人生去到40有多，頭半段渾渾噩噩過，無人生目標，讀書不成，搵份輕鬆工作過日子，人工低對比同輩少一半，還好負擔不大叫做可以過日子。

直到30零歲拍拖壓力變大，轉工結婚生小朋友，中間不斷轉工跳槽，地盤工人做過，管理級做過。現時雖然叫做搵多左但壓力大到爆，無奈生活迫人，都要頂住。

比上不足比下有餘叫做小康家庭，滿足到小朋友基本需要，但始終懷念落手做地盤日子，身累但日子充實輕鬆不需用腦，同事簡單不需心計。而家就心累處理各樣問題，拆彈。睇人面色勾心鬥角，每行一步都要諗清諗楚。

做地盤先好，無咁多人事唔洗煩咁多野，齊上齊落攰但係開心

依個真，煩惱少無咁複雜，同事大家開工交足功課互相幫助拍住做。

做野的人，好少搞風搞雨

同意，齊心做野幾辛苦大家都笑住去做。