今日搭MTR嘅時候，竟然俾人無啦啦哇我着得好核突，仲要我唔識佢😡兩個大過我嘅女仔指住我話我全身着住同一個顏色，連對鞋都係一樣顏色，好核突。咁我當然冇睬佢，望都冇望佢，之後佢就指住我話佢應該聽唔明廣東話，又話我揸住部手機喺度玩埋晒啲低能遊戲，話我應該係中一學生，喺度做kam L🙃我完全唔識佢，佢做乜嘢無啦啦喺度話我，我冇做任何奇怪嘅行為，只係企喺度，同埋我着乜嘢關你鬼事？

傻人發現案！

咁無品㗎果兩個人😠

同一個顏色冇問題，放心。

著同一個顏色幾好呀，我都成日咁著，嗰兩個人真係冇品

其實你唔理佢是最好的反應，呢個世界有好多奇異人士

佢哋先係Kam L, 三唔識七走去話人，當佢發噏風。

好明顯遇到傻人S, 比我唔理佢即刻行開啲.

其實他們可能真係覺得你著得核突，但係靚同唔靚好主觀。唔駛理人地覺得靚唔靚，著衫著比自己睇，自己覺得靚就得

好白卡

佢講既就係佢自己焦慮既野，你話番佢同一樣野佢就會崩潰。

唔好傷心 記得當年我比老師笑添
好明白你嘅難受
唔緊要架 你好叻女 唔好理啲白卡👍🏼👍🏼

我覺得係拍片。

個兩條友咁無家教

自拍嚟睇吓

如果當時你夠膽，大大聲回返句：八婆我點着關你鬼事呀！你以為自己係型象指導呀！ 等大家一齊尷尬下都好