📌 今日喺七仔俾錢後面
共 57 條紀錄
今日喺七仔俾錢
後面有一個爸爸一個媽媽帶住個兩個小朋友，大約5、6歲左右
買玻璃樽朱奶，俾兩個小朋友拎
過左唔夠一分鐘其中一個小朋友就跌爛左樽牛奶
個老豆車左個小朋友一把，轉台用英文問個小朋友
What's your problem？然後佢就幫個小朋友答，You did not pay attention. You are dreaming.
然後再鬧埋另一個小朋友，再鬧埋啲售貨員，有無人收錢呀，要等幾耐呀？
嗯
大人俾小朋友學拎野係好，但自己無預測到個小朋友會跌，又無提醒。打跌左，自己尷尬，遷怒小朋友。玻璃成地都係，無叫小朋友小心，無向幫手清潔既店員道歉講唔該。
估唔到2026年仲有人掌摑自己嘅小朋友
其實應該報警話佢虐兒
我以前細個 老母話要飲涼茶，當時個玻璃杯嘅模樣我仍記得清楚，我接住，呢個杯係無杯柄，我亦無預到熱得咁犀利（一定超過60度），我打爛左隻杯，呢個pk老母唔關心我有無整親，仲即刻起勢鬧，鬧我浪費涼茶，搞到通地玻璃，即刻用滕條追住我雙腳打，我避唔到幾多，邊隻腳落地就打邊隻，十隻腳指打到腳骨摸落都係痛既，瘀青左，呢種痛，我到而家都記得。 到佢死左，我初時都仲會有想盡孝拜下，但大左愈加明白佢係導致我童年創傷影響至今的兇手之一，自此往後無再拜過 我希望往後生生世世都同呢個人再無任何關係
其實做家長唔會唔知個仔論盡
可以叫佢幫手拎啲跌咗都無事嘅嘢
又躁狂又唔了解小朋友
自己親手俾打擊佢 仲要掌摑
痴撚線
又係啲假鬼佬，用英文教仔俾人睇！ 用英文駡好似高級些，但實際是外國人唔會怪5、6歲做錯，反而教他們小心。大把紙盒裝朱奶牌子，偏要俾支玻璃佢攞😔
牛奶個身有水㗎嘛 小朋友拎咪好熱線手跌爛囉 呢個阿爸真係痴線嘅 打爛你買過囉使乜搞啫使唔使打 嚇死個靚仔
就係因為咁多呢啲父母，衍生咁多青少年自殺／反叛問題，唉！社會幫幾多都冇用，最主要係要幫呢班父母管教技巧😅😅😅。戥呢位小朋友慘😔
What's your problem? Your problem is being their fXxking father !
就算大人响屋企打爛野，都第一時間問有冇整親。唔跌都跌左唔爛都爛左。嗰個男人只係借機發洩自己情緒。
喺我得大約10歲，有一次我阿媽，姨媽，我同埋我嗰個仲要手抱嘅妹一齊出街。
當時去行商場，我阿媽叫我照顧阿妹，佢就同姨媽（即係佢家姐）2個人周圍睇野，咁我抱住阿妹，行到去一個賣耳環嘅小店鋪，阿妹興奮得滯，一手拍冧咗小店鋪放喺玻璃飾櫃上面嗰個耳環display膠架，全部耳環跌晒落地下，膠架都爛埋。
阿媽離遠見到，即刻走埋嚟，店舖職員即刻叫經理嚟，然後經理叫我哋一齊去一個房仔入面，我好驚，攬實阿妹，店舖職員同經理堅持佢當時已經warning咗我叫我地唔好行咁近，但係，我根本就冇聽到個職員有對我哋講呢一句說話，當時佢只係企咗喺度，但係阿媽就幫住個職員，就算我喊住咁樣講話我冇聽到佢有講過啊，佢冇講過啊，我阿媽都唔信我，佢選擇信個職員，然後同個職員道歉，返到屋企都仲要繼續因為呢件事而鬧我。

冇！因為唔止一件半件事。
直到今時今日（我今年44歲），不論任何事情，佢都仍然係覺得有問題嘅係我，其他人，包括佢自己，都係冇問題嘅。
可幸嘅係，我有一個明白我嘅老公，每當我諗起呢啲過去，我有情緒起伏，佢都有超能力令我平復。

其實玻璃樽就唔應該比小朋友拎啦，玻璃樽已經係有一定重量，佢哋隻手仔未必hold得住，分配工作俾小朋友嘅時候啲大人就應該好好思考啦。跌咗玻璃樽仲要俾佢車一巴真係好無辜，小朋友心入面嘅陰影面積應該不😩😭少
養不教父之過，做壞嘅榜樣，冇比好身教，生仔要攞牌🙃
Human : what a sucky breed
Please bring end of world
So I don’t need to deal or listen to this shi 😪
就係因為個老竇咁樣，所以個小朋友咪Dreaming囉.
To conclude the father is the problem, the poor kid just couldnt concentrate n focus because of his father not because the kid was born that way
呢個老竇要自己學識吓點樣處理突發嘢😤😡😡😡
只係鬧人😡😡😡
嗰一刻好難學既，呢個post既目的就係俾睇到既下次可以學左點處理先
個細路嘅假期咁就毁於一旦
當中大聲打鬧一定有陰影…
之後好抗拒成家出街
有嘢唔再同屋企講
唔好問我點解知…
只係唔明呢個時期仲有人咁對自己細路
幾廿年都唔進步吓
估計這個男人喺屋企都幾惡，老婆都怕咗佢。否則，媽咪應該會出手阻止佢打仔。
小朋友呢啲年紀D小肌肉發展未好成熟，手抓協調未算好，所以好容易跌咗D物品落地！通常我教小朋友一隻手托底，另一隻手扶住！如果唔小心跌爛，第一時間問有受傷，然後問佢可以點做！係屋企就係安全情況下一齊清潔，係街就要同負責人講，例如商場清潔姐姐，以防其他人踐到受傷！成個過程都係學習！
話說今日係元氣消費滿$180就有金幣可以扭蛋一次，我前面有個媽媽帶住對仔女比完錢，攞咗一個金幣扭緊，後未唔知係咪個女拎住粒扭蛋唔肯比呀媽開，之後呀媽打咗個女手背一下，因為都幾大聲，所以我望咗過去，見呀媽，話埋個仔，之後拉咗佢地走
你車返佢一嘢，再同佢講what's your problem? You did not pay attention, you are dreaming.
呢啲就自己on9，叫小朋友拎，點會買玻璃樽版.......
Day dreaming 果個係佢自己。
自己小朋友能力去到邊自己唔知？
我細個跌爛雞蛋 媽咪都唔會打我既
但輪盡呢個詞語直到宜家39歲都係跟住我🥴
應該嗰個老豆細個嗰陣，好可能又係俾佢父母咁樣對待。所以當有同佢少時經歴過的差不多嘅情節發生，佢潛在嘅情緒就會牽引番佢上一代對佢嘅處理方法而去施加落下一代。
呢種人考生仔牌直程要DQ佢laaaaa
個小朋友好可憐🥲
諗起個情境都覺得恐怖，個小朋友好慘，有對咁嘅父母😢🥺
爸爸問題。 唔應該比小童拐玻璃物品！ 打爛左亦不應該打小童，應幫手掃開玻璃，免影響其他人及呼喝收銀員。 老豆無品！ 怎教小孩。