今日我下午4點收到個電話號碼36876878，佢講得出我個姓，身份證號碼，話自己係Alipay 職員，話我開alipay的時候開通左銀聯，而家銀聯要收月費。如果我唔想被收費，就要whatsapp去一個5字頭的電話號碼，話取消銀聯服務，佢會幫你取消。
佢仲同我講近來好多電騙，為咗證明係我係真嘅alipay職員。你會收到一個alipay嘅驗證碼。
我嗰一刻有小小信，但又有小小懷疑。5字頭電話，取消銀聯。
跟著上網睇，原來是騙案。
佢晚上6點打黎問我點解仲未去取消，跟著我答佢，我做緊野，唔我閒搞。佢話幫我remark。你睇下佢咁緊張，仲唔係心急。
大家小心。唔好比人呃左個alipay帳號。
我上網睇佢電話號碼是3687開頭。佢晚上打比我36876606，大家小心
我收過，我同佢講唔使取消，照扣啦，佢話二千幾蚊一個月喎，我話扣啦，你睇唔到我入面大把錢咩，唔使煩你照扣啦😂我連wechat同支付寶都冇，對到資料都唔一定有用支付寶
自從香港人強積金送佛山以後，一切資料全部賣嗮!明就黎明。
大公司靜雞雞收你錢搏大霧就會，親自通知你話唔想你俾多左錢，你信唔信？
謝謝分享，幫你report左去HKJunkcall.com
我今日都收到，來電號碼係 9629 7283, 聽完收線，估到應該電騙
總之3字頭電話，唔識嘅我一定唔接，但最弱智嘅一件事係，香港啲醫院🏥打俾你果時電話都係3字頭，會miss左call,真係好on9咖！
昨日打去醫院問野，佢話到明佢地電話頭4個字係咩，記住聽。😂
要多謝政府 電話卡實名制，多謝電訊公司 職員 賣資料。。。
可以報上去hong Kong Junk call咁大家都會知呢個係電騙號碼
我發現大部分詐騙電話都會up得出全名
而平時銀行/財仔都只會係叫你乜先生/乜小姐
所以只要有陌生電話打黎叫我全名，我一律話打錯😌
我是因為等緊中移動電話先會聽，我一聽以為是中國移動的客戶服務
其實都唔好聽呢啲電話 費時俾佢偷咗自己把聲 用嚟去財仔度借錢
收過alipay電話 2245字頭的
來電識辨app都有顯示
尋日收到同你一樣，當佢講到叫我打開電話一步一步教我做時，我已經一句DLLM跟手收線
你心水清👍🏼
其實我哋嘅個人資料一早比人賣咗去詐騙集團
所以有懷疑就即刻上網check有冇同類case就最安全！
點解你開唔開通，一個大邪惡集團會關心你 ? 等如Youtube 一樣，點會理你，尤其喺歹劣嘢，一聽就知假。
佢有send驗證碼比我，但我信佢登入我Ac,按忘記密碼
對上嗰次佢係話有個乜嘢全方位保障計劃開戶口嘅時候溝通咗又係要我打電話去個WhatsApp度取消乜乜乜，佢講到自己好有公信力咁樣，嘥晒我啲時間走去求證，我當時拖住佢先，我話遲啲先搞，結果幾個鐘頭後佢打嚟問我做乜仲未取消乜乜乜，然後我搵返正牌嗰間支付寶講低，佢哋都係闊佬懶理。
總之全部都唔好信。
佢呢個手段同「hktvmall取消家居保險」嘅手段相似
先好急打俾你，話你download app時開通左蘇黎世家居保險，仲話唔cut 就會自動續保，要由1000蚊一個月，但係因為取消嘅人太多，要你在所謂嘅蘇黎世whatsapp打一句「取消hktvmall 家居保險」話會俾個輪候號碼你，你唔做就瘋狂打俾你提你快啲做！當你時運低嘅時候就會follow 佢去做架啦！然後佢就會再send 條link俾你，一下唔好彩，你入左條link嘅就gg啦😅
我就是差啲中招的人呀😇大家真係要小心
好彩樓主醒目及早發現👍🏻👍🏻👍🏻
我平時都唔會聽，有次又係等緊電話咪聽左羅，話支付寶保險（有禮貌廣東話）我話無買過保險，佢話咩之前支付寶YAS合作，自動申請左，我話要check下先，佢仲教我入支付寶YAS入面check，話之後再打比我, 講到似層層甘
另一想法：大家所認知嘅所謂的"KK園"，會唔會一直都在"大圈"，緬甸泰國嗰啲，根本只是煙幕🧐🤔🤨⁉️
我今日都收到
佢講到話同我驗證身份
我就收咗線
然後我sms就收到alipay登錄驗證碼
都係想呃人俾佢login到個戶口
打俾我既係9字頭既號碼
我都試過9字頭電話號碼打俾我，我話支付寶重來不會主動聯絡客戶，佢即刻吊我老母然後收我線
我都收過呢d不明來歷電話號碼加上唔係聯絡人，我一律唔聽同埋封鎖哂
我也收到類似，又係Alipay 咩戶口之前有開通保護（資金）係免費，現在要收錢。問要唔要取消，取消係要身份認證定乜，我話冇需要就cut線。真係要廣傳，尤其老友記最易中招😱
假亦真時真亦假，而家啲騙子越嚟越高明😑😑😑佢哋搵到條咁好嘅財路，應該都要一輩子對抗騙子
我收過呢啲，我答佢「扣啦喂，我大撚把錢」，然後佢啞咗+收線。
報團返大陸,上面旅行社接待全部有晒我地資料,猜猜我是誰？十年前有騙徒話係上海阿叔,我話阿叔你唔喺北京咩,佢話搬咗,可惜開緊工唔講得電話,否則實設局報警拉人
我其實聽唔明佢想講乜
但佢知道我有申請過綁定身份
我最後因為要影身份證同本人相而放棄
寧願每次都俾多少少手續費…
佢叫我打去銀聯到取消唔知乜自動保險
我話我無用銀聯喎
佢話咁我SEND個SMS俾你自己禁去取消
最後我係無收到個SMS
我同同事講都唔知佢想點
同事話詐騙唔駛理