今日落大雨要送BB上堂，
我選擇咗用孭帶，
孭住廿幾磅再加一袋二袋，
跟住俾人質疑點解唔用BB車🙄
話可以掛住啲袋
大佬呀！
正常少少嘅都諗到冇可能單手拎遮，
另一隻手再控制BB車，
仲要個BB肯坐BB車再俾你笠住個透明袋
係咪其他人做到得我做唔到😅
邊個質疑你？！😒一定未湊過仔
我都未用過bb 車 ，因為香港地對bb 車太唔user friendly!
我生左兩個，都無咩用BB車，孭帶好方便，唔使理人點睇
1打2都係孭帶加自己行，BB車上上落落好麻煩，毎個人有自己生活方式，使咩理人咁多
唔使理人哋點，最緊要你自己舒服咪得囉
其他人冇資格出聲
下，我真係單手拎直遮再單手推BB車😅😅
落幾大雨都風雨不改啲個做法，最大分別係著咩鞋。唔大唔細咪照舊拖鞋波鞋，倒水咁就 rain boots
我個仔早就 train up左落雨要乖乖上車再加 rain cover，其實BB都聽得明你講咩
你啱，因為我試過自己著雨褸，bb車用雨襠，發覺係完全唔掂嘅，我自己濕到total loss😂可能我廢先係咁卦
自此之後打死都落雨孭住佢，講緊都係頂半年左右啫，佢識行就齊齊用雨褸雨遮。
揹帶係最方便。不過媽媽會辛苦 尤其落雨 揹帶真係無得輸
啲人係鍾意加把嘴 有時落雨我都孭住個仔 我個仔個樣又生得比較大個 啲人問我做乜佢咁大個仲揹住佢 我真係下 佢有幾大個呀 佢得一歲半咋喎
我係單手拎遮單手推bb車，因阿女超過三十磅了，孭唔到。成件事好狼狽，架車要轉彎單手唔夠了，要借拎遮隻手幫手。
冇錯，孭帶係最方便，但係呢當媽媽急尿想去廁所孭住佢又唔放低😂試過好多次孭住佢去廁所拉唔到褲鏈，所以之後都着橡筋褲方便啲
落雨就當然如果孭得起上身梗係好啲，起碼唔使等𨋢等咁耐。
Even唔落雨 自己一個帶都唔會推車 上落又煩 成日要兜路搵lift 上落車又要收
我超明白啊！！！ 我都試過2年！每年的雨季就係要咁，如果推多部bb車，仲要顧埋架車、如果要上落巴士仲煩. 顧遮？ 顧車？ 定係顧個b ，又要搵擺架bb車😔巴士又通常無位、落雨就更麻煩..我都係寧願背上身仲容易處理！！！！！！我又係幾大袋野+背著bb喺前面、遇到無電梯.. 仲要行上行落幾層留梯.. 汗流浹背.. 又雨水、又汗水🤦♀️🤦♀️🤦♀️🤦♀️
最終架bb車用左5次都無！ 而家3歲咋，但架bb車索性送左比人了，因為真係唔點用🤦♀️
真係親力親為湊過小朋友，先會明！無湊過講咩都係假🤦♀️
直接講bb 唔鍾意坐bb 車，一坐就喊，ko 左個話題佢算
我部bb車都係擺喺度做裝飾⋯
用揹帶行動力最快又方便，
唔駛收車/等𨋢，
仲要香港啲路又窄又唔平
我試過推車推到出汗，真心揹都無咁累
唔駛理人點睇，
佢地無試過當然口輕輕啦
落雨推Bb車真係相對狼狽。
用雨套，不能踢，又怕太焗。
落雨要出街，盡量用孭帶。都盡量落雨少出街。
如果唔需要搭車
1.考慮大人用雨褸 （我主要係咁）
2.淘寶買個bb車用遮架支撐，不過唔係所有bb車啱用
孭住就真係要小心條腰🫣
D人唔識亂咁講，講嗰個都無腦。
揹住bb先可以空到兩隻手出嚟
講得呢句好明顯未做過，又要撘嗲搵野講，香港好多路唔平又要上上落落電梯，媽咪單獨推bb車仲辛苦過咩上身
你好正常呀
我bb細d個陣唔鍾意坐bb車
更加唔好話笠左袋既bb車啦
同埋成日要搵lift都唔容易架
揹帶方便好多
多野拎可以前揹帶（hipseat）+後揹書包
我係日本代購買左個可以夾住雨遮再夾係bb車既撐架，不過我相信我bb唔會想俾我放個透明膠袋笠落bb車，所以我都會同你一樣用孭帶🤣🤣