今日下午去睇再見UFO，睇咗20分鐘我決定離開，因為隔離坐咗個阿伯，呢20分鐘內，佢唔係狂咳，但佢每一鐘都一定會咳幾聲，雖然佢有戴口罩，但係我完全集中唔到，只係focus佢幾時會停。最後出咗門口同職員講，我想搵經理。口音姐姐職員問我咩事呢，我講咗個情況，佢提議我自己搵另一個位坐。我同佢講你唔使自己決定，我同你經理講就得。經理知道咗後，同我道歉，我都同佢講唔關你事，只係我真係冇辦法在有人不斷咳都睇到戲，佢幫我換咗下場嘅飛。等咗兩知個鐘後，我再入場，有兩個女人坐咗我個位，佢哋係有讓返位我，坐我隔離，之後佢哋睇戲期間討論劇情⋯⋯原來可以靜靜哋睇套戲，今時今日並係易事。
依家D人係咁。
一係自己調位, 一係嬲爆, 而我多數自己走位, 通常去最前3、4行