今日喺街見到一個親子對話：
有個媽媽拖住個女
女女踩到路中間一個飄緊嘅膠袋，撠咗一腳
媽：咁論盡呀？
女（目測初小）：你唔話擺個膠袋嘅人路中間嘅人無公德心、論盡，你話我論盡？你有冇搞錯呀
媽：咁你唔小心睇路呀嘛
女：我覺得你唔應該話我囉
10 後整頓世界😂🙏🏻
我個女18年😂
有一日我返工佢打電話俾我問我可唔可以打電話俾佢嘅同學媽咪，安排一下假期去玩嘅事。
我話好啊，我會打俾佢，佢問我幾時打幾時搵？俾個時間佢，唔好等佢囉囉攣。😂😂😂
唔覺得係整頓 反而覺得佢好叻咁細個就識得捍衛自己🥹🥹
我會希望佢明白，唔係想怪佢做錯，只係外在環境改變唔到，自己要學識去保護自己。你點令到嗰個人受懲罰，都改變唔到自己受傷呢個事實。
我無話個妹完全啱晒，我只係覺得個妹自己爭啲跌親，阿媽無即時關心不特只，劈頭第一句係指責，個妹反射動作 counterattack 講一堆嘢保護自尊都唔出奇。我仲要見住個妹真係有睇路，而個阿媽講嗰啲嘢全程係燥底拉住個細路一路快行一路講。雙方其實都係情緒宣洩
我唔覺得呢個對話教到個女保護自己
10年前
我：我覺得你唔應該話我囉
老媽子：駁嘴啊 啪！
如果俾咗我係阿媽，
我一定會提醒返個女，
人哋冇公德心同你論盡係兩件事，
周圍掉膠袋，呢個行為佢冇公德心，
我會批評呢個行為唔啱。
我係提醒返你要負返自己嘅責任，
自己行路嘅時候小心啲，
留意路面情況。
唔係將責任推晒俾人。
呢個阿媽講嘢技巧有啲差。
今次阿媽完全俾佢K.O😑
btw 睇嚟喺樓下嘅回應先至知道對話前發生咗嘅事，
下次寫呢啲對話嘅時候，樓主或者可以講返個情景先。
等大家嘅comment可以中肯啲🙏
到時又嫌你長氣lu～
Kick一kick都長篇大論🤣🤣
長氣都係咁話，
因為唔想仔女做個事事諉過於人嘅人🤣
掉膠袋嘅仁兄係唔好⋯⋯不過都證明唔到你唔論盡啊！！
我會講話人地犯錯係人地問題。
但你有無睇路係你既問題。
唔通地下有屎你都踩落去，
係怪隻野狗唔岩亂痾屎？
呢個世界好多人都會做錯，
亦都會有人傷害你，
但你要識保護自己。
呢個係 媽媽唯一教到你既野。
抱怨唔會令件事更好，
諗下有咩方法唔好再犯，
因為媽媽唔係每下都拖到你。
道理係岩 但老一輩唔明
老一輩唔會講道理
因為道理唔係佢地個邊
仲話你地無禮貌 駁咀
道理係啱
老一輩都知
但唔係下下都work好不好？
老一輩唔少讀書少但做生意有收成期
做生意都知做老實生意最好
但比d唔老實嘅人搶生意
Practically唔反擊都要cut loss啦下話
🤷🏻♀️
呢個港媽咪喺practical角度敎女啫
果然自然界有自己既定律😂天生就進楷咗💪否則很難應付日益荒謬既世界
兩個都係事實，都可以做。怪責人哋冇公德心嘅同時，都可以話囡囡輪盡，提佢下次小心啲。
Thread helped the world, I am telling you all guys bro