今朝返工途中見到英國呢邊啲女學生個個啲裙都勁短、有啲直頭僅僅遮到個臀部、然後好多學生都化咗好明顯嘅妝、戴好多耳環（耳骨位有三四隻耳環嗰啲）、有啲仲穿埋鼻環、仲有好多學校都容許長頭髮嘅學生唔使紮頭髮，真係好自由，相信令好多香港學生好羨慕🥹

對比之下，我喺香港讀中學嗰陣條裙規定一定要及膝、我間中學只容許各邊耳珠位置戴一粒指定係細粒銀色珠珠嘅耳環（有埋直徑上限規定）又或者係透明嘅耳針、唔可以睇得出有化妝、頭髮過肩嘅話就100%要紮起😹

Google搵到一大堆香港女學生同英國女學生嘅相，真係一目了然

作為一個媽媽，我希望我女會樸素一啲，我有幾個朋友嘅女過咗英國讀書，真係一年時間咋，返嚟香港度假，著小背心露曬心口條罅，仲要化行個妝，講緊真係好低胸好長嘅罅，同好濃妝，其實都係十六、七歲，真心接受唔到，其實露少少罅，同化個淡妝我覺得可以，但勁低胸加勁濃妝我覺得有啲....

我明你作為阿媽會想個女「好乖好純品好樸素」嗰種心態，但呢樣嘢其實唔係理性，而係感性多啲，主要係因為你小朋友嘅時候社會洗你腦叫你要咁樣先係乖乖女而形成嘅，試想像下如果一個社會從來都唔會將樸素同純品、乖巧扯埋一齊，咁你就唔會有呢種感覺

我就覺得認為化濃妝着性感就係「壞嘅」、「無心向學嘅」係同「紋身或者講粗口就一定係衰人」個概念差唔多

我都識好多鍾意化濃妝着得性感嘅人，唔單止讀書好叻、好有成就、好有責任感、好nice，調返轉唔打扮、好薯頭嘅人都可以無心向學、不務正業、毫無責任感，所以千祈唔好將兩樣嘢畫上等號

後生唔打扮等幾時

尼啲打扮有青春身形靚時唔著等幾時

樸素，露少少罅，化淡妝你覺得你可以，咁你咪隨自己喜歡囉，但你係希望你個女？嚴格嚟講，佢係另一個人，有佢獨立思考同生活，身為媽媽，更加唔應該用有色眼鏡去睇朋友D仔女，更唔應該用有色眼鏡去睇外國學生，你冇睇過YouTube 香港D學生集體欺凌嘅影片，着住校服响樓梯活春宮？邊度都有敗類，唔係用條裙長少少嚟做量度！

我都覺得1x歲著得樸素啲好，不過時代唔同喇，佢地唔會聽🤷🏻‍♀️

有少少明白你嘅，因為傳統諗法係咁樣
唔知點解覺得純樸嗰啲就係乖學生，然之後佢可能讀書又會叻啲，總之乜都好啲啦

如果着得同純樸有分別嘅細路仔，永遠俾人印象就會覺得佢哋係讀唔到書，淨係識出街玩，佢哋唔乖嘅感覺

因為以前我喺香港嘅時候，我成日鼓勵佢着Bikini，打扮化妝着靚啲，我亦都聽到好多閑言閒語會話我個女讀書唔成㗎啦呢啲，淨係識扮靚，甚至乎開口對住我講鍾意佢啲小朋友仲着緊公仔衫，我哋個女好單純好有童真

不過呢啲咁嘅說話係刺激唔到我，我亦都唔會在乎
每個人都有佢自己鍾意同追求嘅嘢

所以去到英國我覺得好好，因為我唔需要再聽呢啲嘢，然之後佢可以同埋一班同學咁樣打扮亦都唔會有人再話佢

至於返香港，所有呢啲咁嘅朋友我已經唔再聯絡，以後都唔使再聽好開心

我冇話你錯，只係每個人鍾意嘅嘢唔同，明白會個世界就係咁，有好多唔同嘅語言有好多唔同嘅思想，
咁我唔想同呢一類嘅朋友一齊，所以我自己選擇咗唔再聯絡，因為大家都係唔一樣，咁咪唔使影響大家囉

外國既自由就係包埋呢啲打扮自由….外國女仔又勁早熟
冇計 又唔係有錢到可以送入貴族學校教你裙要過膝飲茶手指尾要剔起 呢啲social manner 分分鐘送到入去佢都嫌老土唔學 只能接受

你唔好強迫啲小朋友做你定義的好孩子至得

冇強迫，我唔鍾意太暴露嘅打扮，剛好我女亦都冇呢啲打扮。

你唔鐘意嗰啲打扮咪唔好要嗰啲打扮囉。人哋點打扮係人哋嘅事。同埋而家唔係暴唔暴露的問題。嗰問題係你唔鐘意人扮靚呀

咁呢度討論區都係討論下每個人嘅喜好啫！唔通我見到會走過去話人咩😂😂

因為鬼妹想法係今日我靚，唔 show off 等幾時？佢哋18歳開始肥，21中年喇。當然有啲愛運動嘅會 keep 到。

皮膚keep唔到，唔知係唔係唔鍾意護膚定曬得太陽多，30歲後啲皮膚同亞洲比，衰老最少十年。

唔係淨係外國讀書先會咁，而家好多香港學生都會，只係你冇留意到，你睇吓啲IG Account，著到你所描述嘅好多都係得十零數！你睇吓Bob 個女，鬼妹仔打扮，父母未必好喜歡㗎，但可以點？你想個女點係一回事，而家年青人好有自己思想，你好難控制佢！所以唔使標籤外國讀書學生嘅打扮，有好多都好樸素，打扮純粹係佢想建立自己個人形象，但唔代表佢哋係壞人！如果成日乜都睇唔順眼，old seafood 咁會好難同啲後生溝通！

我都明後生嘅想點你阻止唔嚟，所以我朋友同我講佢係父母一定唔會畀個女著成咁時，我都同佢講可能人哋阿爸阿媽都唔鍾意，但係阻止唔到啫。

多數香港家長都係咁。
文化唔同冇解。
我唔鍾意係因為化濃妝，著衫顯體態都要時間及精力，又顯得老積，濃妝艷抹倒不如樸素的青春年華簡單自在一點。

依家啲女仔係好早熟