不過盒公仔擺了很久都沒人要，突然有人要就咩都就晒他，點知係閪客🤣
算啦, Carousel 買嘢啲西客特別多, 佢一開始唔壓你價變$50已經算好
學到野，不過d carousell乞衣可能比5起🤣
有無寫明係夾出物？ 如果有 條友都咁腌尖 就唔該佢自己去玩具站買🫠
完美主義者… 不過佢哋通常都會事前問清楚 你呢單似係比人玩😣
個盒有裂痕寫清楚會好d。可以po相出黎睇下有幾嚴重嗎？
試過賣盒模型，條友買之前已經係度講價，最尾平左20畀佢，之後交收仲要係港鐵站打開黎數有幾多袋版件
交收一律由自己決定時間地方，將控制權擺返係自己手上，除非你係買嘢