📌 今日我成身都係屎尿味
共 73 條紀錄
今日我成身都係屎尿味
有一個精神病患者 佢身形係..
溶左既米芝連 有二百磅以上的女人
佢堅持不穿任何內衣褲
全日似溶左係床度
瀨尿瀨屎係地係床係腳邊
幫佢清潔仲要周圍有烏蠅🪰飛舞
成地屎尿…愛心我就真係無哂
睇住周圍臨終又有嚴重精神問題既老人
我真係睇盡人既一生
做人好多時…看穿看破 只是不說破
活到像極溶化的米芝連
加上糖尿腫脹的兩條腿
再有爛肉…臭到酸
到底一個人經歷左咩
會變成精神崩潰
全完同屎尿溶為一體咁…
我終於發現點解我咁臭，剛剛返屋企…沖涼先見度我條褲腳都係屎🤣🤣🤣🤣 對鞋又有屎🤣🤣🤣🤣簡直係泥漿摔角咁⋯⋯
美國曾經有一個案例，個男人重380幾磅痴住係床已經三年幾有多，三高糖尿乜都齊，突然一日心臟病發，救護冇晒辦法唯有call消防，消防即刻搵部鏟泥車到場，直接鏟爆牆連人帶床鏟去醫院，之後救得返，依個案例之後就變咗美國救援史上用鏟泥車救人既參考🤭
我好專重醫護。
有一次入院7日， 見到好多事。 我本身身體ok, 從來無訓過醫院。
果一晚唔知發生乜事， 一到11 點有個病人開始叫救命， 係不斷地叫。 女病房果邊一樣有人叫救命。 重有第三個病人係玩屎玩尿， 將d 野當lotion 咁搽上身。
果晚好難忘。
另一晚係一晚走左兩三個。 一個一個咁走。 我聽到 station 叫 call 家人過黎。 最後一個大概4點入房， 跟住家人就到， 無幾耐家人出晒黎，醫護做野包好。 聽到推出去嘅車輪聲。
果幾晚我好早訓。 一訓就大被冚過頭。
講真嘅， 我感覺到好多野出出入入。 我唔想理，要理都唔到我去理。
係真實情況，但仲要有時比家屬質疑，都幾唔專重。 當醫院係酒店咁，以為要服務埋探訪者咁..
當您係醫院耐左就明白人生係幾咁慘，冇事既時候咩都冇想過，有事既時候您會好驚，個種驚係一個人唔知點面對，好多野突然去晒您到，一個人壓力大到冇人幫你，而其他人只會講風涼話，人係幾甘涼薄，蔡高官媽媽同黃高官爸爸同梁爸爸失去最親，我明白個種感受，藍黃是政見，黑白是良知，希望在世既親人睇開的，走左既人一路好走，極樂世界快樂自由無病痛。其實無人係聖人，人希望大家放下憎恨，樣樣野睇開的，人就會無咁多煩惱，雖然人都會傷心欲絕，但至少唔會一時沖動，做成悲劇，希望大家放低成見同執著，做人唔好咁文塞，及時行樂珍惜親人，在生無憾走時睇開的。
講真見度病友咁慘，寧可佢地早走
但家屬角度，可能係好珍惜
而且做人真係時間過得好快
好好生活
愛自己一點點
其實佢都生活得好辛苦，這樣子做人有甚麼意義有甚麼樂趣。
我前排有忍往臭酸味，走入佢房問佢
你間房又冇電視，你全日坐係度悶唔悶..
佢話，順其自然
有冇都冇所謂
佢問我「做咩你咁好笑容」
我吹水話「because of you」🤣
純粹果日突然興致到，入去吹兩下水
佢就話人生就係咁，有又得冇又得…
呀..我估唔到佢又傻唔哂😆
我問佢信唔信死左去天堂
佢話 唔知，不過做好人好事就夠
呀…明明佢日日發呆 周身屎尿
個腦又會咁通透
真係「別人笑我太瘋癲，我笑他人看不穿」🤣
其實呢種人，基本上係半放棄人生。
佢哋可能覺得努力都改善唔到生活，倒不如直接放棄，成為一個「病人」終日臥床，被人照顧終老。
佢可以唔花努力控制飲食，肥咪肥囉，死咪死囉，反正生無可戀。冇人冇物，冇工作地位，出街被人覺得肉酸，去正常世界生活辛苦又唔好受。
佢連廁所都唔想去嘅原因，可能就係覺得反正有人清潔，洗鬼忍耐用尿墊咁唔舒服。每日仲睇到有人幫佢清潔，幾有成功感。
咁樣我仲Respect 😭🫡
祝你一世平安快樂富有！
係在香港先有咁嘅醫護人員和醫院…樓主面對呢啲事仲可平常心講笑形式分享…對普通人如我嚟講真係好大衝擊🫣
我係new Zealand 呀。 其實當瘋狂到一個程度，都冇話笑唔出🤣 我唔驚污糟，我驚佢地突然打人，同摸我屎忽呀🤣
向您致敬 🙇🏻♂️🙇🏻♂️🙇🏻♂️。 真的很佩服 🙏🙏🙏
辛苦晒🙏🏻
我自己都做過3個月老人院，本身我係唔怕屎尿臭同血嘅人嚟，喺老人院做嗰陣真係見到好多失智老人家，所以就算俾啲老人家襲擊都好，我都無怨，因為我當時自己仲有父母喺度，第時我都可能有機會要照顧佢哋，亦知我自己都會老，將心比心
你而家已經唔單止係工作
你做緊嘅係福德
功德無量🙏🏻
d人成日指責醫護人員
我係醫院見護士係做到冇停手，好恐怖
想請教下，佢神智睇黎都幾清醒，又起醫院有人照顧住，點解呢個狀況係臨終？
佢係一時清醒一時發惡，同埋佢有其他病，肥到二三百磅，講真呢度院友最長三年先走，最快有試過入來兩三日走..
多謝你俾我睇到我經歷嘅都唔算係啲乜嘢🙏🏻
順便送一首歌俾你聽
呢首歌係我捲入咗一個局出唔到黎既時候
喺呢首歌不斷提醒我點樣出返嚟
https://open.spotify.com/track/1pXgBjIvALm97lDhroan2E?si=OdHgkAdYRou8-V3E6MUBZQ&context=spotify%3Asearch%3Atime%2Blike%2Bthese%2B
佢地最後一站見度我，都唔知係悲哀定好彩 🤣 其實我真係做得好差。各位院友，sorrrrrriiiii 😆原諒我不才😆
辛苦你啦！🫂🫂
我都試過有個病人精神有問題，喺度食屎⋯⋯真係攞命！🤦🏻♀️🤦🏻♀️🤦🏻♀️
OMG, 頭先喺地鐵聞到強烈嘅屎味但見唔到有屎，結果行左去第二卡，唔通就係你？
辛苦晒，畀個抱抱你。
感謝你，雖然過程艱難，最後你也讓她能乾乾淨淨地離去🙏🏼
樓主你啲文字功力都好犀利，形容得太全面、太豐富 😅，我無意中睇到然後而家....回不去了
Anyway 辛苦你了 🙇🏼♂️