📌 今日見咗幾個應徵者，
共 64 條紀錄
今日見咗幾個應徵者，為咗好快咁肯定佢哋講廣東話冇口音，又識寫繁體字，我叫佢哋以廣東話讀出「今晚去香港銀行輪更」同埋用繁體字寫「證據確鑿」結果，全部都讀晒「今晚去香趕銀寒輪姦」，冇一個寫得出「鑿」字。
你考的是懶音，不是口音，要考口音可以問「入實驗室㩒緊急掣」。
同樣考寫「證據確鑿」只是考中文程度，不是考寫正體字的能力。不要以爲中文字和文盲字的分別只是筆劃多少，其實兩種字體的分別大有學問。
你應該考這兩句：
1. 用標準中文字寫的申請信才獲批准。
2. 能幹的人做事乾淨，不會干涉別人是非。
你能看得出為什麼寫文盲字的人一定會寫錯上面兩句嗎？
其實大把香港人都有懶音
同埋個鑿字你問十個香港人隨時七八個唔記得點寫
大佬啊 香港教育制度都冇正正經經教粵語發音
土生土長嘅香港人9成都有懶音㗎喎
你都AT9嘅😂😂冚家拎你話唔好再難啲…..我都係純正香港人啦 你問我點寫
我識條鐵咩好問唔問 問個鑿字
我打字都要諗一諗先啦更何況寫😂
你呢啲有預謀去度人哋唔識
你心地都幾差喎你咩行業咁巴閉？
真 考口音都可以 個鑿字屌佢有幾可寫 cls
Btw at9 跟得好貼🤣
可能差佬寫口供都或者間唔中都寫吓
或者新聞紙
如果唔係我真係諗唔到有乜嘢行業都會間唔中都會寫個鑿字囉～
Ps:太好笑啦 At9呢個字，我相信一定會係最新嘅潮語
佢根本就係
啱啱睇過佢嘅留言，佢覆人係話唔識寫呢個字就話人簡體字啱佢啲加上仲要係一個文盲
我當堂嚇一跳，然後得啖笑
唔識寫一個字就俾佢話
嗰四個字放在一起讀出嚟，應該冇問題，叫寫出嚟我都唔敢講話記得點寫。都要喺電話用口講輸入法 證據確鑿
上面出得到證明我識得讀
正常大陸人會「香」字讀成「腥」 你呢幾個好明顯係懶音多過講唔正
香港人除咗小學中文詞語寫過5-10次證據確鑿之外，可能之後都無寫過。唔識寫都好正常
我認突然被問嘅話我唔識寫個鑿字。
利申HKCEE 中文B
哦～你死啦你係一個文盲嚟㗎
以樓主嘅中文程度，我哋所有人都要讀返小學㗎
呀～唔係！幼稚園先啱呀
個鑿字，好似成世都未手寫過🤣。
而個輪更，姦，奸，更，艱，間，菅。佢地唔係同音字咩？
高考中化拎B路過，中文唔算太差，你突然間叫我寫個鑿字，我都唔記得點寫😂
講真 我都唔記得鑿字點寫 而家都唔洗點寫字，大家都唔識寫的了
係幾多劃筆㗎！除非你有做練習，抄寫多次啦！否則唔會記得囉
鑿字我讀書時都少寫更加唔好話依家
突然問一問真係唔識寫😭
Sor我係腥港人😭😭
普通話本身有ng尾音，除咗台灣人比較容易n/ng不分之外，一般就算有口音嘅都未必會讀錯，反而好多香港人有懶音就會。
我都唔識寫個鑿字
執筆忘字 仲要係咁少用到嘅字🤣
Btw 就係香港人先咁多懶音
有啲假😂 寒字有尾音無咩可能行會讀做寒，到返轉就可能
讀我應該讀得准，但係真係寫唔出「鑿」字，中學畢業之後已經執筆忘字
仆你個街, 個鑿字我連倉頡都唔識打, 仲寫
不如寫招財進寶(痴埋一舊果粒字)丫笨