📌 今日出糧，人工由$1
共 41 條紀錄
今日出糧，人工由$17000扣到得返$15442，扣勤工嘅原因係因為我遲到，我住大西北，返九龍東，有時走咗班車，或者塞車，我都控制唔到
賺得萬五蚊一個月，我出到去都唔敢同其他人講我係大學畢業，仲話係三大，真係笑大人個口 😓
想轉工，但唔知而家就業市場競爭有幾大，見好多人都失業，大機構又炒人，而家真係一啲信心都冇
點解不可以早些出門口？
三大就好撚威，時間觀念那麼差，其他工都一樣不適合閣下！
你搵得呢份工，就已經預咗交通時間會有返咁上下
早啲出門口、搭早一班車、改搭地鐵你都控制唔到，我覺得萬五蚊都俾多你
$15000 去屋企樓下返circle k 好過啦 ～
我住大西北，8點要返到將軍澳，我除了預唔遲到仲要預塞車，每天5：10坐第一班車（因為之後會無位），每日7：30左右已到公司。10年無遲到過。
其實好多事同大唔大學無關係。
我住大西北，以前都返觀塘，咁有時真係會塞車嘅，除咗早D 出門都冇計
之前就係遇到一個好似你咁
成日遲到既人
月薪$25000
佢無做請下一個時
老細改做月薪$23000
每個月15分鐘之內既遲到少過4次
勤工獎$2000
你可以照直同老細講，你業績top2 都係出萬五太少，叫佢加，唔加就走，重要比你彈性上班，到時就唔係遲到，係攞正牌既。可能你老細一開頭會叫你走，但係你同事個個都鍾意你，你又有業績，最後佢都係要屈服加價請你返去。
而家市道唔好 有份工做已經好好 唔好嫌三嫌四喇 俾心機加油喔
其實你做耐啲會發現 成日諗住準時嘅人 一定成日會遲到
因為佢哋計到盡 一個意外就遲硬
而正常一個人 一日嘅意外 係真係好多
做得耐 一定有三個習慣
1. 早一日執定書包
當下可以慢慢諗定 計劃定帶咩
睇吓啲衫褲 聽日着得未
出門前 再check一次
無任何物件上嘅意外
2. 早計到盡嘅時間 半個鐘至一個鐘起身
呢啲時間係用嚟 應付肚痛 ＆ 肚餓 兩個問題
a. 一起身肚痛 未屙番20分鐘 先出門 得返10分鐘就買個輕便早餐 搭早一班返公司食算
b. 一起身冇病冇痛 就出門口食個早餐
 早10-15分鐘就早啲去等車 搭早一班
c. 出到門口先肚痛 嗱嗱臨買個包 然後返公司慢慢屙 抑或 喺出邊屙完先返公司
三個點計你都係要早
3. 車程
通常我就唔答抆水嗰班嘅巴士
時間夠 我搭早一班嘅巴士
時間唔夠 我就直接落地鐵 剔除啲意外
上面是旦一個意外
我話知你10分鐘行返工
你計到盡10分鐘 又係一個意外 你就遲你多十幾20分鐘
見唔少啦
平時係Threads通常見到既三大畢業好多都話自己每月搵十萬八萬，又話人生已無咩目標，又話自己唔係吹水，身邊個個三大畢業都係差唔多。
反而少見搵得萬7
下面成堆社畜comment話咩「唔識早啲起身」真係多餘 你早啲架車又早啲點時咁你點？ 搭車日日嘅人數都唔同 你點知今日上幾班車先上到 今日又多唔多車 架車又準唔準時？ 咁你係咪要為左咁早一粒/兩粒鐘出門口 廢up早啲返果啲同叫你係公司瞓係無分別
其實你應該同你boss講你嘅情況 睇下可唔可以好似其他公司咁每個月比say 幾個鐘allowance比你 你遲左返咪遲返走 如果你公司要做嘅野係一定要朝早say 9點到夜晚6點做嘅 咁無辦法 你嘅情況根本唔適合做呢份工 因為你可以返工output嘅時間少左 你老細如果care你都只可以唔做 咁唔做都只係人唔夾工 工唔夾人 打份工岩做咪做唔岩做咪唔做 2026啦仲要講到要扑心扑命為左份工獻出一切咁 老細同員工係你體諒佢佢體諒你先合作到架啦 唔洗遲下到就做到人地人品有問題掛
當然最終你都係要同老細講左件事相量下先 你一直咩都唔講又日日遲嘅話咁就你錯 扣人工都要認架啦
外面經濟好差，大把人搵唔到工做。其中原因之一，就係大陸人透過不同渠道嚟港搶資源搶工做，尤其大陸外勞，大陸留港學生，專才高才....佢地還帶動租金上升，情況比03年沙士更惡劣。就算，今日搵份保安都大把人掙住做，你唔做就大陸外勞搶嚟做。祝您好運 ！！
我2007 年三大畢業，第一份工11.1 k, 計番通脹應該差唔多等於今日既17k. 冇耐就金融海嘯，被裁員，工都冇埋。
19年後既今日，算係一個中產，係一間公司做部門主管。我地控制唔到大環境，只能做好自己，life is like a box of chocolate. hope for the best, prepare for the worst
我記得月薪全職因為遲到扣人工係犯法🤔
（編輯：sorry睇錯，寫明係勤工就無計…）
萬七蚊嘅工唔適合你做，六萬起啦 六萬蚊以上嘅工呢就適合，因為啲上司呢通常都係一定遲到。
以前啱啱畢業嘅時候萬八，公司每個月有500mins 可以遲，500以內系統唔會有警告俾HR睇，而上司亦都冇投訴就可以，嗰陣時個鬼佬上司永遠一定遲過我，係返到公司起碼一個鐘頭後先見到佢。
究竟樓主一個月係遲咗幾多mins先至會扣人工呢？
我都住大西北，第一份工返中環，8:45後當遲到，我每朝6:30出門口，坐7:05班船，8:15左右返到公司
17000確實低，我而家5天工作27000扣埋老強都有25650多你小小
你哋fg覺得自己果間係三大啫，三大係一個產業concept尼，呢個concept本身就係set出嚟賺內地人錢，然後班fg出到嚟又自我膨脹，以為三大graduate又真係含金量好高，互相ff互相吹奏，
含金量高低由頭到尾由供應同埋市場需求決定，學位對比依家嘅產業模式，依家嘅學位職位數量本身就係供應過多
我以前請左兩個住屯門嘅人返尼做野，我不嬲都唔要求同事一定要準時搭正返公司，最緊要有交帶，如果遲咗返嚟，同我講聲，如果唔係我會擔心同事有意外。其中一個，自己揸車，成日因為屯門公路有意外而遲到，我都算，但佢試過幾次遲到而甩咗單job，我要即刻搵過另外一個後備嘅同事補上佢個位，搞着我自己；另一條女，成日都唔出聲，好似老馮可以遲到咁。
講真，唔好再出呢啲post，令我哋呢啲做中層嘅廢中，更加歧視住大西北嘅人，咁樣搞法，我下次真係會睇清楚份CV，到底條友住邊，我先決定請唔請
你愈沒信心，你就愈難搵到新工。
你要嘗試樂觀啲去想，可能係上帝想比個機會你休息呢？
好多政府職位請人，你又三大出來，公開試成功一定比我好，嘗試吓啦！
其實我以前都係住上水，返工都係好遠，所以我寧願搭地鐵都唔搭巴士，因為巴士控制唔到嘅因素太多。
我妹妹都係大學畢業，初初出嚟返工都覺得人工好低，不停轉工，最後都決定喺一間公司度慢慢由低做起，幾年後又做出成績，幾萬蚊一個月。
其實每一個行業，不論出生，都會經歷呢個情況。其實大學生真係唔會特別高人工，但係你嘅機會已經比好多人多咗，晉升嘅空間亦都更大。
冇人可以一步登天，但係慢慢總會有收穫～💪🏼💪🏼
我第一份工11K，但我20分鐘返到工，同事老細又好，係之後真係覺得養唔掂自己所以轉工
轉工啦
希望你搵到份正常d嘅工
我唔係話合理化遲到
不過如果一間公司無捉到太緊d遲少少、早少少走，多數員工做嘢都會開心啲上心啲