人少少講吓以前親身經歷嘅「性騷擾」🚫

1）F3去游水唔識游 有個男人走埋嚟話教我游 佢帶咗我去好似0.5M嗰啲池由上摸到下 個救生員望住喺度陰陰嘴笑 勁無助 真係唔曉反抗嗰啲 話要去廁所之後走咗🤷🏻‍♀️

2）F4着校服等巴士 架車埋緊站 得兩個人上車我排第二 有個阿叔疑似衝埋嚟拍我Pat一下勁大聲 我擰轉身嗰陣得個阿叔喺個相隔約兩米嘅位置喺度笑住望我上車🤷🏻‍♀️

3）F4放學MTR feel到對面坐住個男人係咁望住我 諗緊自己係咪感覺錯 到站嗰陣特登等架車臨請勿靠近車門嗰時跑落車 點知個男人跟住我跑 上扶手電梯嗰陣喺塊鏡見到佢部電話伸喺我裙底 不過因為打底PE褲 上到嗰陣問完條友有咩好影佢自己跑返落去🙆🏻‍♀️

（3單嘢我當時反應都冇「明確」拒絕 假設有報警 上庭 最後係咪會大機會出現 因為冇明確拒絕而告唔入 啫係咁講）

之後有段時間係好驚同人有身體接觸 男女都介意個隻🤏🏻

好恐怖😭😭就算阻住都唔使掂你.. 唔好核突佬搵藉口🥹祝你以後唔好再遇到呢啲畜生

4）F5 有晚落7仔買嘢 一直耷低頭玩電話 前面有個男人 咁啱得咁蹺同我全身一樣look(黑oversized T/真理褲/Nike拖）開頭冇為意 係佢埋完單嗰陣 勁大聲同個姐姐講「唔該！」所以就望咗下 到我埋完單出七仔望到個男人企喺門口望實我 咁我都照走 發現佢一直同我隔住個花槽平排 然後我正視佢 喺度轉左轉右又唔知點解佢要學我 打電話叫阿媽落樓接我 佢見到即刻走咗😅

5）year 2 放學MTR 企喺兩排座位中間碌柱 好神奇地突然間又係俾人勁大力打咗個pat一下 即刻擰轉身後面一排四個男人同我對視 然後有個拐杖阿伯行緊落車 架車都唔算企得密 但似係覺得我阻住佢落車 所以拍鳩我😹

利申唔靚唔正 可能個樣好恰?😹
肯出聲嘅大家 你哋好叻🫶🏿

其實男女都有可能發生 冇必要一竹篙打一船人 乜都話人屈嗰啲 最多咪話你唔係啲咁嘅男人 唔代表冇呢種人🤡係咪唔知有幾多單性罪案發生緊 而且有幾多結果都係不了了之或者有發生但告唔入

試下睇多少少聽多少少🤌🏻

🫂🫂🫂辛苦你遇咁多變態佬
只遇過一次火車上非禮，真係會唔識反應，事後都會諗出聲係咪一定有人幫，定俾人鬧返轉頭，我認我廢

同埋兩次俾人跟蹤，好驚

F3去0.5m? 即係水只去到大脾？

Me too,小學中學都發生過不愉快事件，我覺得做父母真係要由細就教導啲仔女要識保護自己，唔好怕尷尬，性教育一定要教，我父母就係典型嘅保守思維。

我知旁觀者講就容易，
但以後要學識勇敢D大叫
唔好再蝕底比人，喱D仆街欺善怕惡，你大大聲叫做乜摸我！佢地就會驚到仆街，亦有機會有人幫你捉住佢。
加油，之前既遭遇辛苦你了。

依家要善用手機，一定要拍片公開樣！先夠警世

🫂🫂

比較好奇有咩驅使你俾一個陌生男人教你游水

天啊，我究竟睇咗啲乜........好嘔心（？）

個男人同個救生員都好撚有病

留友看