今日係屯門醫院陪家人睇急症，在漫長嘅等待中，同旁邊嘅老先生傾下計，揭開感人嘅故事：老先生86歲，身體健壯，以前揸巴士，退休後揸的士，今日陪老婆黎睇傷風感冒，老太太幾年前開始老人痴呆，老先生就貼身照顧，佢地無兒女，無社工跟進，也無老人中心嘅各種幫助。老先生話，佢唔忍心送老婆去老人院，他日如果佢早死，也唔知老婆點算。我鼓勵佢去搵附近老人中心幫手，因為一個老人照顧另一個痴呆老人，係超負荷。
最令我激氣嘅係佢話黎急症之前，原來佢地一早已經去左附近診所，比左450元診金，醫生無開任何藥，只係叫佢帶老婆黎醫院睇急症，要求住院。老先生聽話地帶老婆來排隊睇急診，等了也係成日，先攞左兩包感冒藥，無住院。（佢老婆嘅感冒真係唔重，係一般傷風感冒，無可能可以住院）。
香港嘅西醫點解咁無良，收左錢唔比藥，叫人睇急診。
祈禱上天祝福呢位老先生，遇到貴人相助，條路越行越通。

呢D咁極品的醫生係咪要開名比大家認識一下？

其實伯伯遇上你陪佢傾下 已經是遇上貴人

好多私家醫生係只想賺錢既仆街黎

贊成

我對西醫醫生及西藥愈來愈失去信心與尊重。

我提議政府資助老人家請傭工，放棄個啲社區卷，要老人家申請得來又唔批，最好每個有需要家庭可以用低啲價錢請傭工

私家醫生如果覺得婆婆要入院，應該寫返封轉介信寫吓係乜情況，比老先生攞過去急症室登記啦🙄
當日我無症狀嘅小產，醫生都係寫比我攞去急症，好快就有得見醫生上病房

真係無良E生

其實打開門做生意收診金好合理，人家又吾係開善堂，再者傷風感冒其實真係冇藥食，醫院開果啲所謂感冒藥，算吧啦

最好老人家有社工跟進，可以申請家居照顧服務，

如果的士乘客知道佢86歲。唔敢上佢架的士

佢老婆痴呆後，佢嘅工作係照顧老婆

醫療卷呢？

可能扣咗，醫療卷對老人家講都係自已錢。

老人家傷風感冒引致呼吸唔暢通或鼻水倒流也辛苦，對痴呆老人因為佢哋唔識表達要加倍小心，我媽媽之前就是試過有小小發燒但吃藥便退燒以為沒問題但原來有肺炎。

私家普通科醫生
一般只係睇傷風/感冒/胃痛之類
一有其他需要儀器檢測的
都唔會睇
直接寫醫生信叫病人去急症
好嘅會唔收錢
衰嘅會收足錢

香港既私家醫生真係多數好貪錢, 無乜醫德

其實老人家86，宜家成日話唔好生仔女，老來唔一定照顧你、呢個諗法想無付出、後生果陣就輕鬆玩開心，到老唔死一身病、就連搵個人扶下都無🤷🏻‍♀️ 都係give and take， no give, nothing can take
見好多老人家老來會後悔當年無生細路

睇完私家叫你去排醫院既話應該有封轉介信俾埋
一去睇基本上唔駛等

呢類醫畜早死早著🤬🤬

咁有consultation要收錢好應該

出院後一齊吃宵夜

醫生要收到診費
收$150都OK啦！

明白，聽人講就係真？
怪唔之得日日係街度有人話無飯食，問拿錢。
港燦日常

可能診所醫生係擔心婆婆有肺炎呢啲大問題，所以轉介去急症室有得即刻照肺睇。照咗冇事咪當普通感冒醫。

相信醫生唔會隨便轉介嘅，診金一樣，但佢寫埋轉介信就係擔心有其他問題。

放心，應該有所謂醫療卷頂一下...🫠不過私家叫得佢入急症，應該係有機會入，入到亦可能有醫務社工跟住，唉，祝福佢哋

上次係屯門老人家話吾見老婆佢話要去覆診，又擔心佢唯有伴佢去到交比分科診所職員才放心走

應對此事需要小心。失智症的後期，肌肉力量會很弱,，呼吸也可能會有困難，到忽症室很可能有需要。

老人家免疫力弱，比400幾睇西醫，不如睇中醫食中藥增強免疫力。

而家好多西醫都變哂質！

除了成個醫委會醫醫相惠，另一角度喺香港咁貴租金嘅地方少，收少一個崩都唔掂。

老人家睇政府門診應該即日有位

更仆街嘅醫生我都遇過

咁仆街？一般450包診金加三日藥wor
老人家錢都呃😡