📌 今日手痕，寫兩句參與
共 27 條紀錄
今日手痕，寫兩句參與下討論，希望可以拋磚引玉
有睇開我啲片嘅朋友，可能會留意到我好少用「父權」、「女權」呢啲字眼討論性別議題。
唔係唔關注兩性議題、亦唔係唔支持性別平等。只不過，我覺得用啲「細」啲，具體啲嘅字，會更加有助溝通，亦避免誤解。
例如係「性別歧視」 、「男女平等」等等。例如，討論返個原post，我應該會講「社會對男人點樣表達情緒有個期望，可能會造成枷鎖」，而唔會講「父權壓迫緊男人表達情緒」。因為，我認為第一比較唔會構成性別對立。
當然，唔同意我嘅朋友可能會話，「女權」依隻字就係代表性別平等，點解叫女權，唔叫平權，係尊重返歷史上受壓迫女性。如果唔係支持「女權」，就唔係支持性別平等。
對於呢個講法，我唔能夠完全認同。原因係有人可以認為「女權」係傳承歷史，亦有人可以認為「女權」會引起對立。如果堅持前者先係正確、有學養的解讀，就係另一種傲慢，亦都違反多元主義嘅精神。
身為一位男士，當然體會到男士的難處。我唔係女人，有啲女人嘅困境我冇經驗，亦唔能夠明白；同時，總覺得自己最慘，亦可能係人天生嘅傾向。所以，如果兩性對對方嘅處境多啲好奇、諒解，並致力於消除不平等之處，咁就好喇。
請問我邊度提到要一方退讓？我冇反對人用女權依隻字呀。我覺得佢表達唔到我對性別嘅觀點，但對其他人嚟講女權可能係最好嘅字呀。
同意以歧義相對少嘅字眼參與公眾討論係有助聚焦討論，但以「多元主義嘅精神」抹煞feminism本身嘅身份定位並稱之為傲慢，何來又唔係傲慢？😂
女性主義之所以叫女性主義，並唔係淨係只討論女性，而係以女性作為人類社會中受系統壓迫最耐並且佔人類總數一半嘅歷史同經歷，討論權力架構同壓迫本身。我並唔係話任何性別討論都一定要擺女性主義出嚟，但你以對pluralism嘅極片面定義，就話堅持女權/女性主義依啲字眼參與討論係種傲慢，我問多次咁何來唔係傲慢？
Justice theories入面時常用到positive & negative嘅框架討論the extent to which (moral, legal or political) obligation exists，而你將多元主義解讀為refrain from use of certain words to frame public discourse屬於後者negative approach。Positive approach係會討論埋需要點樣嘅條件先能支持多元主義嘅討論，例如言論自由並唔係政府不依言入罪就夠（negative），而係…
女權同平權雖然最尾都係為了平等 但係出發點同過程都好唔同 要講女權根本就講唔到平權
如果最尾係平等就係平權 咁納粹都可以係平權 我種族屠殺到最尾得返優秀純粹雅利安人 件事仲唔夠平等咩 好明顯唔係咁
平權本身有個重點就係每個人都係獨立嘅個體 假設今日有個人犯罪 咁呢件事喺平權主義者角度就係佢犯罪 唔係男人犯罪 唔係老人犯罪 唔係黑人犯罪 佢就係佢
女權本身都將人分開咗做男人同女人嘅時候 點樣平權啫
你曾經有片講過究竟男女不同係在於社教化定生物學之類，你嘅立場係5050，which我係十分認同
白水講嘅男人唔可以脆弱，究竟呢點係父權，生物學，男人諗野係多以解決問題為主而唔去感性關心人，我認為各有contribute。因此，我最唔滿意白水個位係佢用左「必然嘅答案」回覆，而唔係講係其一可能性，再以「教育」嘅語氣黎講。我睇完佢成個stream都唔覺佢係「討論」，純粹不斷要人接受，「女仔好慘嫁，我明男都慘，但你要知女仔好慘囉」
父權係理論，唔係必然嘅答案。佢有佢出現理論嘅道理，但唔代表可以一口咬定為所有問題嘅答案
你有幾條片都係以正反雙方為辯論，你有講哲學係引發思考，唔一定要探討誰對誰錯，我好認同
（呢件事之後愈感threads好toxic，大部分嘅都無討論價值，所以開始唔想加入戰事。不過你出post，真係希望講番聲多謝有你）
女性主義是否等於性別平等？
係女性主義內部本來就有分歧，例如自由女性主義或許比較近，激進女性主義亦可能爭取緊有d「殊別」既權利。
當然真係要討論，更需要釐清「平等」既理解。但generally男性對呢個反應之大，其中一個原因係感受到女性主義有偏離一般對平等既理解e.g.某d women only既福利。
我不反對有部分women only既福利作補償既合理性。但當加入咗呢種補償，女性主義同性別平等就開始不能/好難完全劃上等號，因為呢份補償如何量化成合理，實在有太多討論空間。
另外亦都唔理解，點解用「女性主義」去命名希望反對壓迫性結構呢一樣ideology，係一種傲慢？點解願意用命名去表示重視歷史對女性嘅壓迫亦係一種傲慢？到今時今日都需要特別去講「女性權益」、「女性主義」就係因為到今時今日女性嘅權益亦未完全被彰顯, its not just history, but our everyday lives.
用黑人權益運動做例子，點解係Black lives matter，而唔係Lives matter？就係因為以往一直以來種族主義對於黑人嘅壓迫，令到黑人倡議者們需要特別出嚟去指出黑人嘅生命同樣重要。
Terminology is powerful, language is political. 用「女性主義」、「女性權益」等等字詞會令到某一啲人唔舒服，背後係咩原因？一直以來被壓迫嘅社群終於開始爭取自己權益，點解會令到有啲人唔舒服？
When you’re too used to being privileged, equality feels like oppression
不過印象中好多時網絡上出現呢啲希望糾正用詞嘅討論，都會被(likely)今次討厭「父權」字眼同一班人指責為死左膠、censorship、「啲字用咗咁耐一定有佢嘅歷史原因」「取消佢就係取消歷史脈絡」、「唔好成身G點啦」，例如「中東」、「處女膜」、無耐前嘅「嫁」「娶」字眼討論，you name it.
但當佢哋成為討論對象，就要言論審查啲本身學術界、民間都用之已久嘅正當用詞，就係為咗捧佢哋喺掌心呵護。
有做開consultation嘅人係唔同啲，真係會諗點講會比較方便對方消化，從而減少誤會😂
有助溝通>>>>>>>>講自己想講嘅嘢
如果你當初有留言 咁就會變咗各個方面嘅page用唔同角度去討論 咁就好正
依家得一個哲學AC留言，除咗性別議題嘅論點討論，啲人屌9一個哲學AC以哲學角度延伸太認真😂冇情緒價值，妖魔化佢用KOL AC去凌駕思想 逼人去接觸資訊😂
btw唔係想你一齊入戰線
有冇發現你嘅有助溝通係集中要一方退讓同妥協🤔Good try tho 已經比好多人善意
多謝你願意去講你嘅諗法，但係用「社會對男士有期望」而唔係直接指出「父權」，只係避而不談。因為社會唔單止只係社會，社會背後有社會結構，社會係由文化建構而成，而社會背後嘅結構同埋文化就係一種父權嘅結構，同埋父權要求男性要有陽剛氣質嘅文化。
可能作為輔導員或者係對人工作，絕對支持亦明白有時需要因應client嘅性別/ 背景/ 情況而改變自己嘅Language。但係向公眾發言嘅言論就需要諗清諗楚。用父權呢個字點解會造成性別對立？父權結構唔代表男人，女權亦唔代表女人。Patriarchy is not a he, nor a she, but a it. It is a system. Unfortunately 以往嘅社會或者去到今時今日充滿壓迫性同埋唔平等嘅社會結構，都係由男性去建構而成。用返呢一個字詞只係承認返呢一種事實。
單以今時今日既香港，大部分人講既性別議題只係兩性係歷史遺留落黎既定型裡面既一點難處，其中有D野無論身處係個乜系社會都會發生，因為個D難處係來自生物層面既差異；有D野係一D綜合實力差既人，認為某D異性過得比較好係因為該性別有紅利所以easy mode，但其實可能只係人地綜合實力比較好。
留言令人大開眼界。真係有好多人只要諗法唔同，就會視對方為敵人，進行人身攻擊、侮辱，完全唔願意正常溝通😮💨
女權呢個詞睇落係留有後手，平權後可以繼續再上升，用父權同一set組合拳黎
同理心出發,你呢d先係貼地咁解決問題👍
唔似得個d盲目周圍搵人黎鬧既所謂女權,獵巫咁潑婦罵街
發洩完啦,得到d咩?
emo既朋友被忽略,兩性對立更嚴重,呢d人有無睇下自己做緊乜野?
只係想鬧到人怕,硬塞自己價值觀俾人,根本唔係想搵common ground
每一個情緒上頭既發言都只係幫倒忙
其實會唔會反映咗大眾平時對性別議題嘅了解真係好唔夠，先會喺定義上嘅理解都爭好遠，從而產生好多爭拗
標籤化同埋二元對立其實無助於解決真正嘅問題，反而製造好多其他問題出黎🤔
認同覺得父權呢組字個範圍太大
範指身份 階層 好似一竹杆打一船人咁
我好認同, 語言好容易成為思維既框架, 當用錯語言就好易緣木求魚。好多事只要講清楚, 唔好用詞咁虛, 道理根本唔難明
你一早加入就好了，件事由你把口（支筆？）present得好好多
一次過講太多我覺得冇必要，
因為這種議題是永無休止的，
不需要急於立即解決。
例：類似的個案，社會上一個又一個出現。 這個是（pt1)
Background: 主要想帶出一個希望能幫助人類的方向，寫一個我認為值得花大家時間一讀的pt.
回應有關白先生的 第三項
女性獲得attention, 分為：
- 女生之間的positive attention, 我們常說的她們之間的互相支持。這個是(pt2 )
- 女性之間的negative attention,
主要出現在女性之間一員超強者出現時，多位女生針對該女生的指控。(pt3 )
女生獲得的男方attention,
來自男性人類為了延續強大個體，而進行分析、以及追求。
（pt4)
男性在尋找異性時，對不在可持續發展的女性對象的攻擊（pt5)
男性的關注為什麼不存在？(pt6)
在研究猩猩群居模式時，可找出能比較之情況，不一定由男女公平角度尋找方案。
1. 有關pt1，人類有跟獅、虎、猩猩類似的「一整年的超長交配期」因此出現更多個案。
我們受制於inherit 自祖先的大自然基因。
Pt1 出現的原因可歸因於人類DNA
用女權呢個詞語
就係講緊只有女性受壓逼，但完全無視男人一樣struggle hard under個父權社會
真係想平權就係用平權
而唔係女權
雖然你可以拗當年解放黑奴都係令後世去消滅奴隸制
最好笑就係佢話人製造對立，而家佢就係最大問題製造者🤣🤣