📌 今朝同哥、妹、阿媽飲
共 62 條紀錄
今朝同哥、妹、阿媽飲茶，飲完埋單$326，阿哥好爽快咁埋單，之後大家各自走，無幾耐收到阿哥whatsapp:｢$326/3 =$108.7 , thx！」
大家明唔明？ 佢喺阿媽面前好果斷好瀟灑咁拎張單去埋，有種長兄為父，會照顧細佬妹既感覺(我嗰刻係有少少感動)，之後一個屈尾十要我同妹夾返，都唔係問題，問題佢係四捨五入到$108.7 ～ ($326/3=108.666667) 🙃
我諗佢係介意，要私底下夾返錢俾阿哥做大龍鳳姐，彩就阿哥攞左，阿媽會覺得好彩我兩個仔，有一個生性😌
我覺得好正常…..除非食飯之前講明今餐邊個請，否則一律AA（除左長輩）
好正路喎。哥、你、妹每人夾一份，支持父母支出，飬成大家有責任呢個習慣，長者將來雜費醫療等支出只會越來越多，預早習慣子女平均分係有需要
計零頭係均真遮，反而最怕今次佢出，下次第二個出，長遠又抝邊個出多出少重煩。當正accounting公事咁做就啱
我屋企都係咁
除非去前講明邊個請
否則都係AA
然後用手機轉賬，好方便。
最計較嗰個人係你，佢爽快會唔會係你地扮傻唔比錢，宜家酒樓都係拎張卡去櫃檯埋架喎🤷♂️
1. 在餐廳時就直接說三個人除開請媽媽吃
2. 哥哥結帳時說明他只是先付，後算錢
不要裝請客再收錢，不是請不請的問題，是你裝了後又來拿錢很不爽
哦， 公平呀。
我哥一家3口，我，媽， 5個人食飯。 食咗$1000， 你覺得我應該畀幾多？
三兄妹平均分攤 有咩問題？ 依家係E-pay，有小数点好正常。 公平講係樓主妳小器啲
問題係阿哥係阿媽面前扮佢一個人請晒，其他姊妹嘅心意變咗shit
如果佢地有心意想請
就會即時當住阿媽面問番阿哥幾錢，夾番一份
埋單先好正常啫
老馮做大就要請晒？
如果你只係咁唔gur 佢收零頭
咁你咪照俾$108.666667囉
有次同阿哥，佢條女仲有老母食飯，阿哥將張單對半同我share，我直接問我點解要請埋你條女？
同埋唔覺樓主係因為要俾錢所以有hard feeling，係如果你要大家夾你就三口六面講清楚，唔好做到俾阿媽睇係我請哂冚家飲茶㗎，如果有份俾錢就應該攞返個credit 
正常大家出來做野會咁分！ 如果阿哥最大而又揾到錢，比哂就最好！ 你同阿妹揾到的也可以比哂，否則我覺大家平分也沒錯 …..
不過這情況通常齊頭每人$100 🤣🤣 阿哥應該無錢卦 ….. 如阿哥有錢的，我會笑住講$100 得啦
$100可接受, $108我還可以, $108.6我已經好唔舒服, $108.7直頭想嘔🤮
(326/3=108.667)
好好啦！我家大哥熟讀孫子兵法，先禮後兵！飲茶先每人入數他戶口$200，飲完埋單再多除少補😂
阿媽是大家的，一起付費請她老人家飲茶是心意，本份，公道！👍
係個Wts app group 度話，payme 左呀哥你了
你唔係唔想夾，係唔中意彩就佢攞哂，咁好簡單啫，payme左之後係家庭谷send個msg話阿哥岩岩payme左茶錢108.7，你睇下岩唔岩數，咁你父母咪知道哂囉
想問有咩問題呢？大家都係平等嘅子女，憑咩次次要大嘅付出，細嘅做享其成？你大哥其實係做左我一直以來唔敢做嘅野！做大個個係味老奉一定要請？喺你眼中佢可能係好有霸氣咁攞走張單去埋 但喺佢眼中係見你地兩個次次埋單個陣都扭扭擰擰咁咋傻扮懵唔埋單佢先谷住要拎張單去埋！
覺得你阿哥攞彩、你咪同阿哥細妹講，以後你堆單囉🤣🤣 一張單除3，阿哥平均計個數出來，有咩問題？ 真係難服侍…….
明，弟搵得少，又覺得自己唔比有啲羞愧，我會叫佢係咁意比返自己果份，但呢啲都會喺父母面前做，唔係充完大頭鬼扮豪，一個屈尾十連尾數都收多，真係會好火
唔係喎，重點係 佢冇同阿媽講係大家請媽媽，大家一齊請媽媽飲茶阿媽一定會開心喎，做乜彩同心意係呀哥獨佔曬
好慶幸每次屋企食飯都係阿哥出$，唔使比一分一毫，所以而家盡量請D姪女食
全部都係AA制，老母大家都有分，幾多個兄弟姊妹咪計幾多份囉，大家都有仔女大家都有頭家，最憎嗰啲就係食完拍拍囉柚就走㗎啦，淨係就返嚟拎着數
其實我覺得咁樣係最好
做大哥唔係一定要全包宴
即使你認為小數點唔舒服
但我覺得真係好小事我會豪畀佢添百一蚊
其實我覺得小家嗰個係你
佢雖然係哥哥但唔一定要唔收你哋錢
其實你都可以調轉頭請佢哋飲咁咪冇事囉
可以再計清啲 有冇叫蝦餃燒賣 一籠通常4粒 總有人食多
cap圖sd去family gp，tag阿妹，話呢餐我地請阿媽食，我驚阿哥唔記得通知你
點解佢可以收多0.033333333333x2=$0.0666666666666 ?
因為喺亞哥？
下次記得飲茶果陣，你拎去比先，至小賺番個rebate
最大問題係七毫子你都post上thread。我係你大哥就下次你俾，睇你點計