📌 今日出糧，人工由$1
共 49 條紀錄
今日出糧，人工由$17000扣到得返$15442，扣勤工嘅原因係因為我遲到，我住大西北，返九龍東，有時走咗班車，或者塞車，我都控制唔到
賺得萬五蚊一個月，我出到去都唔敢同其他人講我係大學畢業，仲話係三大，真係笑大人個口 😓
想轉工，但唔知而家就業市場競爭有幾大，見好多人都失業，大機構又炒人，而家真係一啲信心都冇
你搵得呢份工，就已經預咗交通時間會有返咁上下
早啲出門口、搭早一班車、改搭地鐵你都控制唔到，我覺得萬五蚊都俾多你
$15000 去屋企樓下返circle k 好過啦 ～
我住大西北，8點要返到將軍澳，我除了預唔遲到仲要預塞車，每天5：10坐第一班車（因為之後會無位），每日7：30左右已到公司。10年無遲到過。
其實好多事同大唔大學無關係。
之前就係遇到一個好似你咁
成日遲到既人
月薪$25000
佢無做請下一個時
老細改做月薪$23000
每個月15分鐘之內既遲到少過4次
勤工獎$2000
外面經濟好差，大把人搵唔到工做。其中原因之一，就係大陸人透過不同渠道嚟港搶資源搶工做，尤其大陸外勞，大陸留港學生，專才高才....佢地還帶動租金上升，情況比03年沙士更惡劣。就算，今日搵份保安都大把人掙住做，你唔做就大陸外勞搶嚟做。祝您好運 ！！
我記得月薪全職因為遲到扣人工係犯法🤔
（編輯：sorry睇錯，寫明係勤工就無計…）
你哋fg覺得自己果間係三大啫，三大係一個產業concept尼，呢個concept本身就係set出嚟賺內地人錢，然後班fg出到嚟又自我膨脹，以為三大graduate又真係含金量好高，互相ff互相吹奏，
含金量高低由頭到尾由供應同埋市場需求決定，學位對比依家嘅產業模式，依家嘅學位職位數量本身就係供應過多
下面成堆社畜comment話咩「唔識早啲起身」真係多餘 你早啲架車又早啲點時咁你點？ 搭車日日嘅人數都唔同 你點知今日上幾班車先上到 今日又多唔多車 架車又準唔準時？ 咁你係咪要為左咁早一粒/兩粒鐘出門口 廢up早啲返果啲同叫你係公司瞓係無分別
其實你應該同你boss講你嘅情況 睇下可唔可以好似其他公司咁每個月比say 幾個鐘allowance比你 你遲左返咪遲返走 如果你公司要做嘅野係一定要朝早say 9點到夜晚6點做嘅 咁無辦法 你嘅情況根本唔適合做呢份工 因為你可以返工output嘅時間少左 你老細如果care你都只可以唔做 咁唔做都只係人唔夾工 工唔夾人 打份工岩做咪做唔岩做咪唔做 2026啦仲要講到要扑心扑命為左份工獻出一切咁 老細同員工係你體諒佢佢體諒你先合作到架啦 唔洗遲下到就做到人地人品有問題掛
當然最終你都係要同老細講左件事相量下先 你一直咩都唔講又日日遲嘅話咁就你錯 扣人工都要認架啦
我2007 年三大畢業，第一份工11.1 k, 計番通脹應該差唔多等於今日既17k. 冇耐就金融海嘯，被裁員，工都冇埋。
19年後既今日，算係一個中產，係一間公司做部門主管。我地控制唔到大環境，只能做好自己，life is like a box of chocolate. hope for the best, prepare for the worst
真係塞車無計
點解會存在「走咗班車」？
作為新界牛你預到last minute先到車站？
我以前請左兩個住屯門嘅人返尼做野，我不嬲都唔要求同事一定要準時搭正返公司，最緊要有交帶，如果遲咗返嚟，同我講聲，如果唔係我會擔心同事有意外。其中一個，自己揸車，成日因為屯門公路有意外而遲到，我都算，但佢試過幾次遲到而甩咗單job，我要即刻搵過另外一個後備嘅同事補上佢個位，搞着我自己；另一條女，成日都唔出聲，好似老馮可以遲到咁。
講真，唔好再出呢啲post，令我哋呢啲做中層嘅廢中，更加歧視住大西北嘅人，咁樣搞法，我下次真係會睇清楚份CV，到底條友住邊，我先決定請唔請
今天的三大生，50 年前紅磡理工學院都入唔到， 李惠利工學院就可能得。 人貴自知， 有份工好好， 盡量早半個鐘頭起身， 寫少啲 threads
三大畢業，但讀咩科先😂
如果讀廢科就唔係拎嚟自high啦⋯
BTW，份工平時要唔要OT?
如果成日要OT，返工難準時就人之常情👍
comment section勁撚多奴隸
打份工好似要俾撚埋條命你咁
樓主又唔係遲成半粒鐘一粒鐘
講緊10分8分鐘 仲要放工有補返俾佢
打份萬七蚊嘅工要為咗有時塞車塞耐咗每日提早成粒鐘出門？？洗唔洗紮埋營喺公司瞓？
樓主嘅工種好明顯就唔係啲有硬性時間規定嗰啲 一班人係度話咩紀律紀律 九唔搭八
我so far返過嘅每一份工都唔會care你遲嗰少少 最多都係提早講聲/放工補返就得
如果白紙黑紙寫到明會扣糧/無勤工咁當然無得講 但唔代表呢件事係合理
唔明點解咁多人可以proud of自己奴性重🥱
你真係唔好同人講自己係三大，作為精英，連準時返工都做唔到。真係笑大人個口
小事做唔成，仲點做大事？
我試過住東九龍，大西北返工，仲要大住肚返。為免遲到，係6點起身，7點前上到車，8點入到大西北，慢慢食完早餐先行返去。
我只係垃圾大專
遲到扣人工係犯法嘅。上勞工處搞搞佢。
得萬七蚊月薪嘅工無須珍惜。
17000確實低，我而家5天工作27000扣埋老強都有25650多你小小
你明知可能有塞車或者交通意外點解你唔早啲出門口呢？ 而家啲小朋友思想咁奇怪嘅。
三大入面都好多廢科 始終返工搵食最終睇返你自己能力 even
好多無U 都搵到多過你 成日掛住自己三大光環冇撚用架
Btw 叫得自己三大 多數係中大人 😂
西工先要勤工既姐...三大起碼都要3皮先好返，唔好做壞個市😦
睇到呢度啲留言
好想問到底係生存定生活？
五點幾起身坐巴士返工
所以政府真係唔好話點解香港人唔生仔
唔生仔係善良，唔好俾個仔喺呢個循環裏面繼續
仲要講出嚟5:00起身返工唔遲到係好 proud of it
現在好難搵工
找政府工作
我以前返工由九龍東去機場,早上3時要起床,仲要罰企巴士由上車到下車,初期有shuttle bus from Mongkok to airport, afterwards no more shuttle bus, 慘過你
其實你做耐啲會發現 成日諗住準時嘅人 一定成日會遲到
因為佢哋計到盡 一個意外就遲硬
而正常一個人 一日嘅意外 係真係好多
做得耐 一定有三個習慣
1. 早一日執定書包
當下可以慢慢諗定 計劃定帶咩
睇吓啲衫褲 聽日着得未
出門前 再check一次
無任何物件上嘅意外
2. 早計到盡嘅時間 半個鐘至一個鐘起身
呢啲時間係用嚟 應付肚痛 ＆ 肚餓 兩個問題
a. 一起身肚痛 未屙番20分鐘 先出門 得返10分鐘就買個輕便早餐 搭早一班返公司食算
b. 一起身冇病冇痛 就出門口食個早餐
 早10-15分鐘就早啲去等車 搭早一班
c. 出到門口先肚痛 嗱嗱臨買個包 然後返公司慢慢屙 抑或 喺出邊屙完先返公司
三個點計你都係要早
3. 車程
通常我就唔答抆水嗰班嘅巴士
時間夠 我搭早一班嘅巴士
時間唔夠 我就直接落地鐵 剔除啲意外
上面是旦一個意外
我話知你10分鐘行返工
你計到盡10分鐘 又係一個意外 你就遲你多十幾20分鐘
見唔少啦
準時返工係好合理 你簽約個下同意左呢個條件 遵守唔到係你錯 你住邊呢啲算咩理由 反而留言有一堆人覺得遲到無問題係乜撚野心態 竟然淪落到要解釋點解要守時？
但一間公司遲到要扣錢嘅 一定閪撚到癲 我係你就極速搵工
無論你咩大學畢業？
你住喺邊？
你人工幾多？
返工準時~這個是應該的。
睇返你其他文章，你所有嘅文筆全部都係負面，你根本本身已經自卑，關地點咩事？關人工咩事？
平時係Threads通常見到既三大畢業好多都話自己每月搵十萬八萬，又話人生已無咩目標，又話自己唔係吹水，身邊個個三大畢業都係差唔多。
反而少見搵得萬7
萬七蚊嘅工唔適合你做，六萬起啦 六萬蚊以上嘅工呢就適合，因為啲上司呢通常都係一定遲到。
以前啱啱畢業嘅時候萬八，公司每個月有500mins 可以遲，500以內系統唔會有警告俾HR睇，而上司亦都冇投訴就可以，嗰陣時個鬼佬上司永遠一定遲過我，係返到公司起碼一個鐘頭後先見到佢。
究竟樓主一個月係遲咗幾多mins先至會扣人工呢？
你愈沒信心，你就愈難搵到新工。
你要嘗試樂觀啲去想，可能係上帝想比個機會你休息呢？
好多政府職位請人，你又三大出來，公開試成功一定比我好，嘗試吓啦！
25歲路過，u grad後做文書做3年，月入得21K，舊年前開咗份AI片副業，平均袋25K，宜家努力衝每月50K（麻煩睇咗留言之後，睇晒我Page啲資訊先好DM搵我學，成日見到勁多白撞lur我教佢哋點樣玩😖）
其實講真嘅⋯⋯準時同守時係應該嘅⋯⋯
香港好似從來未試過咁難揾工，學歷貶值，租金高企，如果經濟再繼續差落去，想像唔到大家點生存😔
不如試吓考政府工
申請到面試考試等好耐
返住工邊等
BTW, time management 你都可以慢慢調節下
例：8:00出門口都遲就慢慢較早啲出門口，唔好last minutes 出門
*天水圍資深牛路過
住得遠唔係遲到既理由
（試過份工由天水圍返將軍澳工業邨，返8放6，返足1年）
三大畢業連準時都做唔到 搵15K抵你死 全香港大把人住大西北出市區返工 人地又做到 咁你點解做唔到呀 三大畢業生😂