📌 今年37歲…冇學歷…
共 67 條紀錄
今年37歲…冇學歷…無背景…背技能….冇學歷….準備破產….冇朋友….失去最愛….其實…係咪可以去登出…..反正唔會再有人愛自己….反正人生都玩撚完…..我好辛苦…….
見意你登出Threads,
再落街去最近既便利店, 問佢請唔請人
應該叫你一兩日後, 日頭返去搵經理
無技能可以學, 政府有ERB, 問題唔係技能,
問題係你有冇清楚發生緊乜事
好多人以為好清楚, 其實完全只係睇到表面果層
我35吖 上年7月舉咗手破產，4年前被分手後就一直自己一個，仲同抑鬱症焦慮症搏鬥中。
搵咗份工，雖然月薪算低但自己喜歡，收工都喺自己一個人。我都覺得自己唔會有人愛㗎啦（講真香港地邊個會揀又無錢又年紀大吖），但屋企就有兩隻貓陪。
都支持你養小動物，同埋近半年自己開始睇多啲書，書本文字的確可以令自己心理強大啲 加油
咩事破產？😮 黃賭毒被詐？
今年先3月岩岩過，錢就冇架喇，但其實除左冇錢其他都唔成問題，你要面對左債務問題先，咁你就會鬆啲，通常係過唔到屋企人果關同自己果關。
感性係解決唔到錢既問題，一定要理性面對。
1.破完有咩計劃？繼續頹？定重新開始💪🏻
2.朋友多一個唔多，接受到你真正情況比鼓勵你已經係陪你走過呢段路。
3.erb幫到你👀可以了解下。
4.大把無學歷既人生都過得好精彩，個問題係你係咪得過且過，有冇認真過好每一日每件事，有冇反省過？冇唔緊要，最緊要認清自己，再諗下跟住落黎想點，冇人依靠，你就要自己開始諗吓，你想點。
最後，人生好似得4千個禮拜？
無聊就去書局睇下書，唔洗增廣見聞，換個心態沉澱下，你快節奏既就假期進行啲慢節奏既（行下書店、執下屋、寫下週記）
結論：假如自己都唔愛自己，人地點會珍惜（因為憑你兩句野我推測唔到你咩人，但都講兩句）
我睇到你啲字，都有啲心酸，所以留個言，為你祈禱🙏🏻
多謝師兄，我有諗過erb（因為她，想令自己搵更多錢….但真係諗唔到學咩咩先令自己有前途）……失去「她」我亦已經沒有動力…..好想個何謂愛自己？點樣定義？愛自己能令「她」回頭嗎….😔
吾洗甘失望
香港破產吾洗怕 大把人都破左產 仲系一條好漢
何謂好漢？唔會再有人愛….餘下人生都要自己一個….仲有咩意思….
今年 42 歲，算有學歷，英文同廣東話一樣自如，做左保險佬十幾年，曾經都叫搵到下錢。可惜後生時太揮霍，然後又對人對到心累，無繼續做落去。自己除咗做 sales 之外無其他技能，學位亦係 d 垃圾學位，年紀大都未必會有人請。奈何手停口停，馬死落地行，所以搵下 d 散工做，$600 日執倉都會仆住做。自己既最愛十幾年前跳樓走左，自此後我都唔太能夠投入其他感情。
我唔係你，唔會明白你全部感受。只想講，呢刻係人生既其中一個旅程同經歷，當然亦唔會係唯一一個。假如感情對你黎講咁重要靚話，我認為既係首先要搞好自己先。無人會對一個毫無吸引力既人感興趣的。
巴打/絲打，一齊加油。you'll never walk alone. 共勉之。
登出都唔係咁易，37歲仲係好後生。你命運未玩完自己登出人地又要你返黎玩過，反而又要玩耐d，不如諗下從今之後點樣玩得好d？
由每既一支紅酒….到依家每晚要兩支白酒先訓到4個鐘…….仲有咩健康可言….
咁大個人仲講愛愛愛 真係怕咗你哋依啲戀愛腦🫠的起心肝解決現實問題先啦
你仲有健康嘅身體，有重新開始嘅勇氣
辛苦、攰就好好休息，抖夠再繼續，可以慢慢黎，唔流急，唔需要話要加油向前行，可以停落黎休息夠再行。
好多人都係無人愛，所以要慢慢學習愛自己🫂🫂🫂。
信埋d車公，做人都唔靠自己，你呢種背景香港大把啦。我在你呢個年紀先開始發現好受d女歡迎，溝到好多女。現在我在英國一個朋友都冇，但又過得好舒服。年紀越大朋友係會越少，好正常。
我今年都39 都係冇學歷 冇錢冇樓冇車。都係咩都唔識。單身左兩年幾。我都覺得冇人會鍾意。但唔好放棄自己。人生在世。你唔會係最慘果個。你不如好好諗下。你有咩想做？想玩？想學啦？你可以唔開心。可以好消極。但唔好比自己太耐。何況仲生存緊，就諗野玩下囉😎同朋友傾下。會有希望💪🏻
32歲 ， 碩士，有技能，有愛自己的另一半，有積蓄，唔洗供樓，有情緒病，呼吸困難，每日都想登出
除左叫你睇開啲都係睇開啲.將自己拉返出黎.你太投入之前段戀情？打晒困籠甘喔🤔繼續落去人會勁謝..到時好難養返身子.自己去下旅行？做一個大膽挑戰？登出知吾知有咩後果？
外在即使風雨飄搖，都請好好善待自己，從內在開始好好愛自己，你要記得，你本身就好優秀，只係未係時候發光發亮，你本身就富足，只係需要時間和timing。你絕對可以掌控人生，你已經好好了！你只係暫時睇唔到自己嘅好。只要你想的，都會在未來一一寶現！你一定可以得到你想得到嘅嘢，因為你本身已經有。只係時機未到。要100%愛自己，相信自己。
你係人生中嘅編劇同導演，為人生演一齣好戲🧡記住你本身就好值得被愛，你本身就好棒
見你好多留言都係關於「她」。冇左「她」就冇動力，冇左「她」就唔想去旅行。我覺得你首先要為「我」行動先，我知係難，一開始一定係辛苦。行屍走肉都好，你都要搵野填滿自己既時間。既然你破產，一於先搵工作還錢囉！既然「她」令你咁辛苦，工作唔會比「她」辛苦，一於勤力工作！時間一定可以沖淡一切，到你之後好起來，你會多謝行屍走肉既你冇放棄過。37歲仲後生，唔好講大翻身，但之後做番個正常人一定唔難！
無聽過六親緣薄係一把寶劍咩？該還既情債錢債都還完啦，做自己開心既野啦~搵唔到慢慢搵~
我32，離婚自住。好既有隻小貓陪伴。人工萬5，每月岩岩好生存，no生活，都係甘。
或者可以先由送Keeta 開始，因為即時收錢，個感覺比較實在，同埋可以自由安排時間又輕鬆，可以比自己放空一下，諗吓下一步點行。 我被騙身家，同時負債嗰陣，就係由送Keeta重新開始。
我體會過當自己走到谷低嘅時候，其他人幫都幫唔到好多。
最終係要靠自己走出嚟，亦要靠自己做最愛自己嗰個。
我明白而家聽落好諷刺，但一年後你睇返呢個post，就會明白㗎喇，祝福你🙏🏻 
見你寫準備破產 呢個先係你心理關口 現今經濟實在太差 的確多咗人破產 現在破產不是大問題 反而攪好破 你起碼生活沒有太大壓力 只於感情方面 你現在先37𡻕 實有下一段感情 放心啦 加油
才37，趕緊去學點技能啊，或者讀一個大學！我都是36又去讀書了
除左破產，我同你一樣咁辛苦無乜順境過，或者成年人就係要學會將苦吞落肚，只能說加油吧，兄弟💪
你再喺咁沉淪落去，只係證明你ex離開你係正確嘅選擇，所以你要做嘅就係穩定地提升自己，證明其實係你ex走寶啦！
唔好放棄，堅持信念，我都係谷底上返嚟❤️❤️❤️💪💪
有陣時都覺得條命好苦，過得好辛苦，好赲，唔想搞到自己抑鬱，所以努力咁行落去，出去跑跑步，喊完就算
我已經見到呢段野三次........三次既分別只係年齡唔同....咩事
既然你都講到登出，如果有下一世，你想你成為點樣嘅人？
呃。。行過見到就講兩句，今世問題唔解決就走，下世個問題依然會存在。今世事決心今世搞掂佢啦。。唔係下世仲賴嘢，無間地獄
最早就登出？比你陣間星期六中左六合彩 就唔洗登出啦 大把時間 一日未登出大把希望
可以老破，其實算好好。
其他地方，可能要還幾代人。
你自己都唔愛自己又點會有人會去愛你呢？
香港人最叻係咩？獅子山下精神！由咩都冇變到有去創造傳期！出晒名勤力過隻牛🤷🏻♀️
我都係，但差你一個破產，長期戶口彈到返落單位數，人生戶口得1蚊既總日數應該超過1000日以上，彈出又彈入咁逃避個世界，喱係房唔想見人，但我宜家36都未登出仲爭扎緊，由零開始重新去獲取算咩，同我向前行
嗯，師兄冇負債…唔駛破產….仲有機會有人會愛你，要好好珍惜……
老實講我唔知破產等同於咩，但一定要同別人公開？唔係會無晒d欠債咩？就算之後每月會被比扣左幾成收入，但都不過如此
同有無人愛無咩關係，你呢個缺愛既狀況，要先明白想有人愛都要既唔係家底，而係品性，被愛狀況都係要用腦用技巧經營返黎，同個世界容和多少少都係生存必需既精神食糧，我有十年既無人無物期，但用左幾年去學習從恨個世界睇唔順眼任何人，變成明白自己點解會變成邊緣人，都開始有返d眉目，買完個飯阿姐會同我有講有笑，同屋企人有返交流，聯絡返舊朋友，無咁易衝動同網上既人嘈交，叫雞都由唔當佢係需要交流既人變到識嘗試取悅對方，令相處體驗升華，雖然總體都唔算有咩重要既人同關係，但無論想要關係想要互愛，定想要錢想要好生活，都係慢慢經營出黎，我都有眉目，我唔信一直係社會努力幾十年既人會無計可施，只有你放棄唔想去撥亂反正，消極都好攰，個人沉辛苦過死，既然仲有呼吸，不如諗辦法整舒服自己既前路