今日返工,休息咗兩日,食咗抗生素，手腳雖然未好，仍然痛！！但手腳能夠活動，所以返工 😅有啲網友問我，點解路軌成日會見到有沙呢？因為D沙係用嚟幫電車剎制，減慢速度用，救車時必須用到的，所以出車前檢查吓有冇沙，如果冇就自己裝啲沙。
#叮叮車長受傷日記 #叮叮車長育成日記

請問 。實際操控係點？
車長撳個制 。 可以 流啲沙 落路軌

係咪咁樣？😬

右邊控制剎車系統叫做風掣（剎車掣），風掣上邊有一個掣要用力撳落去，佢就會落沙，但係落沙速度同多少是手動，撳幾多落幾多，左邊控制車速操控槓如果反方向磁場到某一個度數就會自動落沙，速度比手動快，落沙位置在車兩邊前鐵輪倒落去形成一個小沙丘， 用沙去擋住車輪幫助減速效果，落雨嘅時候，如果跣路軌或者開車時打滑，落沙都好有幫助。

😇真係唔講唔知 。長知識😇