今時今日講呢啲相當於阿媽係女人，但耐唔時都係會再同樣覺得，碌公海有趣之處係，大部分「說話」嘅人們都唔知係咩人——現實生活中嘅階層、職業、教育、環境、經歷等。嗰啲少數為人知嘅人們，自當因其已被知嘅過去種種而被受眾套上若干標籤頭套。
與此同時，完全唔知受眾係咩人，並且可以係任何背景人士。所謂會唔會飄出公海，差不多等如會唔會俾更多唔知係邊個，可能知名或不知名嘅人睇。
於是乎「說話」會出現各樣諗到與諗唔到嘅詮譯。不同層次深度闊度嘅或理智或感性。如果知道每個人嘅背景，大概仲會明白佢哋每個人點解會有佢哋各自嘅詮譯。
於是全部人都好似唔啱得哂，亦唔錯得哂。
但亦係呢個空間與差異，先至能引起討論出現。作為隱隱想插腳「說話」嘅人，就又覺得點講都係會立喺某個點，唔會「正確」得哂，但亦唔會完全「錯誤」。
所以到底呢種公海討論係為着啲咩？「教育」、「糾正」、「說服」別人？即使其實明知議題唔會有絕對「答案」與「定論」。
亦可能毋需任何目的。又所以睇咗之後，諗完一輪，消化下，再經上述轉折思考，就又覺得都唔駛「說話」。
被趣到就足矣。
與此同時，完全唔知受眾係咩人，並且可以係任何背景人士。所謂會唔會飄出公海，差不多等如會唔會俾更多唔知係邊個，可能知名或不知名嘅人睇。
於是乎「說話」會出現各樣諗到與諗唔到嘅詮譯。不同層次深度闊度嘅或理智或感性。如果知道每個人嘅背景，大概仲會明白佢哋每個人點解會有佢哋各自嘅詮譯。
於是全部人都好似唔啱得哂，亦唔錯得哂。
但亦係呢個空間與差異，先至能引起討論出現。作為隱隱想插腳「說話」嘅人，就又覺得點講都係會立喺某個點，唔會「正確」得哂，但亦唔會完全「錯誤」。
所以到底呢種公海討論係為着啲咩？「教育」、「糾正」、「說服」別人？即使其實明知議題唔會有絕對「答案」與「定論」。
亦可能毋需任何目的。又所以睇咗之後，諗完一輪，消化下，再經上述轉折思考，就又覺得都唔駛「說話」。
被趣到就足矣。