人生去到40有多，頭半段渾渾噩噩過，無人生目標，讀書不成，搵份輕鬆工作過日子，人工低對比同輩少一半，還好負擔不大叫做可以過日子。

直到30零歲拍拖壓力變大，轉工結婚生小朋友，中間不斷轉工跳槽，地盤工人做過，管理級做過。現時雖然叫做搵多左但壓力大到爆，無奈生活迫人，都要頂住。

比上不足比下有餘叫做小康家庭，滿足到小朋友基本需要，但始終懷念落手做地盤日子，身累但日子充實輕鬆不需用腦，同事簡單不需心計。而家就心累處理各樣問題，拆彈。睇人面色勾心鬥角，每行一步都要諗清諗楚。

成年人的世界從來無簡單過

做地盤先好，無咁多人事唔洗煩咁多野，齊上齊落攰但係開心

依個真，煩惱少無咁複雜，同事大家開工交足功課互相幫助拍住做。

做野的人，好少搞風搞雨

同意，齊心做野幾辛苦大家都笑住去做。

明 所以我唔會搏升職
打工無發達 志在夠洗就算

無奈要搵多D ，𢭃得份糧公司一定用盡你，我而家工作量應該係以前嘅3倍。

有家庭負擔？ 好多時降低追求就可以輕鬆啲

人大左已經無咩追求都係應洗得洗，係家庭小朋友供樓請工人必需。

唔主動計劃人生 上天就會幫你計規劃你既人生 最終一切都係要自己埋單 當生活和欲望不平衡 就會痛苦

雖然上一代唔成功，但都係佢地身上學識克苦。自己好多野都應慳得慳，希望自己一步一步改善下一代。

無錢又要拍拖，又要威又要帶頭盔？🤔

人生就係咁，當然到依刻我都無後悔過，起碼小朋友健康成長。

人生可以唔係咁，我無錢就約下ptgf算，點會仲諗拍拖？仲害埋個小朋友🤔

只好同你講聲加油

感謝，純粹呻吓，最近真係爆煲。

身累，瞓個飽覺就得；心累，唔係話你休息幾多就補到

個腦停唔到，工程太多突發同問題去處理，唯有搵方法去釋放壓力。

同自己講，搵到錢都唔可以要自己做成世，尋求早少少既退路，唔一定要做到65歲先退休

開始要諗了，投資慢慢都轉無咁高風險，搵多D 被動收入。希望60吧

重點人工有幾多，洗吾洗供樓

小朋友大上小學，最近換左樓供多左，所以壓力大都要頂住。人工就搵多過以前地盤師傅價囉，但對比同期出黎做班師兄弟，個個都比我好了。

由你拍拖開始，就要預咗有一連串嘅煩惱事等緊你
如果你有錢，問題就會大減

當時真係無諗咁遠，不過有壓力又唔係壞事，有動力比自己去成長。

壓力唔係動力係病歷

適量係好事，但多就真係難搞。好多時一個電話黎就搞到你情緒變差，一堆問題解決處理，仲要全部都急急急。