📌 今日去左去取死亡證又
共 46 條紀錄
今日去左去取死亡證又問左幾間agent，因為媽媽係基督徒會想係教堂舉行儀式，但原來費用都唔平，agent話大概都要預7-8萬
教會本身唔會收錢。
在教堂 (即可辦喪禮的教會場地) 辦安息禮，最多只是租場費用。其他人事物都係唔收錢。
如果租殯儀館禮堂，教會也不會收錢。
教會不會推薦殯儀 agency，但教會一般也有夾慣夾熟的 agency，一般都唔會收得好貴。
Agency 話要 7 or 8 萬，要請佢列出 item breakdown。
or，直接聯絡醫院院牧幫忙，應該更加好。
可以由醫院直出，唔經大酒店，有些醫院有小禮拜堂，可以租用，沒有小禮堂嘅，可以在斂房進行小型儀式，然後直出火葬場，沒有教會的，可以找院牧幫手
九龍殯儀館有基督教專用樓層，你可以考慮。
我兒子離世時，由「一切從簡」安排所有細節。
因我自己教會有教堂，所以安排在自己教會的教堂中出殯。🫂
可以直接聯絡九龍殯儀館，有專人處理，價格可以便宜。
另外，將軍澳靈實醫院，有一個基督教禮堂，可以借用，你可以上網先瞭解。
因為硬件設施要求
，可以舉行葬禮的教堂好少。租金會比殯儀館貴。
但唔會咁貴，搵你媽間教會幫你，基督教華聯會薄扶林墳場有禮拜堂。前提係你媽咪有接受洗禮，如果係會員堂會平尐
信教嘅葬禮費用應該比佛教道教平好多，建議你搵多幾間agent夾吓價
其實可聯絡你媽媽生前受洗或經常聚會教會牧者去協助，因為教會都有常用開agent提供畀你
我上次姑媽係薄扶林道間教堂舉行儀式；連埋所有費用都唔使八萬；你可以問吓教堂牧師安排仲好；因為好多禮節去安排
俾你參考吓，價錢視乎你揀嘅棺木，殯儀館禮堂大小等等……
唔知先人有無領取綜援？如果有嘅話，可以聯絡完美句號，會用返殯葬資助咁上下的金額安排簡單教堂儀式
去媽媽嗰間教會說會有人幫你，只要不是要求很多價錢平一半。
可以問下施洗聖約翰堂，我間返間教堂可以舉辦喪禮，喺基督徒都可以
https://dek.hkskh.org/stjohnbaptist/aboutus.aspx?id=390&lang=2
要睇下你想用邊個級數嘅禮堂同棺木，普普通通的其實三、四萬都處理到了。
如果你唔係有好特別要求，唔係要咩風光大葬之類，一般喪禮都係3萬到4萬左右，再平啲都仲有，基督教安息禮會平的，因為亡者的教會牧師、幹事同工、詩班（睇有無需要）會分擔一些角色而不會收費，但佛教道教就常要請僧人、師傅做儀式，佢哋會向殯儀公司收錢，殯儀公司就會計埋入你張單度。
如果你媽媽已經洗咗禮，記得先Keep好佢張洗禮證，由借教堂舉行安息禮，到申請基督教墳場的土葬或灰位都要靠佢。你可以聯絡媽媽所屬禮拜堂的牧師，如果媽媽的禮拜堂本身已可以舉行安息禮就最簡單，book到火葬爐期再夾安息禮日期已經完成咗七八成，其他事牧師同殯儀公司會安排，佢哋有需要就會聯絡你同你商量。自己禮拜堂做安息禮通常列明收幾多錢，按你家人能力做奉獻就可以。
如果要借堂，都係先搵媽媽間禮拜堂的牧師，佢要幫你出信借堂，如果你心目中有想舉行安息禮的教堂，可以問吓牧師意見。借堂好大機會要畀錢，有啲明碼實價，有啲都係當奉獻，間間唔同。
純在教堂舉行安息禮，通常都無守夜，因為棺木唔會在教堂放過夜，所以如果想舉行守夜祈禱會，就要book殯儀館，在殯儀館舉行，第二朝殯儀公司會將棺木送到教堂。
幾年前幫阿媽經殯儀公司攪，喺九龍大酒店地下最大個hall, $48000包哂棺木，所有手續，旅遊巴，花牌...
我之前有D客戶係去善靈之家，環境都幾好，你可以上網睇下賽馬會善靈之家，如果岩既，甘樣應該都差唔多平一半
7-8 萬？唔係啩！呃到咁
上年8月媽媽教堂出
教堂介紹agent大概3萬
未計教堂奉獻（當場租）
你有需要pm我比agent聯絡你
過來人同你講， 千祈5好搵鑽石山， 乜叉都要DIY, 院出無book醫院hall做些少儀式， 除咗平真係無樣好。
係真的唔平, 火葬都要有棺材, 和其他雜費. 是差不多.
1）唔係好多教堂可以讓遺體入
2）除場地外都有不少開支
之前屋企人過身book咗九龍循道衛理
淨係收咗租場費$10,000
My deepest condolences to you and your family 🫂
爺爺啱一月喺天主教教堂舉行完儀式，建議你直接去你想做儀式嘅教堂度問，通常佢哋有弟兄姊妹做殯儀相關
你話佢哋私相授受都好，但真係咩都唔洗煩，佢哋兩邊會自己溝通好，當日流程雙方都好順暢，所有要準備嘅嘢，個姊妹都幫我哋準備好仲要放埋喺教堂，唔使自己兩邊走，亦都唔會再突然有咩突發嘅收費
我親友最後喺呢度做追思，可以問吓
https://www.michk.com/funerals
有幾個公眾殮房做埋可能便好多"如果唔跟中式及一切從簡"只有個禮堂做埋儀式💪💪💪同埋省時好多
我阿爸當年走 (12年前), 搵agent 係香港大酒店搞都係5萬以下 (天主教徒), 依家church 都要7-8萬有d唔合理喎.
揾毋忘愛試下？我朋友係善寧之家辦後事，現場都很溫馨
去過基督教喪禮係早上進行，中午去火葬場，應該會平好多。
應該唔洗咁貴，上年媽咪走，之後5萬搞掂曬身後事，但可能要移去教會，同埋可能貴係骨灰位。
若果基督教儀式只是4萬元以內就搞妥。因家人也辦理過