📌 今日下午去睇再見UF
共 80 條紀錄
今日下午去睇再見UFO，睇咗20分鐘我決定離開，因為隔離坐咗個阿伯，呢20分鐘內，佢唔係狂咳，但佢每一鐘都一定會咳幾聲，雖然佢有戴口罩，但係我完全集中唔到，只係focus佢幾時會停。最後出咗門口同職員講，我想搵經理。口音姐姐職員問我咩事呢，我講咗個情況，佢提議我自己搵另一個位坐。我同佢講你唔使自己決定，我同你經理講就得。經理知道咗後，同我道歉，我都同佢講唔關你事，只係我真係冇辦法在有人不斷咳都睇到戲，佢幫我換咗下場嘅飛。等咗兩知個鐘後，我再入場，有兩個女人坐咗我個位，佢哋係有讓返位我，坐我隔離，之後佢哋睇戲期間討論劇情⋯⋯原來可以靜靜哋睇套戲，今時今日並係易事。
之前連睇 狸想世界、夜王、陽光女子合唱團
夜王一開場黃子華獨白，後面女人問老公：你有冇去過（夜總會）
陽光女子去到某個位（劇透），前面女人：死咗？
屌佢反而狸想世界成場細路仔都有品啲
要講嘢返去睇Netflix啦，啲戲得1-2個鐘都記唔住內容出去傾嘅，就去買合桃食同驗腦退化唔該，唔好入嚟騷擾人吖
利申覺得阿伯同兩個女人都有問題
但想講出名平嘅場就特別多 kam 人，就算出去其他院早場+長者優惠都係多 kam L，乜乜戲院日真係鍾意睇戲嘅更加避之則吉同一道理
一來嗰班都唔係睇開戲嘅都唔知咁騷擾到人，自然唔識將心比己，二來成本越低越唔珍惜
鍾意大銀幕體驗嘅寧願睇返正價場，最多搞返個會員折返
同意你講法，如果觀眾都有基本嘅禮儀，唔好騷擾到其他人，咁其實大家都睇得開心啲。可惜有啲人永遠唔會覺得自己影響緊人哋。
試過咩都無做俾前邊個白卡 bear L住大叫 又丟紙球過黎（？） 係第一次寧轉頭已經係咁 唯有成程bear L住佢一舉一動 吊位只有白卡前面（唔覺得有幾好） 多謝你俾我知原來可以出去搵經理 但我lum要我專登等下場等個幾鐘真係唔得 錢都俾jor唯有繼續坐 亦都唔想浪費自己extra時間🙂↕️ 有時呢啲嘢真係講緣
如果前面有個咁癲嘅，真係冇得攪。不過以前細個睇戲，嗰時戲院仲可以食煙嘅年代，都有見過人打交。各行各業都係，上司嘅作用就係處理問題，我衡量過我作為消費者，我得唔到我應有嘅服務，我又唔係要賠償，只係換返即日同一套戲嘅另一個場次，我覺得戲院都沒有損失，很合理吧。
的確 所以最後硬食 只可以講白卡大曬 永遠唔夠佢哋癲 睇完即走
我都好憎人地咳，有戴口罩又點，啲咳聲係非常騷擾，好心咳到咁嘈就唔好睇戲
次次我一坐低遇到呢啲人，自動波搬到幾遠得幾遠，幾乎場場都有呢啲人，我亦無時間睇下一場
係咁講野嗰啲我會diu9佢，再同職員講，再自己調位
我個個星期都入戲院咩人都見過晒
我同意病就真係唔好睇戲，如果係生理問題嘅人，例如一定會有胃氣er下er嗰啲，其實佢哋一早知自己事，佢哋又可唔可以自己揀埋啲少人邊位呢，始終我覺得去戲院睇戲大前提係唔應該騷擾到其他人。
我上次睇爆血新婚夜咪又係咁
隔離咳到肺癆咁 仲要唔帶口罩
又R 頭 又郁嚟郁去 好滋擾真係
咁我又可以點
一係買2個位 考慮下包行
一係搵間遠到冇咩人既偏遠戲院睇戲
都冇其他方法…🥹
千祈唔好睇早場，早場啲阿伯阿嬸好自我，入去坐多過睇電影，他們講嘢，話佢哋啦，佢話番轉頭，如果睇套戲，有20%時間，有人講嘢，都已經不能集中！通常睇戲睇正場，啲觀眾正常好多！
呢樣野真係好睇運
試過平日5點幾睇戲 以為人少實無事
點知有2個學生坐係左後方 隔埋條走廊咁遠都聽到佢地講野 仲要講左成場
可能套戲本身又太靜 所以好應聲
咳我管唔到
但係邊個喺我側邊討論劇情我實大聲屌埋佢
“嘈撚完未呀 , 我而家買飛入嚟睇戲定聽你講嘢呀”
等佢哋當場尷尬就自動收皮
我試過兩三劑㗎喇其實
係！靜靜地睇場戲真係唔易嘅事！有人傾計篤電話，我會大大聲提點！
其實戲院要好似睇舞台劇劇咁！如果有「戲院風紀」呢個角色，我唔收錢去做😆😆
第一個阿伯咳, 佢都唔想既, 佢未必係病, 同埋已經戴左口罩啦
叫你轉位又唔肯, 你都幾痴撚線
有人討論劇情, 呢D係應該要即場DIU7佢
你有冇做?
係呀，睇戲真係講彩數，仲要睇吓前面個樣會唔會太高阻住視線。
我試過隔離坐過人。大部分時間開住個電話睇。啲光殘住我隻眼。
而家啲戲院多數有梯級，我都好耐未試過俾人遮到。如果開住個電話睇又係好乞人憎，咁我應該都會開聲。
有次睇戲，隔離位女士成日睇手機，我直接同佢講佢手機嘅光好影響我，好彩佢肯收埋部機，但其實都已影響我睇戲嘅心情
完全明樓主！！有啲人仲要殊完佢都仲要繼續講！！完全無公德心！！把口唔識停咁！幾十歲唔好咁啦！要傾出去傾
有時真係某幾間戲院本身果堆觀眾問題…… 多次領教過某院線後，所以去開比較靜嘅戲院，之後都盡量唔改。
所以好少入戲院
我係連人地不停攞膠袋沙沙聲
食爆谷charpcharp聲
睇電話發光
每樣都好蜢 唔會平心靜氣睇到戲
根本睇戲就唔應該食嘢！啲人食完仲要唔自己拎返走！
戲院應該放映期間收唔到電話就最好
之前也是開場前30分鐘買票，空位很多，零星十人買了票，但入場後發現原本空的三行坐滿人，我個位都有人
睇戲傾偈正仆街黎
叫佢唔好傾，佢就話咁叻你包場/返屋企睇Netflix
基本睇戲禮儀都冇，呢D食屎狗幾時死
師兄..地獄黑仔..今日都係影藝睇合唱團..只係四週女觀眾.喊苦喊忽..觀眾冇討論劇情.靜心欣賞😂😂
如果你專注於劇情，你係聽唔到佢咳嘅。可惜你集中於聽佢咳。友善啲，呢個世界就會好有愛。
你睇下你身邊嘅人，佢地專注做緊件事果陣，你同佢講嘢佢會聽唔到，轉頭過嚟問你頭先講乜。用腦思考下我呢段說話，記低你嘅感受，培養自己成為一個有靈性的人。
樂觀啲去諗，就算冇肺癆阿伯，冇兩個多口姐，其實呢套戲都令人集中唔到，因為佢碎過肉鬆
經理處理得宜，
前者有病，佢都唔想。
後者失禮，遇過呢啲人，
即時見佢哋收聲。
前者如果佢唔係坐埋去主人群，佢坐邊皮少人位，我唔介意，但你要咳又坐eyes level嗰啲主要位，我覺得好影響人。
你試吓搭嗲嘛 佢講咩你答返佢
呢啲仆街叫佢收聲無用
你影響返佢睇戲佢就會收皮
D癈老先仆街，又唔能知自己吧鳩聲咁能大，係度不停講野，叫能左唔好嘈都唔聽
所以我幾年都冇去睇戲，啲人又玩手機，又傾電話，又踢櫈，每次都有唔同花臣
依家D人係咁。
一係自己調位, 一係嬲爆, 而我多數自己走位, 通常去最前3、4行
你呢個場次，加上係UFO，大把位你揀啦！首場個個都無錯，只係你最麻煩。
今日場坐咗1/3，我本身揀咗隔離左右都冇人，阿伯可能見我左右冇人，開場後自己坐過嚟
1/3嘅人都係集中最尾嗰6、7行，唔好blame the victim啦
老實講，呢個情況的確係你唔好彩，但必須強調，個阿伯同戲院都無做錯。
Sorry for you🙏 我都明呢啲情況，有時去電影資料館睇復修舊片，觀眾好多都上咗年紀，都會係咁，但真係唔可以怪佢哋。
好彩我睇舊戲：情書、七宗罪、我的野蠻女友冇呢嘢發生🙏🏻
阿伯有戴口罩，咳佢都控制唔到，
第二場討論劇情果兩個黑人憎啲。
有時睇戲好似開盲盒咁，如果可以安靜投入睇晒成套戲要感恩😆😆
真係唔明啲人咁中意一路睇戲一路講劇情，係非常騷擾到其他人。
多得呢啲無公德心嘅人，我越嚟越少入戲院睇戲，寧願遲啲先睇。
入場睇戲不嬲高風險，但呢套戲應該少人睇，你邊度睇會坐爆呀？
睇戲最憎人講電話，電話光到爆，前排有對左右門神不斷左遙右擺
通常最刻幾分鐘先買飛
坐嘅位通常角落位
遠遠離開人群
# I人生活
睇戲好睇運氣
我成日黑仔
唔知點解前面3/4 機會 坐咗個好高嘅人
我明你講邊啲
即係每一排前面嗰行啱啱係兩個人中間嗰隻？（卡啦卡啦）以前冇咁注重環繞聲嗰陣我通常坐路口位左右嘅路口位打斜咁睇起碼前方係條樓梯
但係個畫面其實體驗好差
港產片還可以, 西片大片我寧願買第二場
梁朝偉會買3張飛，可參考下，或平日晚上9點半先入場，冇計🥲
我好耐之前都有咁諗，最好買9個位，不過等我多錢到使唔晒先😫
你真係麻L7煩，包場咪無人阻你睇戲囉，咳都戴罩仲想點
唉
我都好憎個d唔守規距既人
無憵+嘔心
🤮🤮🤮🤮🤮
係幾bad trip
已經難得肯比時間同錢入戲院，會好無癮
真心唔知幾時開始，我覺得喺戲院睇戲一啲都唔enjoy
咁要睇吓咩戲，以前入戲院睇魔戒三部曲，好似真係入咗魔界咁
戲飛愈平啲人就愈cheap
佢哋當40蚊入去坐下嘆冷氣