今朝屋企做完白事，老母塞咗個背囊叫我拎，話好重。
我一拎，輕到乜咁，以為老母有咩事。
後尾我先知我拎嘅係佢老豆嘅骨灰。
回頭諗返，我人生第一次將母親揹上背，都已經係佢火化之後
樓主加油
因為傳統儀式，做仔要拎住老豆嘅相片上靈車，由於當時仲做緊攝影相關嘅工作，嗰一刻好感慨，人一走左，就係淨返張相同骨灰，好後悔冇同佢影過啲乜嘢相，好似咩都冇留低到，但同時感受到人總要面對死亡同長大，我唔識安慰人，只能夠講，想喊就喊，好好休息，好好食飯，過好每一日💪🏻
照顧好自己
照顧好媽咪同其他屋企人
Take care🫶
老豆在生時我都未揹過老豆，最後一次抱老豆和揹老豆就係佢既骨灰
我細個都試過。當時呀媽重好順攤買玩具比我。之後做儀式先知原來當時係揹住呀爺。不過唔反感既
我聽到這故事令我有點感觸，我琴晚發夢夢到揹住啊媽去街（真實去邊唔記得），夢到啊媽變得好細個（像十歲大的細路女）
我媽媽現在行動不便需要人全天候24照顧