📌 人去到3字，身邊越來
共 60 條紀錄
人去到3字，身邊越來越多朋友懷孕生仔
雖然我好戥佢哋開心
但同時我都好想知亦都諗唔明
真係咁想生仔咩？
真係咁鍾意小朋友咩？
真係要授精先代表到你哋嘅愛咩？
我觀察
真係好多人有我有既心態
我見d人生完之後成個朋友世界都係同佢一樣係生左既人，唔同其他人有兩句咁
我d生左既親戚見我唔生，又會畀d奇怪眼色你，又講d說話你聽下，話想約親人聚會果陣，見到我同另一半得2條友佢就同我冇嘢講咁，大家做咗咁耐老表，原來今日只不過係唔生一個小朋友，可以咁冇計傾。我有屋企人生咗一個小朋友，前臨過年食團年飯，呢啲老表當住咁多人面前，特登送份禮物俾我有生仔嗰個屋企人，完全當我無到，原來都只不過係因為大家嘅人生決定唔一樣，唔係因為一場親戚。
我嘅個人經歷話俾我聽，呢個社會上面呢一種無形嘅排斥，無形嘅壓力，我相信對好多人嚟講個力量都係好大。
我覺得好多人係驚人地生你唔生就進入唔到朋友/生左既親人既圈子，冇咗響社會上面嘅Connection,或者作為大家心中做咗人媽媽嗰種地位感先要生。
但係我同我另一半每一日都好確確實實一齊生活，一齊捱住run一個家，只不過係一個冇小孩嘅家庭，每一日嘅現實都會令到我哋好清醒，話俾我地聽，我就算冇老母冇親人，都唔會咁隨便take一個無能力take既責任。我唔係鍾培生咁有錢，抱歉。
當你真係唔明地認真答：
係，我同另一半都係由始至終都好想有小朋友，覺得咁樣人生同家庭先係最完滿 🫶🏻
未生之前已經會成日傾同幻想有咗小朋友之後嘅畫面同想一齊做嘅嘢 🥹
由呵bb 訓覺，同佢沖涼換片，揹住佢周圍去，到扶住佢教佢學行，到拖住佢一齊行，到同佢一齊睇書唱歌.. etc etc
到呢d 續一成真嘅時候，我哋得到果種喜悅完全係冇其他嘢替代到 💖
到而家我哋都好享受陪小朋友成長嘅過程，好慶幸佢哋進入我哋生命中
有研究根據達爾文 物種的起源 嘅理論所得
當一個物種數量飽和，且資源充足情況下
大自然會somehow令該物種嘅後代會多咗同性戀或不生育嘅意向
其中例子係企鵝，佢哋無乜天敵，亦觀察到唔少企鵝有同性戀嘅社交特質，一方面唔會生育，一方面佢哋會主動照顧孤兒企鵝
所以，你不婚不生其實未必代表你好醒，只係mother nature唔想你mentally有生仔意慾
唔明就唔明
你個問題就好似成世單身嘅人問點解啲人會揀拍拖，又要駛錢，又要顧另一半，冇晒自由
兩個人相愛係唔需要靠生仔去代表，事實係佢哋根本冇必要去理依樣嘢
生仔可以好多理由，但其中一個最valid，係因為個對象係自己相愛嘅人，所以先會想生
你明就明，唔明都冇所謂，過好你嘅日子，少啲理人哋生唔生
本身動物同植物生存天性都係繁殖
只係人類會因應社會經濟好多問題會考慮
但係好多中產或以上 佢地真係過得唔錯 會生 唔奇
識好多個一生就3個 仲要講緊每個都國際學校 個到一計就知 學費都10幾萬一個月 人地都好開心
你自己都可以問下自己如果你無任何經濟問題 又係社會比較高既階層
可能你都會選擇生
係唔係‘真係’，點解要同你交待？😂
人去到3字，身邊好多朋友維持單身不婚不生
雖然我好戥佢哋開心
但同時我都好想知亦都諗唔明
你真係咁想單身咩？
你真係咁想結婚咩？
你真係咁唔想生仔咩？
有人咁問你，你會覺得好舒服？
我都係3x
由細到大 都好鍾意大家庭既感覺
一齊好熱鬧
連讀既科 同職業都係同 生仔小朋友有關
搵到個值得既人 一齊去實現大家庭 生左3個
有能力support 到 唔使下一代養
已經財自 有時候做ftm 陪伴小朋友
why not
番工都唔夠湊仔咁開心
未必係專登想生，係順期自然有左，就生
當發現有左既時候，就諗住已經三十幾，又已經結左婚，就唔會落
多數生一個，下次就小心D,唔會再生
除非生完又生，生三四個個d就話真係鐘意啫，一係大把錢，生完有錢分
香港生三四個但目測唔係非常有錢嘅一般人，一係窮到拎綜援，一係我會覺得係耶L有信仰😅
有人是相愛去結婚去生仔去組織家庭
有人是有目的去生個出來鎖住個人
有人懞盛盛人有我有結婚生子7年後突然清醒話要搵佢真實的追求
他們都結婚同生仔了
你唔想生
因為冇對的人
唔想攪強制愛
你個人清醒
🥲聽好多都係本身唔係特別鍾意小朋友，又唔係特別有錢但屋企人話要生/防老/人生體驗/人有我有而生，然後搞到離婚/抑鬱，做朋友都幫唔到啲咩，，
但最慘唔係佢，最慘係小朋友🥲🥲🥲唉。真係好自私
人越來越老係無得改變的事實，但看見另一個自己正在成長，就覺得老得有價值，此心靈上的安慰非其他可以代替！雖然九成時間是辛苦及擔憂的，但只要有1%時間是歡樂就值了。
明 身邊好多人都結婚生仔 甚至有啲會想趕住三字頭之前結婚
如果佢地係想，佢哋結婚生仔會恭喜 
心底會好佩服佢地仲生仔
結唔結 生唔生 都係個人選擇 唔需要對立
你唔想咪唔想 質疑人為乜，自己放上公眾平台人地留言又話你自由，咁你又點解咁中意發呢d9文？
真係咁想發咩？
真係咁中意住海邊咩？
真係唔發9文唔安落咩？
個個人都唔同，我自己有兩個小朋友，已經高中，一直都好開心！
我有朋友單身，佢一樣都過得開心！
開心唔係得一種，最緊要知道自己想要乜～
點解唔會「真係好鐘意小朋友」？我自己就係，而家仔已18歲，仍然好享受佢嘅細個既每個時刻（我辭職湊佢哋），我身邊有小朋友既都係咁
有啲人意外嚟😂 個個生唔通個個都想生咩？然後唔識湊冇耐性又唔可塞返佢入肚當冇事😹
當然唔係個個想生，相反都唔會個個係意外，點解會覺得人哋唔可以係真係想生？
身為子女嘅角度 我絕對相信唔止我一個唔想出世 但既然改變唔到呢一切 我唯有企喺你地嘅對立面 證明你地嘅謬論根本係錯 仲要係離譜果隻
有人唔想生，都自然會有人想生㗎啦
乜互相尊重同自己有唔同立場既人咁難咩？
依家又唔系叫你生，又唔系叫你養埋人地個細路🙃
鍾意小朋友咪生
唔鍾意咪唔生
有人會好自然咁想有個小朋友享受家庭樂
有人會更想享受世界
唔使對立嘅
互相尊重🫡
利申：唔生
而家好多生嘅都係屋企有幾層樓扎手，或有家族生意，有外國護照，人地有條件生又鍾意小朋友。不要被貧窮限制你想像
見到我個friend係咁叫我快啲生，我真係越驚囉 。真係唔好睺住我啲優質基因啊 🤪 你啲仔咁劣質真係想錯你嘅心
你諗唔明，唔代表自己啱人哋錯，唔好質疑人哋，反而自己反省下，點解咁小事都唔抵得人哋有後代吧
其實結婚同生仔都係，我諗係好多人覺得去到咁上下歲數就覺得要做嘅嘢，覺得個個人都係咁做㗎啦…
你覺得你嘅選擇開心未得囉
做乜要質疑有小朋友嘅人，咁樣唔會令你嘅選擇變得更加正確㗎喎
愛有好多種 每個人想要嘅體驗都唔同
好似生仔啲人都唔會逼你生一樣
你咪戥佢哋開心囉
你好聰明
其他好多人 都係人有我有
我當年都係跟風 結婚生仔
今日婚已離
真係唔好亂結亂生
想婚想育既人唔洗你勸
佢地從來都覺得自己好好牌，覺得要咁先係成功/完滿人生
其他果d諗得個世界灰既人係都係loser姐，點會明姐？
我覺得我都好明佢地諗咩，佢哋會死撐話自己過得好好啊，其實小朋友過得好唔好從來都唔係呢班人嘅重點，不論有錢人定窮人。
但我就出聲勸都廢事，留返啖氣暖肚好過。人生各有所求。
講真如果佢地個個真係好好牌 我諗唔會有咁多人出嚟埋怨喇
岩岩一開threads,第一個post就係一個崩潰既媽媽響度講野🙃
生物本能嚟，好多人到時到候都有父愛母愛，佢哋養得掂咪ok 😂 最怕啲人三餐不繼都要生啫
因為佢哋自私😭🖐🏻要靠生仔建立「家庭幸福」 冇錢又好點都好 都照生個BB出嚟受苦💀
頂！又話開心，轉個頭就話吾明又咁多頂心頂廢問號，問返你自己好啦！
佢哋覺得開心嘅事我咪戥佢開心，但另一方面我的確唔明白，學你話齋我都冇理由將呢啲咁頂心頂肺嘅問題問佢哋😂所以先睇吓大家點諗
唔洗諗得明，人地生又冇逼你生，除非你想生先要諗，唔係唔洗理佢地的
人去到4字，而家知道人係好易人云亦云，同埋生仔要有啲衝動。
雖然我都無諗住生仔，但係人地想生人地既事😆又唔洗質疑人既
你有自己既瀟灑自由
佢哋有自己合家歡既幸福
有乜好比較？
今時今日仲生仔
全部都係仆街嚟
香港咁差仲要佢地出世受苦
有無機會係你想生 但生唔到， 然後咁樣諗， 令自己好過d ???
當我諗到無哂自由無自己時間d錢要放哂仔女身上就唔會想生