今日媽咪去福佬村道一間百x茶餐廳食午飯，咁今日落大雨，我媽帶咗把長透明遮出門，餐廳啲人指定要放係門口個水桶入面，再話冇人偷妳。
點知食完飯後想攞返把遮走，就揾唔到我哋把遮，只有一把類似我哋嗰把白色透明小童遮，肯定俾人有心偷走😭激到媽咪死死下😭
把遮媽咪好鐘意，係姪仔移民之前同佢一齊揀🥲都唔知邊個衰人偷走咗，以後唔通連遮都要放個airtag🫠
把遮應該都唔易同人撞款(白色幼柄遮身淺藍色)，如果有人今日係九龍城嗰間茶餐廳唔小心拎錯咗，唔該你還返過去，餐廳會聯絡我地。
如果有心偷走而又咁啱見到post的你，祝你不得好死落雨有遮都淋到底褲濕哂恭喜恭喜🙂
一定唔會放低把遮喺出面d桶🥲
唔俾入最多唔食，俾人拎左無人負責
我都識得有個朋友有一次落大雨去食嘢，走嗰陣先發現俾人偷咗把遮嬲到PK
所以落雨嗰陣最好帶返個遮套
搵個遮套套住把遮就唔會擺喺出面
如果間嘢堅持嘅話，我就話係咪唔見咗你賠返俾我？
再唔係就去第二度食
以後都唔會放水桶啦🥲 最後餐廳比咗把男人縮骨遮我地用就算🤦🏻♀️
所以依家好少拎長遮，寧願拎縮骨遮，起碼入鋪頭、茶餐廳唔駛放水桶🪣比人拎左
我囝囝把遮擺餐廳入面都試過俾人偷！啲仆街見到把遮靚啲就偷，咁撚貪心，呢啲人點做人父母？？
我以前做銀行用把好少少嘅遮都刻意畀人偷咗,何況呢啲街邊餐廳人來人往.....
我一定用縮骨遮，仲攞埋膠袋放濕咗嘅遮，帶入室內。無謂冒險啦，出嚟如果落大雨，遮俾人偷咗，就太麻煩同嘥時間。
遮就係最易畀人偷嘅嘢，尤其舖頭門口嗰啲，好多人隨手拎。
我只會拎縮骨遮入雨傘袋。長遮要擺外邊嘅機率係九成九，而且未必一定鋪入面嘅人偷，行過嘅人都會偷，因為落大雨丫嘛
鬼故事⋯⋯唔係自己把遮唔好拎，因為可能嗰把遮淨係俾你睇到👻
我專登買左把裏面有吸水布嘅長遮套，點都唔會放响門口嘅桶，要放嘅舖頭一概唔入去。我只係掛响自己門口都會有人偷。尤其我買遮有時少少靚，又或成千蚊把，唔覺得有人會賠，而我又買唔番個款。
我有把大遮雖然係淘寶，算係同人周邊但成個龍骨全金屬重手又實淨。正常價冇節扣換算返做港紙都要三百幾蚊， 如果佢堅持我要放水桶之後又畀人攞走咗，我真係會問佢你會唔會賠返畀我，唔賠就調監控同我報警🫠🫠🫠
有冇叫伙記賠錢？佢哋話唔會有人偷即係要負責任啦，如果咁珍貴我會報警查閉路，懷疑有餐廳內鬼偷！
最後我地冇遮用，佢地就求其比左把縮骨遮我地用🙂 
中學試過自修室出返黎冇左把遮，自此之後唔會放低喺出面
唔好話餐廳啲陌生人，我係公司放底把遮係門口都可以畀公司嘅人拎走咗黎用🫠🫠
有啲賤人就係咁，無帶遮，隨手就拎人啲嘢黎用！😒
習慣拎縮骨, fing 到盡乾再放入袋, 先入去食野
我上次畀人偷咗把hello kitty雨傘激到嘔血.仲要第一次攞出街用就係茶記擺水桶.所以我而家如果要擺水桶嘅話情願係坐門口位先至會擺如果唔係好危險
我一定自備遮袋入住把遮拎埋入舖頭,唔比我拎入去未唔入去食