今日係尖沙咀準備坐天星去灣仔
入閘前比兩個中亞男士叫停左
企係部機面前話唔識買飛
我幫佢地㩒完佢地話無ePayment
問我可唔可以幫佢地比
佢地再比番cash我
我見13蚊我就問佢地有無散子
佢地做樣攞左3蚊出泥
我問咁另外10蚊呢？
佢打開個銀包話得張1000蚊
我見面額咁大叫佢問職員
佢哋話問左職員無得找
然後佢叫我幫佢地比？！
我覺得佢地鬼鬼地
就同佢講我得八達通
(部機淨係收其他ePayment)
佢仲催我話有船啦
我無理佢掉頭走
然後…
佢哋唔知用咗咩方法入閘
跑過咗我順利登船
而我Miss咗班船😂
總結係
我唔認為佢哋係想呃個13 蚊
好大機會係想博人同佢唱咗嗰張1000蚊
所以大家出門在外記得小心
就係因為呢啲人越嚟越多
人同人之間嘅信任越嚟越薄弱
我有試過喺街度真係需要人幫手
都冇再有人願意伸出援手
以前嘅香港真係唔係咁樣的
我希望繼續保持善良
但請不要利用人類的善良🥹
回想起 回歸之後嗰幾年 香港勁多騙案發生，啲人開始有戒心變冷漠
見到樓主呢單，真係多得呢啲騙子令人愈來愈唔敢幫人
中/南亞、天龍、衣衫襤褸white trash 一律曬走/幫佢地搵警察
都明白你嘅感受嘅！
見到張一千蚊 其實換轉係我 我寧願蝕$13（當捐錢賣旗做咗善事）好過最後你幫佢唱散咗張$1000你攞其中嘅$10 淨番嘅俾咗佢地 後來你可能會發現張「金牛」係假嘅….
我哋本地人 早就成為驚弓之鳥 日防夜防 電騙對我真係冇咩可能㗎啦 因為我手機不在我phone list上嘅一概唔會響 又打唔到入嚟！但係我都要出街番工….喺街上除咗要防啲強國貨咩食飯黨？呃錢黨、踫瓷黨…仲要防埋啲南亞、酷刑聲請人士…..
我明白你講：「香港以前真係唔係咁」 因為我都係19xx年喺呢個香港出世土生土長 但我好悲哀吾知點解香港今日會變成咁？
「香港以前唔係咁」呢句話 吾知又有幾多人有共鳴？😭
你做得好👍🏻街上太多騙子，咩國籍都有。斯騙別人善心、同情心嘅人最可恥！
火車站/地鐵站係唱錢好地方,
唔明點解咁多人話唱唔到錢,
要人同佢唱錢？！
絕對認同，啲人利用別人的同情心犯案，主因係犯案冇成本，但最後結果會令社會冷漠的惡果
你都好醒㗎喇，識得搵職員。
個職員呢亦都好婉轉，想話畀你聽（有啲鬼，佢唔願意幫手）梗係有啲嘢。你自己諗諗啦，人哋職員喺嗰度返工（固定地點、固定時間）呢啲衰人好易搞報復。
女仔一個人真係唔好做好心，禮貌笑一笑"sorry，no English"，急步離開.....
之前我係青嶼幹線轉車站都試過呢個情況
又係無散紙 得張1000蚊紙
成個轉車站無人肯同佢唱散張大紙
最尾我同佢換
一開頭我都驚收到假鈔
最尾入落去入錢機係真鈔！
其實去到冇epayment 然後叫你比嗰個位就應該閃，蝕左既係比錢更重要既時間。
自從我被這種人拿張假$1000欺騙 ，之後我就從此不再相信他們這些人！
我覺得這個世界上真是需要人幫助，只會是，『請你幫我報警』，而不是你可不可以借錢或給他錢！
任何人經過問我野，我都當睇唔倒，永無蝕抵
至於你地話，到你要人幫忙時點算？公平咩？
唔好意思，現實生活中，只要有錢有電話，無咩難關係解決唔倒，而非要問人幫。咁出入未留神d 囉，帶夠錢帶夠散紙，確保百達通夠錢又有電子支付喺身囉。
除非比人打傷訓低無知覺，我都唔駛途人幫手。
同樣地，亦唔會同任何途人接觸，避免麻煩。
其實唔洗理咁多, 咁大個人唱錢咪自己搵地方唱, 你估係小朋友下下要教呀？ 一來怕呃錢, 二來大紙多假銀紙
一涉及錢既，一律唔會幫，淨係幫佢揾警察，問路既一律答唔識
呢件“唱”錢事曾經茶記出現過，東張有報埋。
所以真係要小心。
唔理係咩人，係條街度咁樣講，一定要避之則吉。
或者你只可以同佢講 “即刻搵警察”！
早排新聞有講類似情況,南亞人見你拎銀包出嚟就即刻搶走，喺尖沙咀出現多！小心
依家見到唔係香港人都直接無視，無得怪人，就算係香港人都要問清楚先，騙子太多，香港人唔可以好以前咁善良
你唔理佢是對的
分分鐘嗰1000蚊紙都係假銀紙，以前有啲唱錢黨case。唱張假嘢俾人。
磚才諗住0成本過海繼續搵老襯🤡
O…不….牠打算用$3成本🌚