今時今日導演/編劇會唔會覺得AI影片係好事？一個人可以頂一個劇組
一兩年前啲片都用唔到勁多bug，之後出到雪山救狐狸嗰類搞笑野，而家陸續睇到啲有劇情有意思嘅片了。等多一兩年分分鐘電影都拍到出黎，再放上網發佈。
極低成本都做到高質素故事，成件事好似穩陣過極高成本拍套戲，然後放去戲院冇人睇
最大問題係劣片會更多，而劣幣逐良幣，攪到好既片無人見到。
無咗成本護城河對於行業絕對唔係好事
會覺得好事既都係本來就唔喺行入便既或者係投資者
但如果資金多少冇意義既話咁佢亦都會減弱資本既影響力，冇得以大製作或者用製作難度作為賣點既話
成個市場會變成塘水滾塘魚，大家自己 gen 自己想睇既野， 根本無需要睇其他人既作品
其實Ai片都有好有壞，唔單止影視行業，其實會計，法律…行政…銀行…N咁多行業都會被Ai取代大部分工作
有人類嘅地方就會有等價交換，即係生意市場，其實gen條片就算再簡單都需要有人(當然可以Ai隨樓自動生成）
又舉一例子：假如今日有一場成本十億的粵劇，會唔會因為咁而極多人去睇？市場變了就係變了
保留傳統專業當然重要
但一個時代終結我相信會有另一樣類似的彈起
只可以講Ai可以幫一啲畫面上慳到成本。用嚟做動畫電影就幾好，真電影真演員，唔會被ai取代到。
AI係輔助玩下無所謂，但到佐影視作品，演員嘅一瞬間爆發嘅張力係指令AI無法取代
會越嚟越多AI 片，會越嚟越少人買飛入場，你話呢？
戲院模式應該要慢慢淘汰啦，以前大家冇設備先要迫埋一齊喺戲院睇戲，但係發行同院線又會成一筆利潤，去到創作人其實得返好少
觀眾又唔鍾意去戲院，創作者又唔賺得多，遲早淘汰
如果VR成熟，我隨時都可以拉一個100吋嘅screen，更加唔會去戲院
最後對導演/電影嘅忠誠變哂對迪士尼/Netflix 嘅進貢。
留返啲DEI 黑人跨性別你食。
等於香港買嘢要交地稅，做生意幫發展商打工，真係好有希望。
製作成本低了，都能激發起新嘅創意，只是大概唔會仲係以前嗰種入戲院睇嘅電影形式
尼個係對新仔導演同編劇好，演員就麻麻，但都非常支持ai 片，唔係個個後生仔都有人力物力開電影，而且又多小圈子，真正有實力識同觀眾講故事嘅人未必可以開到戲，咁ai 完可以放上youtube。
而家ai 片其實咪類比以前音樂作曲填詞咁用VOCALOID創作，有好多神曲都係咁黎，🍋米津玄師 都係VOCALOID P主創作出身。如果ai 劇/戲成功收得自然有真人版，呢啲先叫有麝自然香。 
心底話作為觀眾只想睇好故事唔係想比錢陪你成長/私心完夢/圍爐😓入場睇到尼D其實真係好嬲。
希望睇到多D 好故事，ai片人物柒D會計妹咁都唔緊要，最緊要分鏡、劇本、邏輯、人物構造＆敘事完整就可以去啦，係正嘅之後會有人黎幫手嫁啦。新仔就搞掂好尼啲基本中基本野先再去做引導演員情緒同控場，先可以事半功倍嫁。
ai影音咪最多做短片，上唔到大銀幕。
上戲院上架宣傳各方面都幾百萬。你唔會搵套幾千蚊做嘅ai片然後做宣傳幾百萬掛？最後各有各做囉。電影由電影人拍，賺過億。ai片就0係facebook睇雪山救狐。