今日襯假期同老公去練車，因為冇乜人又冇乜車唔會阻住人👍🏻
出門口前我老公話要揾個朋友交底身後事！
老公：梗係帶埋兩個仔，要死一齊死
我：梗係唔好啦，要留活口
老公：我哋死咗咪冇人照顧佢哋囉
我：一係揾個朋友交低小朋友，如果兩個鐘後冇揾佢哋，就知我哋出咗事。。。
我老公冒著生命危險同我練車，我係咪揾到婚姻嘅真諦？🥹
練個車啫，哩個喺咩操作？🙄
利申：牌已考
男人長期睇唔起女人揸車，覺得自己先係最叻 .有條友講到自己架車幾難揸，佢自己每次轉波都chok,dup 車dup 到我人都飛起，佢講到我唔會揸到佢架車。
之後我揸到好順利，架車無chok,dup 車正常，
佢又死撐話我揸果時，佢架車無壞，
死都唔承認我手車好過佢🙄
利申 我由第一日揸車 已揸棍波車，我有車牌果時，佢都未考牌。
我覺得揾老公練車係最不智的行為，男人一坐上副駕就上身
利申，牌齡就黎4 年，一星期開6 日車。
講真，出外國行轉，格離屋個60歲阿婆都可能日日揸緊車入出，唔好咁誇張啦，駕駛起世界真係好基本
香港個社會將「女人手車唔掂」洗晒人腦，連女人都質疑自己。喺美國個社會就有「亞洲人手車唔掂」嘅個講法...
喺唔同國家，揸咗廿幾年車，我嘅觀察係出事最多嘅人有兩種：
一，手眼腳唔協調的
二，好想證明自己手車好掂的
喺澳洲就係印度人揸車唔掂，亦都有好多鬼婆想證明自己手車好掂
我似係膽唔大，心又唔夠細嘅司機，有咩要注意？🫣
其實都係熟能生巧架姐~
摸熟你架車踩幾多加速，放油會流幾快，踩幾多煞掣... 你習慣咗自己架車，就可以專心路面嘅嘢
我姨丈教我：高速公路，只要唔好特別慢過或快過其他車就最安全。
我老豆教我：快都唔係問題，最緊要係控制到，尤其是當你架車唔係咩靚車，個handling冇咁好就會難D控制架啦。
加油！
我覺得我踩到有啲chok, 所以踩得唔夠深，加上考牌考到有後遺症，慢1秒又話hold up traffic ，快又話快冇睇😫 永遠都話timing 唔啱
踩brake同踩油之間隔耐D，你feel吓你架車流嘅速度就可以減少踩brake。唔洗踩得深，踩少少再鬆開已經減咗速 (除非落斜路)，所以你練吓預個距離開始踩少少，流一段再踩少少.... 去到你要停嗰度踩好少就會停，亦冇咁chok，又或者去到要停嗰度已經轉咗綠燈，咁你流住嗰時踩少少油都會冇咁chok。
最緊要係相信你老公，佢叫你停你就真係要停車 你揸住架車時佢唔會冼你既
有冇諗過其實係你兩公婆都唔使死不過係俾你撞嗰個死咗，所以你要坐監！
都只係司機坐監，仲有個活口可以去照顧兩個細，無事嘅！