雖然因為成本問題冇得減價，但補充翻啲資料先。基本一人餐FoodPanda有Pro嘅話外送嘅話75蚊左右，Keeta自取就68蚊。有啲screencap係前日平臺未審核啲優惠造成冇免運嘅。基本一人餐有兩份多士同一支茶嘅，啱啱開張期間有機會附送一份奶油脆脆或者紅茶奶凍嘅。份量以下午茶嚟講係偏多嘅（通常下午茶餐都係一份多士一杯嘢飲），如果唔大食嘅話午餐都算夠飽。而豐盛一人餐因為大家反映價格過高已經取消咗啦。
真心講句見到樓下有人講話你個餐120幾蚊😂講真$70我都唔考慮啦，首先講你個地點喺柴灣角街 如果係送返荃新天地嘅話10幾分鐘，你自己諗吓你話要整咩焦糖多士 飛碟 喺外賣包裝入邊有水氣送到人哋手上已經淋晒啦 已經係非最佳食用㗎啦 亦都已經扣晒分，同埋你啲咁樣嘅Menu 不如我直接落去茶餐廳度買個下午茶西多士飲杯凍奶茶都只係40幾蚊 仲要起碼應該熱辣過你⋯既然你諗得要做外賣市場又話 你個重心唔會係麵包囉，即使你係要以麵包做重心 你起碼整啲真係飽肚啲㗎啦大佬呀 你話整啲越南發包多料有配菜 啲人話可能當lunch食都話，你依家個set係？？？
同埋你明唔明你整嘅嘢其實太過簡單啦！焦糖多士點樣整呀？ 有冇睇過人哋影片講話淨係一個牛油一包白糖加個火機，已經可以整到嗰個味道出嚟啦⋯布甸有幾難大家知啦，飛碟放個芝士火腿唔難啦，咁我做乜要俾$120你呀？⋯？
明明可以搶錢，但係佢都肯比你一份招牌芝士焦糖牛油多士,一份特色飛碟, 一份甜品,一份飲品
唔係踩你
靠你個menu想做平台賺錢冇咩可能
你仲要撞正有史以黎最靜既3月
得閒諗下點出多d野仲好
譚仔三哥下午茶肉桂焦糖多士$15 凍飲仲唔使加錢🤓如果想吸引人 真心建議改下個定價
睇左你個menu，其實價錢真係太過貴喎，外送一人餐得兩個包一杯布丁一支飲品就$128仲要比運費，冇幾多個會比咁貴去買同埋未必飽，你真係要諗諗你個價錢係咪要set到咁貴囉同埋市差，食飯都係簡平既
同行但唔同區唔怕教下你
工廈廚房其實係個毒藥黎
成日廣告話幾千就可以創業
搞到一堆阿豬阿狗係唔係都可以開鋪
呢個世界冇咁著數
你呢d小食類明顯做街鋪賣廿幾蚊都有街客買
我都知你平台招返佣金都係袋一樣價
但客人唔會咁諗 你俾平台抽4成 你頂多加2成落去
創業時真係要諗 唔係俾幾萬就可以開鋪賺錢咁簡單
你對自己有信心就應該搵間100尺2萬內地鋪做
俾幾萬頂間鋪就慳返10幾廿萬
工廈廚房想做得起
一係賣特色野 一係平價做折薄利多銷
所以先咁多預製菜工廈
唔係講笑
之前人地酒店128蚊餐蛋飯已經夠on9
你呢個比佢更on9
我真係食唔起
你個奶凍個樣，出面都係賣緊2x，你貴100蚊邊個會做傻仔去買，同埋鮮忌廉都唔係好貴，街買1L都係$4x，真係唔好當人傻仔。
錢係要賺，但要合理小小
只係小小意見🙏🏻多士飛碟呢啲好多時都係早餐下午茶食，even街邊舖淨賣呢啲都好難做得住，我諗都好少人會嗌外賣特登嗌呢啲，加上價錢真係唔吸引人哋嗌你嘅嘢
樓上舖可能真係要整下飯麵呢啲先可以有更多人外賣揀你
奶凍
牛奶 砂糖 淡奶油 魚膠粉...
烘焙舖 淡奶油1枝1L都係25蚊🙈整個6吋慕絲都係落200ml
你整奶凍落幾多😵你唔會超市買50蚊一盒得2百幾ml既淡奶油掛...
我見你之前啲 post 全部都係自我感覺良好咁
可能問題喺呢度…
可能你整呢啲多士真係好叻好刁鑽
可能出面啲餐廳真係唔夠你整得好味
但呢啲嘢你就想賣人 $128
無話唔得呀，Four Seasons 文華咁賣我覺得合理呀
但荃灣工廠小食店出品就…
個市場會話俾你聽你啱定俾緊意見嘅大家啱…
其實會唔會有人開舖係咁同啲客講成本有幾貴？ 啲客唔會想知囉其實 淨係會去衡量食物本身嘅價值同整出嚟嘅成品 實際上同付出嘅金錢有冇成正比
其實我幾欣賞你既勇敢創業 定價幾多冇問題 但你一直都講用靚材料 都要講下有幾靚 起碼都同客人分享下 例如100% 純種伊比利亞橡果火腿黎做五香肉丁 再加上飛碟方面 用上西班牙Pan Pina 面包店既酸面包 平均400克賣1400 歐羅 真係賣一個蝕一個 即刻感覺唔同晒 唔會再覺得$128一個餐唔值 問題你定價又進取 又表達唔到你用咩（靚材料 ）又搵唔岩市場 有一張單其實都好好
飛碟93蚊大佬
考慮下一田嗰啲擺個臨時檔口，tune 返去合理啲嘅價錢可能會多人幫襯啲
你呢口價係挑戰緊IFC / ICC個area 嘅貴夾唔飽coffee shop
價錢定位太高，我比128+運費點解唔嗌個主食呢
同你得139個followers，做咩又咁衝動開舖？
除非你職業係兒子，唔洗理賺唔賺錢。
如果唔係，呢啲飛碟奶凍包邊，我自己屋企都整到，甚至乎128可以整到好多份，點解要叫你？
師兄，e家做餐飲有10%毛利已經好好，你咁樣計數，做唔掂，當食客水魚咁，營業時間又短，食物價錢又貴，餐牌又小選擇，咁邊可能有單呀，有一張你都執到啦
你盤生意都好有問題，你好似完全唔了解個市場咁：
1. 食物同menu單一化，只有港式麵包多士、布丁同茶呢類又普通，食完又唔夠飽嘅野，零吸引，咁多食店之中，點會揀你？麵包呢d精緻澱粉，唔係特別健康，要健美嘅人唔揀你，想飽嘅人寧願食粉麵飯。
2. 只用外賣平台，而且定價離地！外賣食物本身送到去時，食物口感會下降。個價錢仲貴到離地，咁我不如食返茶餐廳叫常餐仲包埋件多士。
3. 完全冇做市場調查，你整嘅食物又唔係新鮮野，冇新意，又唔算好難先整到。就算你間店開街舖，會好少少，但拍烏蠅收場… 你想靠賣包，起碼要好似越南法包，咁多料又大個，比較有特色。
4. 唔好故步自封，要聽多d人意見。而家咁嘅市場環境，每個消費者花每一分錢都好精明。
講緊係荃灣賣百二蚊🙈🙈🙈🙈
邊個會用酒店價去叫個飛碟餐
百幾蚊輕食，仲要食唔飽，咁我寧願百幾蚊分3日食下午茶算。。。3-40蚊下午茶已經食到3-4樣唔同的小食，公司樓下自取🫣
一係就換番d 中高產出沒的地下鋪經營，佢地$80-$150食一餐都好閒。
但如果工廠區諗住主打外賣既，真係降番$40-60/餐再玩逐樣優惠加購好啦，成本將貨就價唔使咁靚料，唔係人人食得出用料差別(仲要外賣時間會影響品質，甜品都係過下口癮好難成食)，好食先會返轉頭，而家定位錯晒🫣
主要係你揀咗一樣非常唔適合外賣既野做外賣店。。。。邊有人外賣會想食俾水氣蒸到軟哂 又凍咗既多士😅😅
嚟threads都好既，等人地俾啲最真實既評論你。
其實香港既餐廳老細，你地太習慣從老細角度諗野 掉返轉你係顧客 做咩要俾呢個價食呢樣野？
啲留言話$128一個Keeta餐，咁不如實體幫襯慳返$40運費吖，正所謂「拼經濟，做實事」吖嘛😉（雖然老實講$88都有啲貴）
賣啲咁嘅嘢收$128 都仲有一張單
你應該多謝嗰位肯交智商稅俾你😂
$128大把香港人食得起亦好捨得俾錢
（望吓最近Lady M就知）
但大部份香港人都唔會交你呢種智商稅
坦白講，用你最平嗰個價錢$68比的話，我會選擇落樓下茶記食個公司三文治加杯嘢飲，有人服侍吓好過
簡單啲講，你嘅目標客戶並唔喺啲外賣平台道
唔想死，一係轉平台，一係調整品牌定位
你個價錢，真係賣幾隻飛碟就已經回埋買飛碟機個本😂俾你做得起真係第一冇天理，第二次想窮都難
橫掂都整多咗，你自己話自己啲嘢好食有乜用？你不如派俾脆友食，食完出返個包膠俾你
試下將食物呈現得豐富d包裝靚d 客人願意比貴d去買igable嘅野食 做出名左之後同時set一d會有回頭客嘅野食