今朝返工途中見到英國呢邊啲女學生個個啲裙都勁短、有啲直頭僅僅遮到個臀部、然後好多學生都化咗好明顯嘅妝、戴好多耳環（耳骨位有三四隻耳環嗰啲）、有啲仲穿埋鼻環、仲有好多學校都容許長頭髮嘅學生唔使紮頭髮，真係好自由，相信令好多香港學生好羨慕🥹

對比之下，我喺香港讀中學嗰陣條裙規定一定要及膝、我間中學只容許各邊耳珠位置戴一粒指定係細粒銀色珠珠嘅耳環（有埋直徑上限規定）又或者係透明嘅耳針、唔可以睇得出有化妝、頭髮過肩嘅話就100%要紮起😹

Google搵到一大堆香港女學生同英國女學生嘅相，真係一目了然

你Google 香港70/80年代校服，全部都短過膝頭，根本day1開始個設計就係咁矩

點解90年代突然空降一堆標奇立異既落後校規連你條底褲都管埋，就大家心照啦

英國人似番個人，唔似香港啲學生，细細個就似中年人

我喺英國番學可以化妝戴耳環同頸鍊鐘意咩髮型都得 又無on99 訓導睇我有無著底裙同捉我髮圈顏色真係好爽 覺得自己好睇返學已經開心好多👹

一定會開心好多🥹幸福！

作為一個媽媽，我希望我女會樸素一啲，我有幾個朋友嘅女過咗英國讀書，真係一年時間咋，返嚟香港度假，著小背心露曬心口條罅，仲要化行個妝，講緊真係好低胸好長嘅罅，同好濃妝，其實都係十六、七歲，真心接受唔到，其實露少少罅，同化個淡妝我覺得可以，但勁低胸加勁濃妝我覺得有啲....

不過又咁講，我哋覺得日本校服好靚嗰陣佢哋都覺得我哋校服好睇😂

我之前去study tour，跟住返佢哋嗰邊高中都係着校服，佢哋見到我哋套衫話好似護士服，不停話可愛い，反而佢哋對自己套衫冇乜感覺XD可能呢個就係人總是羨慕自己沒有的東西(?

其實着耐咗我又覺得香港校服又唔係真係樣衰geh，but compared to the others 真係差啲囉

唔係淨係學生，呢度啲醫生護士老師都可以紋身聽釘環同鏟頭，完全無問題，重視能力多過外觀

学生的任务是读好书，不是给咸湿佬评头论足的

新法書院年代香港都好短，不過自從八九十後開始出黎做校書之後香港就倒退去到五十年代，一直到宜家

未見過大蛇痾尿，以前"香港"私校學生妹啲裙都係咁短甚至更短。

我冇話香港全部學校都係咁
我係講緊我間中學同我身邊好多朋友嘅中學啲針對外表嘅校規都係又多又唔合理
你睇吓有幾多人like同留言就知道呢個post非常引起共鳴

你應該討論"而家"香港嘅中學，以前香港係開放好多。

有冇聽過攝裙
我條裙長到就掂地，阿媽買大兩碼費事年年換

應該好多人細個嗰陣都係咁😹小一二條裙特別長

你將聖保羅學生同邊緣人比較？ 不如講吓讀牛津啲人咩樣

咁你仲唔快d移民去英國？

我試過有位同學，由幼稚園到中學都係同佢同班，佢把頭髮由細到大都係天生啡啡地色，差唔多個個禮拜都有老師、訓導話佢做咩染髮，佢父母同我同我父母都幫佢做證人，講到口水都乾埋🤡

由細到大都係慣咗香港嘅標準係唔可以標奇立異，而我阿媽嘅標準係打扮=發姣/學壞，所以唔準扮靚 (小學嘅時候甚至會特登將我打扮到好醜樣咁取笑，我喊晒話唔想，佢都要pua我話咁係靚，等我返學俾老師同學笑，仲俾老師寫手冊話我標奇立異，從此自卑嘅陰影就冇離開過我，無論點樣俾人讚，我都唔會再相信了)。到大個咗去美國讀大學，有一排讀到抑鬱要去見心理醫生，第一次見醫生佢就問我點解唔化妝仲着到全身黑 (其實我有化的，但係我係習慣咗要化咗都唔可以俾人知道，而我當時個妝返到香港係會俾人話濃的，同鬼妹化到好行真係好大落差，我亦都冇辦法打入佢哋嘅社交圈子學佢哋)。老實講我嗰時真係唔明點解醫生會問呢個問題的。一個20幾歲嘅女仔日日着到好似奔喪咁都唔覺得係問題，呢個先真係有問題。根本打扮同化妝只係佢哋嘅基本禮貌嚟，但喺香港做就會俾人加一大堆標籤。

佢哋好多14歲開始就食避孕藥添，食到老㗎喇

文化唔同，冇得好講，但被英殖百幾年，腥梘落後得似清朝，夏天女仔著少D就話暴露，女星就話派福利，個個中學生大熱天時著冷衫遮住啱啱發育嘅身體，性教育咁多年都冇一個正統少少嘅curriculum, 個個女學生要搞到成個村姑咁，戴厚眼鏡條裙長到冚住對長襪，係爭把頭髮冇剪到似囚犯咋，簡直離哂地咁保守

你錯喇，以前不知幾開放，好多仲會電髪，男仔都無唔俾頭髮過眉，係90年代前後先開始

你搵吓周海媚、許冠傑等名人學生時期嘅相，全部都唔係而家咁

學生點可以著到不倫不類

香港係訓練奴性馴化，填鴨教育一部份嚟

我喺香港同英國都讀過中學，香港中學真係好多無謂嘅規矩。校服儀容係其一，仲有校內唔畀用電話電腦ipad，次次上堂都要起立good morning class，真係完全唔明有咩意義，仲要其實好多係拖底學習效率

英國啲中學係咪唔洗good morning class?

完全唔明香港學校
以搞到啲學生老土肉酸為榮

佢哋鍾意take嘢 鍾意high嘢 睇嚟你都好羨慕 好想试下？ 對嗎？

呢個係極端嘅滑坡謬誤😹
你講呢句就好似啲人講「如果允許同性婚姻，接下來就會導致人獸戀合法化，甚至可以跟摩天輪結婚。」

其實都唔係完全無根據，英國學生普遍紀律不及香港學生，出名多未成年懷孕（雖然同校服無關係），kent 爆腦膜炎就係大班學生落CLUB口水交換，啲女仔同父母解釋聲稱「同朋友啜同一支Vape」。所以香港都有香港好。

我真係覺得同打扮着衫自由啲係完全冇關係
我以前讀書隔籬校都有勁多人吸毒、打交、做犯法嘢，佢哋咪又係一樣有好多校服規矩
同埋我出世之前個年代嘅香港學生啲校服規矩都冇而家嗰啲咁嚴

兩睇嘅，各有各特色la，香港校服雖然比較保守，但係都冇咁易走光，香港都有啲有特色好睇嘅校服款式嘅，例如旗袍、水手服、仲有各式各樣嘅格仔裙，斯文得嚟又帶啲青春氣息，都唔會差過英國校服好多嘅

個人認為如果唔係有一定要過半膝嘅呢個規矩嘅話好多校裙都會再靚多一大截

香港啲學校同老母老豆都好清朝，
講真，你估條裙過膝頭哥就一定係好純品咩？件衫樽領就係乖？

只係佢哋見到啲後生著得咁肉酸無年青人嘅identity 就感覺良好，
根本就係好虛偽嘅道德批判。

因為呢到無好似香港咁分banding
我呢到知幾間私校都管得好嚴

我以前間中學校裙規定是膝上兩吋。

就係懷疑班教畜以前做學生被迫着到柒軲轆B，柒開有條路直到中老。望到啲年輕學生喺度享受自己花樣年華打扮靚靚心情好，嗰班柒軲轆B教畜就心理唔平衡起嚟～
努力令到全世界學生都同自己學生時代一樣柒軲轆B直到中老～～

咁都要比較😵
不如比埋外國嘅月亮同香港嘅月亮有咩唔同🫣

羨慕下感嘆下啫
Threads就係咁用㗎啦，想發表意見咪發表唔使所有人都認同先可以發表
你睇我呢個post引起幾多人共鳴幾多likes就知我嘅羨慕同感嘆係非常合理🌞

唔好講咁遠，日本jk已經唔係咁

格致中學都好短

開始有人暗指我一個男人跑出黎講女同學條校裙搏咩，有位@kirk.1ai 仲話從未如此厭惡，澄清返我另外亦成日講男同學髮禁，而家講緊學生櫂益無分男女，我直頭支持女同學可以著褲返學，女性著褲都好普及亦有好多年歷史

yep，我首先要為不善言論道歉，先入為主的對你產生惡意。這確實是一個不必要的，因為一些既定印象產生的應激反應。
對於第二條，這確實是事實情況，抱歉沒有了解你的過去言論以建立一個立體的印象，以至於產生了誤判。對我的個人認識而言，深入挖掘他人的歷史是不道德的，所以我沒有這樣做。但結果對你產生了誤解，我十分抱歉。
對於第三條，十分感謝你沒有侷限於單一性別去進行批判，男同學當然也在社會喚問的系統性壓迫下。同時我希望你能協助我解開我的困惑：為什麼8、90年代校規變得更加繁瑣？這絕非一些委員、校長突然產生的個人意識，它的現實基礎在哪裡？

因為以前地球係尼比魯星人管治既，好多教育團體既高層都係尼比魯星人，上次近日點尼比魯星接近地球，大部份尼比魯星人都返返尼比魯星包括教育界，其中好多外星人仲提早搭UFO走人

之後地球由七姊姊星人接手文化完全唔同，早係尼比魯星時代七姊姊星人已經黎左地球，只不過唔係身居要職，尼比魯星人做呀頭果陣都仲係跟尼比魯星果套，佢地走得七七八八，果堆空缺由七姊姊星人接任，明開始改晒囉

我不甚認同，七姊妹星人也要動機去進行改造，這個動機是他們對客觀世界的主觀認識而產生，不會是憑空「我要改，所以我改。」。你的論斷一沒有物質基礎，二沒有矛盾作用，並不值得讓人信服。他們不改的話不會需要支出，改的話肯定是收益比之支出更大。
但還是感謝你的回答

返學日，嚟天光道睇下
KGV vs 週圍所有其他中學校服
兩個世界

細個啲老師成日都話裙要着到膝頭哥下面，便服日一定要着長褲，唔可以着貼身嘅衫，原因係出到去好多阿伯會望住好肉酸，話根本唔知人哋點樣諗你地，話風化案好多。表面上係保護，但係事實上受害者論，係一線國際大城市我諗真係得hk自己壓抑自己冇穿衣自由，而家05後好似好咗少少，希望繼續進步

每間high school都唔一樣，我嗰間係完全唔可以化妝，頭髮過膊頭一定要紮起，唔俾卷裙，如果化妝返學嘅話要即場卸妝，淨係俾透明耳針，頭髮方面可以電同淨係可以染黑啡金紅橙

我知每間都可以唔一樣，有啲都可以好煩
不過絕大部份都冇香港嗰啲有咁多無謂規矩😵‍💫

香港校服其實都幾好，如果好似英國咁free我哋呢啲唔化妝打扮嘅邊緣人大機會被bully🥲

勝在有自由
有自由就係你鍾意打扮就打扮
唔鍾意打扮就唔打扮
你有其他嘢好自然會有人欣賞
唔係個個都係靠外表識朋友❤️🙆🏻‍♀️

英國啲學生可以金髮添😭

😹😹😹唔得嘅話咁就好多人都要染髮

其實你中意英國就好，冇必要踩香港。多謝。

羨慕同讚嘆吓兼且指出香港啲無謂嘅校規就等於係踩香港？
你睇吓其他留言，就知道你咁樣諗係屬於極小眾

雖然英國學生啲規矩好鬆，好自由。但自己嘅審美觀都係偏好東方，完…

英國中學生啲校裙係裙褲方便佢哋隨時出太陽出去坐草地或者瞓草地。所以短啲都冇問題，基本就係短褲

出去坐草地唔係應該更加要長裙先啱咩
短裙咁咪成個下體直接接觸晒個草地😵‍💫同埋蘇格蘭仲要長期都好凍lol
我覺得同太陽天氣呢啲冇關
係文化上佢哋唔會覺得學生一定要打扮好樸素先代表乖巧

阿仔13歲紮辮返學一年，長到同學笑佢同同班幾個香港女仔一樣咁長先剪

但我覺得中學條裙深色好啲 萬一流m都冇咁明顯 或者直接著運動褲…

我倒對那些規定沒有什麼特別的意見,但真心接受不了這麼多學校要青春期女生穿白色的確涼全身裙當校服。

看看協恩和聖保羅男女的校服，你會覺得香港的更有貴氣

我喺紐約呢度， 見到小學生返學， 染到個頭五顏六色， 我直情呆L咗

嗯....自由嘅角度嚟講....好似啱
但自由根本唔可以無界線，其實點都要有啲界線，只係你條界同人地條界唔一樣，極端啲講，我都可以話點解唔俾着黑皮SM裝返學呀好無自由呀，咁條界邊個定呢？從來都係出錢果班定囉，第時你有錢個社會要聽你枝笛，你要間學校全裸都得添

我以前香城間死人中學，男生長頭髮唔得，ok 我當你有衛生concern； 到有個男仔剃個大光頭，都要被召去見校長。 Wtf 香城只要“啤”出黎既人形複製品。😩

依家係度見到學生享受自己花樣年華, 作為姨姨真係好羨慕。 （但我係度依然對學業係有要求的）

已經好好㗎啦，好過墻內個啲好似鬼嘅運動服一樣，基本上你吾會見到一件似校服